'ਪੈਸੇ ਦਿਓ ਤੇ ਕਿਸੇ ਦਾ ਵੀ ਫੋਨ ਹੈਕ ਕਰਾ ਲਓ', ਇਸ ਕੰਪਨੀ ਦੇ ਆਫਰ 'ਤੇ ਹੋਇਆ ਹੰਗਾਮਾ

ਨਵੀਂ ਦਿੱਲੀ- Pegasus ਹਾਲ ਹੀ ਵਿੱਚ ਬਹੁਤ ਖਬਰਾਂ ਵਿੱਚ ਰਿਹਾ ਹੈ। NSO ਗਰੁੱਪ 'ਤੇ ਆਪਣੇ ਜਾਸੂਸੀ ਸਾਫਟਵੇਅਰ ਪੈਗਾਸਸ ਦੀ ਮਦਦ ਨਾਲ ਲੋਕਾਂ ਦੇ ਮੋਬਾਈਲ ਹੈਕ ਕਰਨ ਅਤੇ ਉਨ੍ਹਾਂ 'ਤੇ ਨਜ਼ਰ ਰੱਖਣ ਦਾ ਦੋਸ਼ ਸੀ। ਹੁਣ ਇੱਕ ਹੋਰ ਜਾਸੂਸੀ ਸਾਫਟਵੇਅਰ ਸੁਰਖੀਆਂ ਵਿੱਚ ਆ ਗਿਆ ਹੈ।

Also Read: ਅਫੇਅਰ ਦਾ ਪਤਾ ਲੱਗਣ 'ਤੇ ਪਤਨੀ ਨੇ ਦਿੱਤੀ ਅਜਿਹੀ ਸਜ਼ਾ, ਸਾਰੀ ਉਮਰ ਪਿਓ ਨਹੀਂ ਬਣ ਸਕੇਗਾ ਪਤੀ

ਅਸੀਂ ਇੱਥੇ ਸਪਾਈਵੇਅਰ ਕੰਪਨੀ Intellexa ਦੀ ਗੱਲ ਕਰ ਰਹੇ ਹਾਂ। ਆਪਣੀ ਸਰਵਿਸ ਦੇ ਬਾਰੇ 'ਚ ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਐਂਡ੍ਰਾਇਡ ਅਤੇ iOS ਦੋਵਾਂ ਡਿਵਾਈਸਾਂ ਨੂੰ ਹੈਕ ਕਰ ਸਕਦੀ ਹੈ। ਇਸਦੇ ਲਈ ਕੰਪਨੀ ਮੋਟੀ ਰਕਮ ਵੀ ਵਸੂਲਦੀ ਹੈ।

ਜਾਸੂਸੀ ਸਾਫਟਵੇਅਰ ਦੀ ਵਰਤੋਂ ਕਰਨ ਲਈ ਕੰਪਨੀ ਦੀ ਫੀਸ 8 ਮਿਲੀਅਨ ਡਾਲਰ (ਕਰੀਬ 64 ਕਰੋੜ ਰੁਪਏ) ਰੱਖੀ ਗਈ ਹੈ। ਮਾਲਵੇਅਰ ਸਰੋਤ ਕੋਡ ਪ੍ਰਦਾਤਾ Vx-ਅੰਡਰਗਰਾਊਂਡ ਦਾ ਇੱਕ ਦਸਤਾਵੇਜ਼ Intellexa ਦੇ ਪ੍ਰਸਤਾਵ ਨੂੰ ਦਰਸਾਉਂਦਾ ਹੈ। ਇਸ ਨੂੰ ਐਂਡਰਾਇਡ ਅਤੇ ਆਈਓਐਸ ਡਿਵਾਈਸਾਂ ਨੂੰ ਹੈਕ ਕਰਨ ਦੀ ਗੱਲ ਕਹੀ ਗਈ ਹੈ।

