ਅੱਜ ਤੋਂ ਪੰਜਾਬ 'ਚ ਕਣਕ ਦੀ ਸਰਕਾਰੀ ਖਰੀਦ, ਮਾਨ ਸਰਕਾਰ ਵਲੋਂ ਕਿਸਾਨਾਂ ਨੂੰ 3 ਦਿਨਾਂ 'ਚ ਅਦਾਇਗੀ ਦੇ ਹੁਕਮ

ਚੰਡੀਗੜ੍ਹ : ਪੰਜਾਬ ਵਿੱਚ ਅੱਜ ਯਾਨੀ ਇੱਕ ਅਪ੍ਰੈਲ ਤੋਂ ਕਣਕ ਦੀ ਸਰਕਾਰੀ ਖਰੀਦ ਸ਼ਰੁ ਹੋਵੇਗੀ। ਪੰਜਾਬੀ ਦੀ ਨਵੀਂ ਬਣੀ ਮਾਨ ਸਰਕਾਰ ਵੱਲੋਂ 72 ਘੰਟੇ ਅੰਦਰ ਕਿਸਾਨਾਂ ਨੂੰ ਅਦਾਇਗੀ ਦੇ ਹੁਕਮ ਗਏ ਹਨ। ਇਸ ਨਾਲ ਹੀ ਸਰਕਾਰ ਵੱਲੋਂ ਖਰੀਦ ਪ੍ਰਬੰਧ ਮੁਕੰਮਲ ਹੋਣ ਦਾ ਦਾਅਵਾ ਕੀਤਾ ਹੈ। ਕਣਕ ਦੀ ਖਰੀਦ ਲਈ 1862 ਖਰੀਦ ਕੇਂਦਰ ਬਣਾਏ ਗਏ ਹਨ। ਕਿਸਾਨਾਂ ਤੋਂ 2015 ਰੁਪਏ ਪ੍ਰਤੀ ਕੁਇੰਟਲ ਦੇ ਭਾਅ ‘ਤੇ 31 ਮਈ ਤੱਕ ਕਣਕ ਦੀ ਖਰੀਦ ਕੀਤੀ ਜਾਣੀ ਹੈ। ਰਾਜ ਦਾ ਖੁਰਾਕ ਅਤੇ ਸਿਵਲ ਸਪਲਾਈ ਵਿਭਾਗ, ਚਾਰ ਰਾਜ ਖਰੀਦ ਏਜੰਸੀਆਂ ਅਤੇ ਕੇਂਦਰ ਦੀ ਫੂਡ ਕਾਰਪੋਰੇਸ਼ਨ ਆਫ ਇੰਡੀਆ (FCI) ਸਾਰੇ ਮੁਸ਼ਕਲ ਰਹਿਤ ਖਰੀਦ ਲਈ ਤਿਆਰ ਹਨ।

