ਪਤਨੀ ਦੇ ਸਰੀਰ ਨੂੰ ਜਾਇਦਾਦ ਮੰਨ ਮਰਜ਼ੀ ਕਰਨਾ ਵਿਆਹੁਤਾ ਜ਼ਬਰ ਜਨਾਹ: ਹਾਈ ਕੋਰਟ

ਕੋਚੀ- ਕੇਰਲਾ ਹਾਈ ਕੋਰਟ (High Court) ਨੇ ਕਿਹਾ ਹੈ ਕਿ ਪਤੀ (Husband) ਦੁਆਰਾ ਪਤਨੀ (Wife) ਦੇ ਸਰੀਰ ਨੂੰ ਆਪਣੀ ਜਾਇਦਾਦ ਸਮਝਣਾ ਅਤੇ ਉਸਦੀ ਇੱਛਾ ਦੇ ਵਿਰੁੱਧ ਸੈਕਸ ਕਰਨਾ ਵਿਆਹੁਤਾ ਬਲਾਤਕਾਰ (Rape) ਦੇ ਬਰਾਬਰ ਹੈ। ਅਦਾਲਤ ਨੇ ਇਹ ਟਿੱਪਣੀ ਫੈਮਿਲੀ ਕੋਰਟ ਵਿੱਚ ਤਲਾਕ ਦੇਣ ਦੇ ਫੈਸਲੇ ਨੂੰ ਚੁਣੌਤੀ ਦੇਣ ਵਾਲੇ ਇੱਕ ਵਿਅਕਤੀ ਦੀਆਂ ਦੋ ਅਪੀਲਾਂ ਨੂੰ ਖਾਰਜ ਕਰਦੇ ਹੋਏ ਕੀਤੀ। ਜਸਟਿਸ ਏ. ਮੁਹੰਮਦ ਮੁਸਤਕ ਅਤੇ ਜਸਟਿਸ ਕੌਸਰ ਐਡੱਪਾਗਾਥ ਦੇ ਡਿਵੀਜ਼ਨ ਬੈਂਚ ਨੇ ਕਿਹਾ ਕਿ ਵਿਆਹ ਅਤੇ ਤਲਾਕ ਧਰਮ ਨਿਰਪੱਖ ਕਾਨੂੰਨ ਦੇ ਅਧੀਨ ਹੋਣਾ ਚਾਹੀਦਾ ਹੈ ਅਤੇ ਹੁਣ ਸਮਾਂ ਆ ਗਿਆ ਹੈ ਕਿ ਦੇਸ਼ ਦੇ ਵਿਆਹ (Marrige) ਦੇ ਕਾਨੂੰਨ ਨੂੰ ਨਵਾਂ ਰੂਪ ਦਿੱਤਾ ਜਾਵੇ।

ਪੜੋ ਹੋਰ ਖਬਰਾਂ: ਬੰਬੇ ਹਾਈ ਕੋਰਟ 'ਚ ਰਾਜ ਕੁੰਦਰਾ ਦੀ ਪਟੀਸ਼ਨ ਖਾਰਿਜ, ਗ੍ਰਿਫਤਾਰੀ ਨੂੰ ਲੈ ਕੇ ਕੀਤਾ ਸੀ ਚੈਲੇਂਜ

ਜਸਟਿਸ ਏ. ਮੁਹੰਮਦ ਮੁਸਤਕ ਅਤੇ ਜਸਟਿਸ ਕੌਸਰ ਐਡੱਪਾਗਾਥ ਦੇ ਡਿਵੀਜ਼ਨ ਬੈਂਚ ਨੇ ਕਿਹਾ ਕਿ ਵਿਆਹ ਅਤੇ ਤਲਾਕ ਧਰਮ ਨਿਰਪੱਖ ਕਾਨੂੰਨ ਦੇ ਅਧੀਨ ਹੋਣਾ ਚਾਹੀਦਾ ਹੈ ਅਤੇ ਹੁਣ ਸਮਾਂ ਆ ਗਿਆ ਹੈ ਕਿ ਦੇਸ਼ ਦੇ ਵਿਆਹ ਦੇ ਕਾਨੂੰਨ ਨੂੰ ਨਵਾਂ ਰੂਪ ਦਿੱਤਾ ਜਾਵੇ। ਬੈਂਚ ਨੇ ਕਿਹਾ, “ਕਾਨੂੰਨ ਦੰਡਾਵਲੀ ਦੇ ਤਹਿਤ ਵਿਆਹੁਤਾ ਬਲਾਤਕਾਰ ਨੂੰ ਮਾਨਤਾ ਨਹੀਂ ਦਿੰਦਾ, ਸਿਰਫ ਇਹੀ ਕਾਰਨ ਅਦਾਲਤ ਨੂੰ ਇਸ ਨੂੰ ਤਲਾਕ ਦੇਣ ਦੇ ਆਧਾਰ ਵਜੋਂ ਬੇਰਹਿਮੀ ਸਮਝਣ ਤੋਂ ਨਹੀਂ ਰੋਕਦਾ। ਇਸ ਲਈ, ਸਾਡਾ ਵਿਚਾਰ ਹੈ ਕਿ ਵਿਆਹੁਤਾ ਬਲਾਤਕਾਰ ਤਲਾਕ ਦੇ ਦਾਅਵੇ ਲਈ ਇੱਕ ਠੋਸ ਆਧਾਰ ਹੈ।"

