ਅੰਮ੍ਰਿਤਸਰ 'ਚ ਲੱਗੇ ਨਵਜੋਤ ਸਿੱਧੂ ਦੇ ਹੱਕ 'ਚ ਪੋਸਟਰ, ਸਮਰਥਕਾਂ ਨੇ ਕਿਹਾ ਪੰਜਾਬ 'ਚ ਵਾਅਦੇ ਨਹੀਂ ਹੋਏ ਪੂੂਰੇ

ਮ੍ਰਿਤਸਰ:  ਵਿਧਾਨ ਸਭਾ ਚੋਣਾਂ (Assembly elections) ਦਿਨੋ-ਦਿਨ ਨੇੜੇ ਆ ਰਹੀਆਂ ਹਨ ਪਰ ਪੰਜਾਬ ਕਾਂਗਰਸ (Punjab Congress) 'ਚ ਕਲੇਸ਼ ਮੁੱਕਣ ਦਾ ਨਾਂ ਨਹੀਂ ਲੈ ਰਿਹਾ। ਇਸੇ ਨੁਕਸਾਨ ਤੋਂ ਬਚਣ ਲਈ ਕਾਂਗਰਸ ਹਾਈ ਕਮਾਨ ਵੱਲੋਂ ਪੂਰੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ। ਟਕਰਾਅ ਨੂੰ ਨਿਬੇੜਨ ਲਈ ਦਿੱਲੀ ਵਿੱਚ 20 ਜੂਨ ਨੂੰ ਮੀਟਿੰਗਾਂ ਦਾ ਦੌਰ ਹੋਏਗਾ।  

ਦੂਜੇ ਪਾਸੇ  ਪੰਜਾਬ ਕਾਂਗਰਸ ’ਚ ਪੋਸਟਰ ਜੰਗ (Poster War) ਵੀ ਵਧਦੀ ਜਾ ਰਹੀ ਹੈ। ਕੈਪਟਨ ਅਮਰਿੰਦਰ ਸਿੰਘ (Capt. Amarinder Singh) ਦੇ ਪੋਸਟਰ ਲੱਗਣ ਤੋਂ ਬਾਅਦ ਹੁਣ ਅੰਮ੍ਰਿਤਸਰ 'ਚ (Navjot singh sidhu) ਨਵਜੋਤ ਇਸੰਘ ਸਿੱਧੂ ਦੇ ਪੋਸਟਰ ਲੱਗਣ ਦੀ ਖਬਰ ਸਾਹਮਣੇ ਆਈ ਹੈ।  ਇਸ ਦੇ ਨਾਲ ਹੀ ਪ੍ਰਤਾਪ ਸਿੰਘ ਬਾਜਵਾ (Partap Singh Bajwa) ਦੇ ਹੱਕ ਵਿੱਚ ਵੀ ਪੋਸਟਰ ਲੱਗਣੇ ਸ਼ੁਰੂ ਹੋ ਗਏ ਹਨ।

ਨਵਜੋਤ ਸਿੰਘ ਸਿੱਧੂ (Navjot singh sidhu) ਦੀ ਸਮਰਥਕਾਂ ਵੱਲੋਂ ਕਿਹਾ ਗਿਆ ਹੈ ਕਿ ਕੈਪਟਨ ਅਮਰਿੰਦਰ ਸਿੰਘ ਨੇ ਜਿਹੜੇ ਪੰਜਾਬ ਨਾਲ ਵਾਅਦੇ ਕੀਤੇ ਗਏ ਸੀ ਉਹ ਵਾਅਦੇ ਨਹੀਂ ਪੂਰੀ ਕੀਤੇ। ਦੂਜੇ ਪਾਸੇ ਅਮਰਿੰਦਰ ਸਿੰਘ ਵੱਲੋਂ ਗੁਟਕਾ ਸਾਹਿਬ ਹੱਥ ਵਿਚ ਫੜ ਸਹੁੰ ਖਾਧੀ ਗਈ ਸੀ ਕਿ ਪੰਜਾਬ ਨਸ਼ਾ ਮੁਕਤ ਕੀਤਾ ਜਾਵੇਗਾ ਪਰ ਨਸ਼ਾ ਅਜੇ ਵੀ ਦੇ ਘਰ ਘਰ ਵਿਕ ਰਿਹਾ ਹੈ।   

ਨਵਜੋਤ ਸਿੰਘ ਸਿੱਧੂ ਦੇ ਸਮਰਥਕਾਂ ਨੇ ਕਿਹਾ ਕਿ  ਪੂਰੇ ਅੰਮ੍ਰਿਤਸਰ ਵਿਚ (Navjot singh sidhu) ਨਵਜੋਤ ਸਿੰਘ ਸਿੱਧੂ ਦੇ ਪੋਸਟਰ ਗਲੀ ਮੁਹੱਲੇ ਦੇ ਵਿੱਚ ਲੱਗਣਗੇ। ਬੀਤੇ ਕੁਝ ਦਿਨ ਪਹਿਲਾ ਕਾਂਗਰਸੀ ਵਿਧਾਇਕ ਨਵਜੋਤ ਸਿੰੰਘ ਸਿੱਧੂ ਅਤੇ ਕੈਪਟਨ ਅਮਰਿੰਦਰ ਸਿੰਘ ਵਿਚਾਲੇ ਚੱਲ ਰਹੀ ਅੰਦਰੂਨੀ ਜੰਗ ਦੌਰਾਨ ਕਾਂਗਰਸੀ ਆਗੂਆਂ ਨੇ ਇੱਥੇ ਸ਼ਹਿਰ ਵਿੱਚ ਕਈ ਥਾਵਾਂ ’ਤੇ ਹੋਰਡਿੰਗਜ਼ ਲਾ ਕੇ ਕੈਪਟਨ ਅਮਰਿੰਦਰ ਸਿੰਘ ਨੂੰ ਸਮਰਥਨ ਦਿੱਤਾ ਹੈ। ਉਧਰ, ਪਟਿਆਲਾ ਵਿੱਚ ਅਜਿਹੇ ਕੁਝ ਪੋਸਟਰ ਸਿੱਧੂ ਜੋੜੇ ਦੇ ਹੱਕ ਵਿੱਚ ਵੀ ਲੱਗੇ ਹਨ।