ਇਸ ਦਿਨ ਲੱਗੇਗਾ ਸਾਲ 2022 ਦਾ ਪਹਿਲਾ ਸੂਰਜ ਗ੍ਰਹਿਣ

ਚੰਡੀਗੜ੍ਹ- ਸਾਲ 2022 'ਚ ਦੋ ਸੂਰਜ ਗ੍ਰਹਿਣ ਲੱਗਣ ਵਾਲੇ ਹਨ। ਪਹਿਲਾ ਸੂਰਜ ਗ੍ਰਹਿਣ 30 ਅਪ੍ਰੈਲ 2022 ਨੂੰ ਲੱਗੇਗਾ ਜਦਕਿ ਦੂਜਾ ਸੂਰਜ ਗ੍ਰਹਿਣ ਸਾਲ ਦੇ ਅਖੀਰ ਵਿਚ 25 ਅਕਤੂਬਰ 2022 ਨੂੰ ਲੱਗੇਗਾ। ਸਾਲ ਦਾ ਪਹਿਲਾ ਸੂਰਜ ਗ੍ਰਹਿਣ ਆਂਸ਼ਕ ਮੰਨਿਆ ਜਾ ਰਿਹਾ ਹੈ ਜੋ ਦੱਖਣੀ ਅਮਰੀਕਾ ਦੇ ਦੱਖਣ-ਪੱਛਮੀ ਹਿੱਸੇ, ਪ੍ਰਸ਼ਾਂਤ ਮਹਾਸਾਗਰ, ਅਟਲਾਂਟਿਕ ਤੇ ਅੰਟਾਰਕਟਿਕਾ 'ਚ ਦਿਖਾਈ ਦੇਵੇਗਾ। ਇਹ ਸੂਰਜ ਗ੍ਰਹਿਣ ਭਾਰਤ ਵਿਚ ਨਹੀਂ ਦਿਖਾਈ ਦੇਵੇਗਾ।

Also Read: ਪੰਜਾਬ ਚੋਣਾਂ: ਨਤੀਜਿਆਂ ਦੀਆਂ ਤਿਆਰੀਆਂ ਮੁਕੰਮਲ, ਸਵੇਰੇ 8 ਵਜੇ ਤੋਂ ਸ਼ੁਰੂ ਹੋਵੇਗੀ ਗਿਣਤੀ

ਪਹਿਲੇ ਸੂਰਜ ਗ੍ਰਹਿਣ ਦੀ ਮਿਤੀ ਤੇ ਸਮਾਂ
ਸਾਲ 2022 ਦਾ ਪਹਿਲਾ ਸੂਰਜ ਗ੍ਰਹਿਣ 30 ਅਪ੍ਰੈਲ 2022 ਨੂੰ 00:15:19 ਤੋਂ 04:07:56 ਤਕ ਲੱਗੇਗਾ। ਇਹ ਗ੍ਰਹਿਣ ਭਾਰਤ 'ਚ ਦਿਖਾਈ ਨਹੀਂ ਦੇਵੇਗਾ। ਇਹ ਗ੍ਰਹਿਣ ਦੱਖਣੀ ਅਮਰੀਕਾ ਦੇ ਦੱਖਣ-ਪੱਛਮੀ ਹਿੱਸੇ, ਪ੍ਰਸ਼ਾਂਤ ਮਹਾਸਾਗਰ, ਅਟਲਾਂਟਿਕ ਤੇ ਅੰਟਾਰਕਟਿਕਾ 'ਚ ਦੇਖਿਆ ਜਾ ਸਕਦਾ ਹੈ।

ਦੂਜਾ ਸੂਰਜ ਗ੍ਰਹਿਣ 2022 ਤਾਰੀਕ ਤੇ ਸਮਾਂ
ਸਾਲ 2022 ਦਾ ਦੂਜਾ ਸੂਰਜ ਗ੍ਰਹਿਣ 25 ਅਕਤੂਬਰ ਮੰਗਲਵਾਰ ਸ਼ਾਮ 16:29:10 'ਤੇ ਸ਼ੁਰੂ ਹੋਵੇਗਾ, ਜੋ 17:42:01 'ਤੇ ਸਮਾਪਤ ਹੋਵੇਗਾ। ਇਹ ਗ੍ਰਹਿਣ ਯੂਰਪ, ਅਫਰੀਕਾ ਮਹਾਂਦੀਪ ਦੇ ਉੱਤਰ-ਪੂਰਬੀ ਹਿੱਸੇ, ਏਸ਼ੀਆ ਦੇ ਦੱਖਣ-ਪੱਛਮੀ ਹਿੱਸੇ ਅਤੇ ਅਟਲਾਂਟਿਕ 'ਚ ਦਿਖਾਈ ਦੇਵੇਗਾ। ਇਹ ਸੂਰਜ ਗ੍ਰਹਿਣ ਭਾਰਤ ਵਿਚ ਕੁਝ ਥਾਵਾਂ 'ਤੇ ਦੇਖਿਆ ਜਾ ਸਕਦਾ ਹੈ।

Also Read: ਲੁਧਿਆਣਾ ਦੇ ਧਰਮਪੁਰਾ ਇਲਾਕੇ 'ਚ ਜ਼ਮੀਨੀ ਵਿਵਾਦ ਕਾਰਨ ਹੋਈ ਫਾਇਰਿੰਗ

ਚੰਦਰ ਗ੍ਰਹਿਣ ਦੀ ਤਰੀਕ ਤੇ ਸਮਾਂ
ਸਾਲ ਦਾ ਪਹਿਲਾ ਪੂਰਨ ਚੰਦਰ ਗ੍ਰਹਿਣ 16 ਮਈ 2022 ਨੂੰ ਲੱਗੇਗਾ। ਗ੍ਰਹਿਣ ਦੇ ਸਮੇਂ ਦੀ ਗੱਲ ਕਰੀਏ ਤਾਂ ਭਾਰਤੀ ਸਮੇਂ ਅਨੁਸਾਰ ਇਹ ਸੋਮਵਾਰ ਨੂੰ ਸਵੇਰੇ 08:59 ਤੋਂ 10:23 ਤਕ ਹੋਵੇਗਾ। ਸਾਲ ਦਾ ਪਹਿਲਾ ਚੰਦਰ ਗ੍ਰਹਿਣ ਦੱਖਣੀ-ਪੱਛਮੀ ਯੂਰਪ, ਦੱਖਣ-ਪੱਛਮੀ ਏਸ਼ੀਆ, ਅਫਰੀਕਾ, ਉੱਤਰੀ ਅਮਰੀਕਾ ਦੇ ਜ਼ਿਆਦਾਤਰ ਹਿੱਸਿਆਂ, ਦੱਖਣੀ ਅਮਰੀਕਾ, ਪ੍ਰਸ਼ਾਂਤ ਮਹਾਸਾਗਰ, ਹਿੰਦ ਮਹਾਸਾਗਰ, ਅਟਲਾਂਟਿਕ ਅਤੇ ਅੰਟਾਰਕਟਿਕਾ 'ਚ ਵੀ ਦਿਖਾਈ ਦੇਵੇਗਾ ਕਿਉਂਕਿ ਇਸ ਚੰਦਰ ਗ੍ਰਹਿਣ ਦੀ ਦਿੱਖ ਭਾਰਤ ਵਿਚ ਜ਼ੀਰੋ ਰਹੇਗੀ, ਇਸ ਲਈ ਇਸਦਾ ਸੂਤਕ ਕਾਲ ਇੱਥੇ ਪ੍ਰਭਾਵੀ ਨਹੀਂ ਹੋਵੇਗਾ।