Also Read: ਚੰਡੀਗੜ੍ਹ ਪ੍ਰਸ਼ਾਸਨ ਨੇ ਟੈਕਸੀ-ਆਟੋ ਦੇ ਕਿਰਾਏ ਕੀਤੇ ਨਿਰਧਾਰਿਤ, ਜਾਣੋ ਨਵੇਂ ਰੇਟ

ਸੂਬੇ ਨੂੰ ਕਣਕ ਦੀ ਖਰੀਦ ਲਈ ਸੂਬੇ ਵੱਲੋਂ ਮੰਗੇ ਗਏ ₹29,540 ਕਰੋੜ ਦੀ ਪਹਿਲੀ ਕਿਸ਼ਤ ਵਿੱਚ 24,773.11 ਕਰੋੜ ਰੁਪਏ ਦੀ ਨਕਦ ਕ੍ਰੈਡਿਟ ਲਿਮਟ ਪ੍ਰਾਪਤ ਹੋਈ ਹੈ। ਖੁਰਾਕ ਵਿਭਾਗ ਮੁਤਾਬਿਕ ਕਣਕ ਦੀ ਖਰੀਦ ਲਈ ਵਾਧੂ 250 ਅਸਥਾਈ ਮੰਡੀਆਂ ਸਥਾਪਤ ਕਰਨ ਦੇ ਪ੍ਰਬੰਧ ਕੀਤੇ ਹਨ। ਸੂਬਾ ਸਰਕਾਰ ਨੇ ਦੂਜੇ ਰਾਜਾਂ ਤੋਂ ਕਣਕ ਦੀ ਆਮਦ ਨੂੰ ਰੋਕਣ ਲਈ ਰਾਜ ਦੀ ਸਰਹੱਦ 'ਤੇ 42 ਪੁਲਿਸ ਨਾਕਿਆਂ (ਪੋਸਟਾਂ) ਦੀ ਸਥਾਪਨਾ ਕੀਤੀ ਹੈ। ਸਸਤੇ ਭਾਅ 'ਤੇ ਖਰੀਦੀ ਗਈ ਦੂਜੇ ਰਾਜਾਂ ਤੋਂ ਰੀਸਾਈਕਲ ਕੀਤੀ ਕਣਕ ਨੂੰ ਤਾਜ਼ੀ ਖਰੀਦੀ ਕਣਕ ਨਾਲ ਮਿਲਾਇਆ ਜਾਂਦਾ ਹੈ ਅਤੇ ਉੱਚੇ ਰੇਟਾਂ 'ਤੇ ਵੇਚਿਆ ਜਾਂਦਾ ਹੈ।

Also Read: ਪੰਜਾਬ ਵਜ਼ਾਰਤ ਦਾ ਵੱਡਾ ਫੈਸਲਾ, ਕਿਸਾਨਾਂ ਨੂੰ ਮਾਨ ਸਰਕਾਰ ਨੇ ਦਿੱਤੀ ਰਾਹਤ

ਵੱਧਣ ਲੱਗੀਆਂ ਕਣਕ ਦੀਆਂ ਕੀਮਤਾਂ-
ਦੇਸ਼ ਭਰ ਵਿੱਚ ਖੁੱਲੇ ਬਾਜ਼ਾਰ ਵਿੱਚ 2,015 ਰੁਪਏ ਪ੍ਰਤੀ ਕੁਇੰਟਲ ਦੇ ਘੱਟੋ-ਘੱਟ ਸਮਰਥਨ ਮੁੱਲ ਦੇ ਮੁਕਾਬਲੇ ਮੁਨਾਫੇ ਦੀ ਕੀਮਤ ਪਹਿਲਾਂ ਹੀ 2,300 ਰੁਪਏ ਪ੍ਰਤੀ ਕੁਇੰਟਲ ਨੂੰ ਛੂਹ ਗਈ ਹੈ। ਵਪਾਰੀਆਂ ਨੂੰ ਸੂਬੇ ਤੋਂ ਕਣਕ ਖਰੀਦਣ ਦੀ ਉਮੀਦ ਹੈ। ਰਾਜ ਦੇ ਖੁਰਾਕ ਅਤੇ ਸਿਵਲ ਸਪਲਾਈ ਵਿਭਾਗ ਦੇ ਇੱਕ ਅਧਿਕਾਰੀ ਨੇ ਕਿਹਾ, "ਖੁੱਲ੍ਹੇ ਬਾਜ਼ਾਰ ਵਿੱਚ ਕੀਮਤਾਂ ਵਿੱਚ ਵਾਧੇ ਦੇ ਕਾਰਨ, ਅਸੀਂ ਕਿਸਾਨਾਂ ਤੋਂ ਸਟਾਕ ਨੂੰ ਬਰਕਰਾਰ ਰੱਖਣ ਦੀ ਉਮੀਦ ਕਰਦੇ ਹਾਂ, ਜਿਸਨੂੰ ਉਹ ਬਾਅਦ ਵਿੱਚ ਵਿਕਰੀ ਲਈ ਲਿਆਉਣਗੇ।"