ਅੰਮ੍ਰਿਸਰ 'ਚ 4 ਫੈਕਟਰੀਆਂ 'ਤੇ ਪੁਲਿਸ ਦੀ ਰੇਡ, ਲੋਕਾਂ ਨੂੰ ਵੇਚਿਆ ਜਾ ਰਿਹੈ ਸੀ ਜਾਨਵਰਾਂ ਵਾਲਾ ਲੂਣ

ਅੰਮ੍ਰਿਤਸਰ : ਪੰਜਾਬ ਦੇ ਅੰਮ੍ਰਿਤਸਰ (Amritsar, Punjab) ਵਿਚ ਪੁਲਿਸ ਨੇ ਜੁਆਇੰਟ ਆਪ੍ਰੇਸ਼ਨ ਚਲਾ ਕੇ 4 ਥਾਵਾਂ ਤੋਂ ਨਕਲੀ ਨਮਕ ਬਣਾਉਣ ਵਾਲੀਆਂ ਫੈਕਟਰੀਆਂ (Factories) ਵਿਚ ਰੇਡ ਕੀਤੀ। ਚਾਰੋ ਥਾਈਂ ਸਸਤੇ ਨਮਕ ਦੇ ਪੈਕੇਟਸ (Packets of salt) ਪਏ ਸਨ। ਜ਼ਬਤ ਕੀਤੇ ਗਏ ਨਮਕ ਦਾ ਭਾਰ ਕੁਇੰਟਲਾਂ (Quintals) ਵਿਚ ਹੈ। ਪੁਲਿਸ ਨੇ ਚਾਰਾਂ ਫੈਕਟਰੀਆਂ (Four factories) ਦੇ ਮਾਲਕਾਂ ਖਿਲਾਫ ਮਾਮਲਾ ਦਰਜ ਕਰ ਲਿਆ ਹੈ। Also Read : ਪਿਆਰ, ਲਿਵ-ਇਨ ਤੇ ਧੋਖਾ, ਕਿਤੇ ਨਾ ਮਿਲਿਆ ਇਨਸਾਫ, ਲੜਕਾ ਫਰਾਰ  

ਕੰਪਨੀ ਦੇ ਅਧਿਕਾਰੀ ਰੋਮੇਸ਼ ਦੱਤ ਨੇ ਦੱਸਿਆ ਕਿ ਕਾਫੀ ਸਮੇਂ ਤੋਂ ਇਲਾਕੇ ਵਿਚ ਨਕਲੀ ਨਮਕ ਦੇ ਵਿਕਣ ਦੀ ਸੂਚਨਾਵਾਂ ਮਿਲ ਰਹੀਆਂ ਸਨ। ਇਸ 'ਤੇ ਕੰਪਨੀ ਵਲੋਂ ਜਾਂਚ ਕੀਤੀ ਗਈ ਅਤੇ ਚਾਰਾਂ ਥਾਵਾਂ ਬਾਰੇ ਪੁਖ਼ਤਾ ਜਾਣਕਾਰੀਆਂ ਹਾਸਲ ਹੋ ਗਈਆਂ। ਇਸ ਤੋਂ ਬਾਅਦ ਰੂਰਲ ਪੁਲਿਸ ਐੱਸ.ਐੱਸ.ਪੀ. ਸਤੀਸ਼ ਕੌਸ਼ਿਕ ਦੇ ਨਾਲ ਸੰਪਰਕ ਕੀਤਾ ਗਿਆ। ਜਿਨ੍ਹਾਂ ਵਲੋਂ ਤਿੰਨ ਟੀਮਾਂ ਦਾ ਗਠਨ ਕਰਕੇ ਰੇਡ ਕੀਤੀ ਗਈ। ਤਿੰਨੋ ਟੀਮਾਂ ਨੇ ਇਕੱਠਿਆਂ 4 ਥਾਵਾਂ 'ਤੇ ਰੇਡ ਕਰਕੇ ਕੁਇੰਟਲਾਂ ਦੇ ਹਿਸਾਬ ਨਾਲ ਨਕਲੀ ਨਮਕ ਜ਼ਬਤ ਕੀਤਾ ਹੈ।  Also Read : ਸੁਖਬੀਰ ਬਾਦਲ ਨੇ ਸ਼ਾਮ ਚੁਰਾਸੀ ਤੋਂ ਉਮੀਦਵਾਰ ਇੰਜੀਨੀਅਰ ਮਹਿੰਦਰ ਸਿੰਘ ਦੇ ਹੱਕ ਵਿਚ ਕੀਤਾ ਪ੍ਰਚਾਰ

ਮੁਲਜ਼ਮ ਜਾਨਵਰਾਂ ਨੂੰ ਪਾਉਣ ਵਾਲਾ ਨਮਕ ਇਸਤੇਮਾਲ ਕਰ ਰਹੇ ਸਨ। ਕੰਪਨੀ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਟਾਟਾ ਸਾਲਟ 20 ਤੋਂ 25 ਰੁਪਏ ਪ੍ਰਤੀ ਕਿਲੋ ਮਿਲਦਾ ਹੈ ਪਰ ਮੁਲਜ਼ਮ ਬਾਜ਼ਾਰ ਤੋਂ ਸਸਤਾ 6-7 ਰੁਪਏ ਪ੍ਰਤੀ ਕਿਲੋ ਜਾਨਵਰਾਂ ਨੂੰ ਪਾਇਆ ਜਾਣ ਵਾਲਾ ਨਮਕ ਖਰੀਦ ਕੇ ਟਾਟਾ ਦੇ ਪੈਕੇਟਸ ਵਿਚ ਪੈਕ ਕਰ ਰਹੇ ਸਨ। ਜਿਸ ਦੀ ਨਾ ਤਾਂ ਸਹੀ ਤਰ੍ਹਾਂ ਸਫਾਈ ਹੁੰਦੀ ਹੈ ਅਤੇ ਨਾ ਹੀ ਉਹ ਆਇਓਡਾਈਜ਼ਡ ਹੁੰਦਾ ਹੈ। ਅਜਿਹਾ ਨਮਕ ਖਾਣ ਨਾਲ ਗੰਭੀਰ ਬੀਮਾਰੀਆਂ ਦਾ ਵੀ ਖਤਰਾ ਬਣਿਆ ਰਹਿੰਦਾ ਹੈ।