ਸ਼੍ਰੀਲੰਕਾ 'ਚ ਤੇਲ ਦਾ ਸੰਕਟ, ਭਾਰਤ ਤੋਂ 50 ਕਰੋੜ ਡਾਲਰ ਦਾ ਕਰਜ਼ ਲੈ ਸਕਦੀ ਹੈ ਸਰਕਾਰ

ਸ਼੍ਰੀਲੰਕਾ  : ਸ਼੍ਰੀਲੰਕਾ ਜਲਦ ਹੀ ਭਾਰਤ ਤੋਂ ਕਰਜ਼ਾ ਲੈ ਸਕਦਾ ਹੈ। ਸ਼੍ਰੀਲੰਕਾ (Sri Lanka) ਸਰਕਾਰ ਭਾਰਤ ਤੋਂ 50 ਕਰੋੜ ਅਮਰੀਕੀ ਡਾਲਰ ਦੀ ਈਂਧਨ ਲੋਨ (Fuel Loan) ਸਹਾਇਤਾ ਲੈਣ 'ਤੇ ਵਿਚਾਰ ਕਰ ਰਹੀ ਹੈ। ਘਟਨਾਕ੍ਰਮ ਤੋਂ ਜਾਣੂ ਲੋਕਾਂ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਗੁਆਂਢੀ ਦੇਸ਼ ਦੋਵਾਂ ਦੇਸ਼ਾਂ ਵਿਚਾਲੇ ਤੇਲ ਟੈਂਕ ਸੌਦੇ 'ਤੇ ਹਸਤਾਖਰ ਕੀਤੇ ਜਾਣ ਤੋਂ ਬਾਅਦ ਵਧਦੇ ਊਰਜਾ ਸਹਿਯੋਗ ਦੇ ਵਿਚਕਾਰ ਭਾਰਤ ਤੋਂ ਕਰਜ਼ਾ ਸਹਾਇਤਾ ਪ੍ਰਾਪਤ ਕਰਨ ਦੀਆਂ ਸੰਭਾਵਨਾਵਾਂ ਦਾ ਪਤਾ ਲਗਾ ਰਿਹਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਦੇਸ਼ 'ਚ ਇਸ ਸਮੇਂ ਈਂਧਨ ਦਾ ਸੰਕਟ ਹੈ। ਇਸ ਦੇ ਨਾਲ ਹੀ ਦੇਸ਼ 'ਚ ਮਹਿੰਗਾਈ ਵਧ ਗਈ ਹੈ, ਜਿਸ ਦਾ ਆਮ ਲੋਕਾਂ 'ਤੇ ਵੀ ਮਾੜਾ ਅਸਰ ਪੈ ਰਿਹਾ ਹੈ।

Also Read : ਦਰਬਾਰ ਸਾਹਿਬ ਜਾਣ ਵਾਲੀਆਂ ਸੰਗਤਾਂ ਲਈ ਜਰੂਰੀ ਖ਼ਬਰ, ਜਾਰੀ ਹੋਈਆਂ ਨਵੀਆਂ ਹਿਦਾਇਤਾਂ

