ਅੰਮ੍ਰਿਤਸਰ ’ਚ ਲੱਗੇ ਨਵਜੋਤ ਸਿੱਧੂ ਦੇ ਗੁਮਸ਼ੁਦਗੀ ਦੇ ਪੋਸਟਰ, ਰੱਖਿਆ 50 ਹਜ਼ਾਰ ਦਾ ਇਨਾਮ

ਅੰਮ੍ਰਿਤਸਰ: ਪੰਜਾਬ ਦੇ ਸਾਬਕਾ ਕੈਬਨਿਟ ਮੰਤਰੀ ਅਤੇ ਕਾਂਗਰਸ ਨੇਤਾ (Navjot Sidhu)ਨਵਜੋਤ ਸਿੰਘ ਸਿੱਧੂ ਦੇ ਵਿਧਾਨ ਸਭਾ ਹਲਕੇ ਵਿੱਚ ਉਨ੍ਹਾਂ ਦੇ ਹੀ ਲਾਪਤਾ ਹੋਣ ਦੇ Poster ਪੋਸਟਰ ਲਗਾਏ ਗਏ ਹਨ। ਪੂਰਬੀ ਵਿਧਾਨ ਸਭਾ ਹਲਕੇ ਤੋਂ ਨਵਜੋਤ ਸਿੰਘ ਸਿੱਧੂ ਨੇ ਚੋਣ ਜਿੱਤੀ ਸੀ। ਅਮ੍ਰਿਤਸਰ ਦੇ ਵਿਧਾਨ ਸਭਾ ਹਲਕਾ ਪੂਰਬੀ ਦੇ ਲੋਕ ਆਪਣੇ ਵਿਧਾਇਕ ਨਵਜੋਤ ਸਿੱਧੂ ਨੂੰ ਲੱਭ ਰਹੇ ਹਨ ਅਤੇ ਸਿੱਧੂ ਦੀ ਭਾਲ ਸਬੰਧੀ ਹਲਕੇ 'ਚ ਪੋਸਟਰ ਲਾਏ ਗਏ ਹਨ। 

ਇਸ ਦੇ ਨਾਲ, ਜੋ ਵਿਅਕਤੀ ਇਸ ਨੂੰ ਲੱਭਦਾ ਹੈ ਉਸਨੂੰ 50 ਹਜ਼ਾਰ ਰੁਪਏ ਦੀ ਰਾਸ਼ੀ ਦਾ ਐਲਾਨ ਵੀ ਕੀਤਾ ਗਿਆ ਹੈ। ਇਹ ਪੋਸਟਰ NGO ਵੱਲੋਂ ਲਗਾਏ ਗਏ ਹਨ। ਪਿਛਲੇ ਸਾਢੇ ਚਾਰ ਸਾਲਾਂ 'ਚ ਨਾ ਸਿੱਧੂ ਨੇ ਆਪਣੇ ਹਲਕੇ ਦੀ ਸਾਰ ਲਈ ਅਤੇ ਨਾ ਹੀ ਹਲਕੇ ਦੇ ਲੋਕਾਂ ਨੂੰ ਕਦੇ ਮਿਲੇ ਤਾਂ ਆਖਿਰਕਾਰ ਹੁਣ ਲੋਕਾਂ ਵੱਲੋਂ ਹਲਕੇ 'ਚ ਸਿੱਧੂ ਦੀ ਗੁਮਸ਼ੁਦਗੀ ਸਬੰਧੀ ਪੋਸਟਰ ਲਗਾਏ ਹਨ ਅਤੇ ਸਿੱਧੂ ਨੂੰ ਲੱਭਣ ਵਾਲੇ ਨੂੰ 50000 ਰੁਪਏ ਇਨਾਮ ਵੀ ਰੱਖਿਆ ਗਿਆ ਹੈ।

ਮਹੱਤਵਪੂਰਨ ਗੱਲ ਇਹ ਵੀ ਹੈ ਕਿ ਨਵਜੋਤ ਸਿੰਘ ਸਿੱਧੂ ਵਿਧਾਨ ਸਭਾ ਹਲਕੇ ਵਿੱਚ ਬਹੁਤ ਘੱਟ ਹੀ ਆਏ ਹਨ। ਪਹਿਲਾਂ ਉਹ ਅੰਮ੍ਰਿਤਸਰ ਤੋਂ ਸੰਸਦ ਮੈਂਬਰ ਸਨ, ਇਸ ਲਈ ਉਸ ਸਮੇਂ ਵੀ ਅਜਿਹੇ ਪੋਸਟਰ ਲਗਾਏ ਗਏ ਸਨ। ਉਸ ਸਮੇਂ ਉਹ ਭਾਜਪਾ ਤੋਂ ਸੰਸਦ ਮੈਂਬਰ ਸਨ।