ਪੜੋ ਹੋਰ ਖਬਰਾਂ: Tokyo Olympics: ਤਮਗੇ ਤੋਂ ਖੁੰਝੀ ਭਾਰਤੀ ਗੋਲਫਰ ਅਦਿਤੀ ਅਸ਼ੋਕ, ਹਾਸਲ ਕੀਤਾ ਚੌਥਾ ਸਥਾਨ

ਅਦਾਲਤ ਨੇ ਬੇਰਹਿਮੀ ਦੇ ਆਧਾਰ 'ਤੇ ਤਲਾਕ ਦੀ ਪਟੀਸ਼ਨ ਨੂੰ ਸਵੀਕਾਰ ਕਰਦੇ ਹੋਏ ਫੈਮਿਲੀ ਕੋਰਟ ਦੇ ਫੈਸਲੇ ਦੇ ਖਿਲਾਫ ਪਤੀ ਦੀ ਅਪੀਲ ਖਾਰਜ ਕਰ ਦਿੱਤੀ। ਅਦਾਲਤ ਨੇ ਪਤੀ ਦੁਆਰਾ ਵਿਆਹੁਤਾ ਅਧਿਕਾਰਾਂ ਦੀ ਮੰਗ ਕਰਨ ਵਾਲੀ ਇੱਕ ਹੋਰ ਪਟੀਸ਼ਨ ਨੂੰ ਖਾਰਜ ਕਰ ਦਿੱਤਾ। ਅਦਾਲਤ ਨੇ 30 ਜੁਲਾਈ ਦੇ ਆਪਣੇ ਆਦੇਸ਼ ਵਿੱਚ ਕਿਹਾ, "ਪਤਨੀ ਦੇ ਸਰੀਰ ਨੂੰ ਪਤੀ ਦੁਆਰਾ ਉਸਦੀ ਸੰਪਤੀ ਸਮਝਣਾ ਅਤੇ ਉਸਦੀ ਇੱਛਾ ਦੇ ਵਿਰੁੱਧ ਸੈਕਸ ਕਰਨਾ ਵਿਆਹੁਤਾ ਬਲਾਤਕਾਰ ਹੈ।"

ਪੜੋ ਹੋਰ ਖਬਰਾਂ: ਭਾਰਤ 'ਚ ਜਾਨਸਨ ਐਂਡ ਜਾਨਸਨ ਦੀ ਸਿੰਗਲ ਡੋਜ਼ ਵੈਕਸੀਨ ਨੂੰ ਮਿਲੀ ਮਨਜ਼ੂਰੀ

ਇਸ ਜੋੜੇ ਦਾ 1995 ਵਿੱਚ ਵਿਆਹ ਹੋਇਆ ਅਤੇ ਉਨ੍ਹਾਂ ਦੇ ਦੋ ਬੱਚੇ ਹਨ। ਅਦਾਲਤ ਨੇ ਕਿਹਾ ਕਿ ਪਤੀ, ਪੇਸ਼ੇ ਤੋਂ ਡਾਕਟਰ ਹੈ, ਨੇ ਵਿਆਹ ਦੇ ਸਮੇਂ ਆਪਣੀ ਪਤਨੀ ਦੇ ਪਿਤਾ ਤੋਂ 501 ਸੋਨੇ ਦੇ ਸਿੱਕੇ, ਇੱਕ ਕਾਰ ਅਤੇ ਇੱਕ ਫਲੈਟ ਲਿਆ ਸੀ। ਫੈਮਿਲੀ ਕੋਰਟ ਨੇ ਪਾਇਆ ਕਿ ਪਤੀ ਨੇ ਆਪਣੀ ਪਤਨੀ ਨਾਲ ਪੈਸੇ ਕਮਾਉਣ ਵਾਲੀ ਮਸ਼ੀਨ ਵਰਗਾ ਸਲੂਕ ਕੀਤਾ ਅਤੇ ਪਤਨੀ ਨੇ ਵਿਆਹ ਦੀ ਖਾਤਰ ਪਰੇਸ਼ਾਨੀ ਨੂੰ ਸਹਿਣ ਕੀਤਾ, ਪਰ ਜਦੋਂ ਪਰੇਸ਼ਾਨੀ ਅਤੇ ਬੇਰਹਿਮੀ ਅਸਹਿ ਹੋ ਗਈ, ਉਸਨੇ ਤਲਾਕ ਲਈ ਪਟੀਸ਼ਨ ਦਾਇਰ ਕਰਨ ਦਾ ਫੈਸਲਾ ਕੀਤਾ।