ਇਸ ਬਾਰੇ ਇੱਕ ਟਵੀਟ ਵੀ ਕੀਤਾ ਗਿਆ ਹੈ। ਜਿਸ 'ਚ ਲੀਕ ਹੋਏ ਦਸਤਾਵੇਜ਼ ਦੇ ਬਾਰੇ 'ਚ ਕਿਹਾ ਗਿਆ ਹੈ ਕਿ iOS ਰਿਮੋਟ ਕੋਡ ਐਗਜ਼ੀਕਿਊਸ਼ਨ ਜ਼ੀਰੋ-ਡੇ ਫਲਾਅ ਦਾ ਫਾਇਦਾ ਉਠਾਉਂਦਾ ਹੈ। ਇਸਦੇ ਲਈ 80,00,000 ਡਾਲਰ ਖਰਚ ਕਰਨੇ ਪੈਣਗੇ। ਇਹ ਆਫਰ 10 ਐਂਡਰਾਇਡ ਅਤੇ ਆਈਓਐਸ ਡਿਵਾਈਸਾਂ ਨੂੰ ਪ੍ਰਭਾਵਿਤ ਕਰਨ ਲਈ ਕਿਹਾ ਜਾ ਰਿਹਾ ਹੈ।

Also Read: ਖਾਣਾ ਖਾਣ ਤੋਂ ਬਾਅਦ ਕਿਉਂ ਪੈਂਦੀ ਹੈ ਸੁਸਤੀ? ਜਾਣੋ ਕਾਰਨ

Security Week ਨੇ ਇਸ ਬਾਰੇ ਜਾਣਕਾਰੀ ਦਿੱਤੀ ਹੈ। ਦਸਤਾਵੇਜ਼ ਕਾਫੀ ਕਾਨਫੀਡੈਂਸ਼ੀਅਲ ਕਿਹਾ ਜਾ ਰਿਹਾ ਹੈ। ਇਹ ਵੀ ਦੱਸਿਆ ਗਿਆ ਹੈ ਕਿ ਇਹ iOS 15.4.1 ਅਤੇ ਨਵੀਨਤਮ ਐਂਡਰਾਇਡ 12 ਤੱਕ ਨੂੰ ਨਿਸ਼ਾਨਾ ਬਣਾ ਸਕਦਾ ਹੈ। ਰਿਪੋਰਟ 'ਚ ਦੱਸਿਆ ਗਿਆ ਹੈ ਕਿ ਇਹ ਆਫਰ ਰਿਮੋਟ ਅਤੇ ਵਨ ਕਲਿੱਕ ਬ੍ਰਾਊਜ਼ਰ ਆਧਾਰਿਤ ਫਲਾਅ ਲਈ ਹੈ।

ਯੂਰਪ ਤੋਂ ਹੈ ਇਹ ਜਾਸੂਸੀ ਸਾਫਟਵੇਅਰ ਨਿਰਮਾਤਾ ਕੰਪਨੀ
ਇਸ ਦੇ ਨਾਲ ਪੇਲੋਡ ਉਪਭੋਗਤਾਵਾਂ ਦੇ ਐਂਡਰਾਇਡ ਜਾਂ ਆਈਓਐਸ ਮੋਬਾਈਲ ਵਿੱਚ ਇੰਜੈਕਟ ਕੀਤਾ ਜਾਂਦਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ Intellexa ਇੱਕ ਯੂਰਪੀਅਨ ਕੰਪਨੀ ਹੈ। ਹੁਣ ਇਸ ਦਸਤਾਵੇਜ਼ ਦੇ ਸਾਹਮਣੇ ਆਉਣ ਤੋਂ ਬਾਅਦ ਕੰਪਨੀ ਨੂੰ ਲੈ ਕੇ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਕੰਪਨੀ ਨੇ ਫਿਲਹਾਲ ਇਸ 'ਤੇ ਕੋਈ ਸਪੱਸ਼ਟੀਕਰਨ ਨਹੀਂ ਦਿੱਤਾ ਹੈ।