ਹੁਣ ਇੱਕ ਖੁਰਾਕ 'ਚ ਹੋਵੇਗਾ ਕੋਰੋਨਾ ਤੋਂ ਬਚਾਅ! ਸਪੁਤਨਿਕ ਲਾਈਟ ਨੂੰ ਮਿਲੀ ਭਾਰਤ 'ਚ ਫੇਜ਼-3 ਟ੍ਰਾਇਲ ਦੀ ਮਨਜ਼ੂਰੀ

ਨਵੀਂ ਦਿੱਲੀ- ਭਾਰਤ ਵਿਚ ਚੱਲ ਰਹੇ ਟੀਕਾਕਰਣ ਬਾਰੇ ਚੰਗੀ ਖ਼ਬਰ ਹੈ। ਰੂਸੀ ਟੀਕੇ ਸਪੁਤਨਿਕ ਲਾਈਟ ਨੂੰ ਭਾਰਤ ਵਿਚ ਫੇਜ਼ III ਦੇ ਬ੍ਰਿਜਿੰਗ ਟ੍ਰਾਇਲ ਲਈ ਮਨਜ਼ੂਰੀ ਮਿਲ ਗਈ ਹੈ। ਡਰੱਗ ਕੰਟਰੋਲਰ ਜਨਰਲ ਆਫ ਇੰਡੀਆ (ਡੀਸੀਜੀਆਈ) ਨੇ ਭਾਰਤੀ ਆਬਾਦੀ 'ਤੇ ਟੀਕੇ ਦੇ ਪ੍ਰੀਖਣ ਨੂੰ ਹਰੀ ਝੰਡੀ ਦੇ ਦਿੱਤੀ ਹੈ। ਡੀਸੀਜੀਆਈ ਦੀ ਵਿਸ਼ਾ ਮਾਹਿਰ ਕਮੇਟੀ ਨੇ ਹਾਲ ਹੀ ਵਿਚ ਸਪੂਤਨਿਕ ਲਾਈਟ ਦੇ ਅਜ਼ਮਾਇਸ਼ ਦੀ ਸਿਫਾਰਸ਼ ਕੀਤੀ ਸੀ। ਸਪੁਤਨਿਕ ਲਾਈਟ ਇਕ ਸਿੰਗਲ ਖੁਰਾਕ ਦਾ ਟੀਕਾ ਹੈ।

ਪੜੋ ਹੋਰ ਖਬਰਾਂ: ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਸਬੰਧੀ ਮਾਮਲੇ 'ਚ ਗੁਰਦਾਸ ਮਾਨ ਨੂੰ ਵੱਡੀ ਰਾਹਤ

DCGI ਨੇ ਭਾਰਤੀਆਂ 'ਤੇ ਸਪੁਤਨਿਕ ਲਾਈਟ ਦੇ ਫੇਜ਼-3 ਬ੍ਰਿਜਿੰਗ ਟ੍ਰਾਇਲ ਦੀ ਇਜਾਜ਼ਤ ਦੇ ਦਿੱਤੀ ਹੈ। ਇਸ ਤੋਂ ਪਹਿਲਾਂ ਜੁਲਾਈ ਵਿਚ ਸੈਂਟਰਲ ਡਰੱਗਜ਼ ਸਟੈਂਡਰਡ ਕੰਟਰੋਲ ਆਰਗੇਨਾਈਜੇਸ਼ਨ (ਸੀਡੀਐੱਸਸੀਓ) ਦੀ ਵਿਸ਼ਾ ਮਾਹਿਰ ਕਮੇਟੀ ਨੇ ਸਪੁਤਨਿਕ ਲਾਈਟ ਨੂੰ ਐਮਰਜੈਂਸੀ ਵਰਤੋਂ ਦੇ ਅਧਿਕਾਰ ਤੋਂ ਇਨਕਾਰ ਕਰ ਦਿੱਤਾ ਸੀ। ਸੀਡੀਐੱਸਸੀਓ ਨੇ ਰੂਸੀ ਟੀਕੇ ਦੇ ਸਥਾਨਕ ਪ੍ਰੀਖਣ ਨੂੰ ਜ਼ਰੂਰੀ ਕਿਹਾ ਸੀ।