ਸ਼੍ਰੀਲੰਕਾ ਭਾਰਤ ਤੋਂ  ਲਵੇਗਾ ਲੋਨ 

ਗੁਆਂਢੀ ਦੇਸ਼ ਨੇ ਵੀਰਵਾਰ ਨੂੰ ਇੰਡੀਅਨ ਆਇਲ ਕਾਰਪੋਰੇਸ਼ਨ ਦੀ ਸ਼੍ਰੀਲੰਕਾ ਬ੍ਰਾਂਚ (LIOC), ਸੀਲੋਨ ਪੈਟਰੋਲੀਅਮ ਕਾਰਪੋਰੇਸ਼ਨ (CPC) ਅਤੇ ਦੋਵਾਂ ਕੰਪਨੀਆਂ ਦੇ ਵਿਚਕਾਰ ਇੱਕ ਸਾਂਝੇ ਉੱਦਮ ਨਾਲ ਤ੍ਰਿੰਕੋਮਾਲੀ ਵਿੱਚ ਲਗਭਗ 75 ਤੇਲ ਟੈਂਕਾਂ ਨੂੰ ਮੁੜ ਵਿਕਸਤ ਕਰਨ ਲਈ ਇੱਕ ਸਮਝੌਤੇ 'ਤੇ ਹਸਤਾਖਰ ਕੀਤੇ। ਇਸ ਦੌਰਾਨ, ਸ਼੍ਰੀਲੰਕਾ ਦੇ ਊਰਜਾ ਮੰਤਰੀ ਉਦੈ ਗਮਾਨਪਿਲਾ (Udaya Gammanpila) ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਉਨ੍ਹਾਂ ਦਾ ਦੇਸ਼ ਜਨਵਰੀ ਦੇ ਤੀਜੇ ਹਫਤੇ ਈਂਧਨ ਸੰਕਟ ਦਾ ਸਾਹਮਣਾ ਕਰ ਸਕਦਾ ਹੈ।

Also Read : ਭਾਜਪਾ ਦੀ ਸਰਬਜੀਤ ਕੌਰ ਬਣੀ ਚੰਡੀਗੜ੍ਹ ਦੀ ਨਵੀਂ ਮੇਅਰ, 'ਆਪ' ਨੇ ਕੀਤਾ ਵਿਰੋਧ

ਸ਼੍ਰੀਲੰਕਾ ਵਿੱਚ ਬਾਲਣ ਸੰਕਟ

ਸ੍ਰੀਲੰਕਾ ਦੇ ਊਰਜਾ ਮੰਤਰੀ (Minister of Energy of Sri Lanka) ਉਦੈ ਗਮਨਪਿਲਾ ਨੇ ਕੇਂਦਰੀ ਬੈਂਕ ਨੂੰ ਇਸ ਮਾਮਲੇ ਵਿੱਚ ਦਖ਼ਲ ਦੇਣ ਦੀ ਅਪੀਲ ਕੀਤੀ, ਤਾਂ ਜੋ ਦਰਾਮਦ ਲਈ ਜ਼ਰੂਰੀ ਵਿਦੇਸ਼ੀ ਮੁਦਰਾ ਦਾ ਪ੍ਰਬੰਧ ਕੀਤਾ ਜਾ ਸਕੇ। ਮੀਡੀਆ ਰਿਪੋਰਟਾਂ ਮੁਤਾਬਕ ਕੋਰੋਨਾ ਮਹਾਮਾਰੀ, ਸੈਰ-ਸਪਾਟਾ ਉਦਯੋਗ 'ਤੇ ਸੰਕਟ, ਵਧਦੇ ਸਰਕਾਰੀ ਖਰਚਿਆਂ ਅਤੇ ਟੈਕਸਾਂ 'ਚ ਕਟੌਤੀ ਦੇ ਵਿਚਕਾਰ ਸ਼੍ਰੀਲੰਕਾ ਦਾ ਖਜ਼ਾਨਾ ਖਾਲੀ ਹੋ ਗਿਆ ਹੈ। ਸ੍ਰੀਲੰਕਾ ਨੇ ਕਈ ਦੇਸ਼ਾਂ ਤੋਂ ਕਰਜ਼ਾ ਵੀ ਲਿਆ ਜਿਸ ਦਾ ਭੁਗਤਾਨ ਕਰਨਾ ਪਿਆ। ਦੇਸ਼ 'ਚ ਆਰਥਿਕ ਸੰਕਟ ਦਾ ਅਸਰ ਆਮ ਲੋਕਾਂ 'ਤੇ ਵੀ ਪੈ ਰਿਹਾ ਹੈ। ਰਿਕਾਰਡ ਪੱਧਰ 'ਤੇ ਵੱਧ ਰਹੀ ਮਹਿੰਗਾਈ ਕਾਰਨ ਲੋਕਾਂ ਨੂੰ ਕਾਫੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।