ਪੜੋ ਹੋਰ ਖਬਰਾਂ: ਭਾਰਤ 'ਚ ਸਾਹਮਣੇ ਆਏ ਕੋਰੋਨਾ ਦੇ 27 ਹਜ਼ਾਰ ਨਵੇਂ ਮਾਮਲੇ, 80 ਦਿਨਾਂ ਤੋਂ ਅੰਕੜਾ 50 ਹਜ਼ਾਰ ਤੋਂ ਹੇਠਾਂ

ਕਮੇਟੀ ਨੇ ਪਾਇਆ ਕਿ ਸਪੁਤਨਿਕ ਲਾਈਟ ਸਪੂਤਨਿਕ-ਵੀ ਦੇ ਕੰਪੋਨੈਂਟ-1 ਡੇਟਾ ਦੇ ਸਮਾਨ ਸੀ। ਨਾਲ ਹੀ ਭਾਰਤੀ ਆਬਾਦੀ ਵਿਚ ਇਸਦੀ ਸੁਰੱਖਿਆ ਅਤੇ ਪ੍ਰਤੀਰੋਧਕਤਾ ਸੰਬੰਧੀ ਡਾਟਾ ਪ੍ਰੀਖਣ ਵਿਚ ਪਹਿਲਾਂ ਹੀ ਪ੍ਰਾਪਤ ਕਰ ਲਿਆ ਗਿਆ ਸੀ। ਡਾ. ਰੈਡੀਜ਼ ਲੈਬਾਰਟਰੀ ਨੇ ਪਿਛਲੇ ਸਾਲ ਰੂਸੀ ਡਾਇਰੈਕਟ ਇਨਵੈਸਟਮੈਂਟ ਫੰਡ (ਆਰਡੀਆਈਐੱਫ) ਨਾਲ ਭਾਰਤ ਵਿਚ ਸਪੁਤਨਿਕ-ਵੀ ਦੇ ਪੜਾਅ III ਦੇ ਪ੍ਰੀਖਣ ਲਈ ਇੱਕ ਸਮਝੌਤੇ 'ਤੇ ਹਸਤਾਖਰ ਕੀਤੇ ਸਨ। ਦਿ ਲੈਂਸੇਟ ਵਿਚ ਪ੍ਰਕਾਸ਼ਿਤ ਇਕ ਤਾਜ਼ਾ ਅਧਿਐਨ ਸੁਝਾਅ ਦਿੰਦਾ ਹੈ ਕਿ ਸਪੁਤਨਿਕ ਲਾਈਟ ਨੇ ਕੋਵਿਡ-19 ਦੇ ਵਿਰੁੱਧ 78.6-83.7 ਪ੍ਰਤੀਸ਼ਤ ਅਸਰਦਾਰ ਹੈ। ਇਹ ਬਹੁਤ ਸਾਰੇ ਦੋ-ਖੁਰਾਕ ਵਾਲੇ ਟੀਕਿਆਂ ਤੋਂ ਵਧੇਰੇ ਹੈ। ਇਹ ਅਧਿਐਨ ਅਰਜਨਟੀਨਾ ਦੇ ਘੱਟੋ-ਘੱਟ 40 ਹਜ਼ਾਰ ਬਜ਼ੁਰਗ ਲੋਕਾਂ 'ਤੇ ਕੀਤਾ ਗਿਆ ਸੀ।

ਪੜੋ ਹੋਰ ਖਬਰਾਂ: Swiggy-Zomato ਤੋਂ ਖਾਣਾ ਮੰਗਵਾਉਣਾ ਹੋ ਸਕਦੈ ਮਹਿੰਗਾ!