ਬੇਟੇ ਦੀ ਮੌਤ 'ਤੇ ਮਾਂ ਦਾ ਭਾਵੁੱਕ ਪੋਸਟ, ਕਿਹਾ-'ਖੁਸ਼ ਹਾਂ, ਚਲਾ ਗਿਆ, ਕਿਉਂਕਿ...'

ਨਵੀਂ ਦਿੱਲੀ- ਟਿਕਟਾਕ 'ਤੇ ਇਕ ਔਰਤ ਨੇ ਦੱਸਿਆ ਕਿ ਉਹ ਆਪਣੇ 6 ਸਾਲ ਦੇ ਬੇਟੇ ਦੀ ਮੌਤ ਤੋਂ ਬਹੁਤ ਖੁਸ਼ ਹੈ। ਸ਼ਨੀਵਾਰ ਨੂੰ ਵਿਟਨੀ ਫਰੌਸਟ ਨੇ ਆਪਣੇ ਟਿਕਟਾਕ 'ਤੇ ਵੀਡੀਓ ਰਾਹੀਂ ਆਪਣੇ ਬੇਟੇ ਦੀਆਂ ਤਸਵੀਰਾਂ ਸਾਂਝੀਆਂ ਕਰਦੇ ਹੋਏ ਕਿਹਾ ਕਿ ਉਸ ਦੇ ਬੇਟੇ ਦੀ ਮੌਤ ਹੋ ਗਈ ਹੈ। ਪਰ ਉਹ ਖੁਸ਼ ਹੈ ਕਿਉਂਕਿ ਹੁਣ ਉਸ ਨੂੰ ਹੋਰ ਦਰਦ ਨਹੀਂ ਝੱਲਣਾ ਪਵੇਗਾ।

Also Read:  The Kapil Sharma Show ਫੇਮ ਸੁਮੋਨਾ ਨੂੰ ਹੋਇਆ ਕੋਰੋਨਾ

'ਦਿ ਸਨ' 'ਚ ਛਪੀ ਖਬਰ ਮੁਤਾਬਕ ਵਿਟਨੀ ਦੇ ਟਿਕਟਾਕ 'ਤੇ 17 ਲੱਖ ਤੋਂ ਜ਼ਿਆਦਾ ਫਾਲੋਅਰਜ਼ ਹਨ। ਉਸ ਨੇ ਦੱਸਿਆ ਕਿ ਉਸ ਦਾ 6 ਸਾਲਾ ਪੁੱਤਰ ਹੈਰੀਸਨ ਇਨਫੈਂਟਾਈਲ ਨਿਊਰੋਕਸੋਨਲ ਡਿਸਟ੍ਰੋਫੀ (ਆਈ.ਐੱਨ.ਏ.ਡੀ.) ਤੋਂ ਪੀੜਤ ਸੀ। ਉਹ ਕਾਫੀ ਸਮੇਂ ਤੋਂ ਉਸ ਦਾ ਇਲਾਜ ਕਰਾ ਰਹੀ ਸੀ। ਪਰ ਉਸਦੀ ਸਿਹਤ ਵਿੱਚ ਕੋਈ ਫਰਕ ਨਹੀਂ ਪਿਆ। ਤੁਹਾਨੂੰ ਦੱਸ ਦੇਈਏ ਕਿ ਨੈਸ਼ਨਲ ਇੰਸਟੀਚਿਊਟ ਆਫ ਨਿਊਰੋਲਾਜੀਕਲ ਡਿਸਆਰਡਰਸ ਐਂਡ ਸਟ੍ਰੋਕ ਦੇ ਅਨੁਸਾਰ ਆਈਐੱਨਏਡੀ ਇੱਕ ਦੁਰਲੱਭ ਨਿਊਰੋਲੌਜੀਕਲ ਡਿਸਆਰਡਰ ਹੈ ਜੋ ਐਕਸਨ ਨੂੰ ਪ੍ਰਭਾਵਿਤ ਕਰਦਾ ਹੈ। ਐਕਸੋਨ ਨਰਵ ਸੈੱਲ ਦਾ ਉਹ ਹਿੱਸਾ ਹੈ ਜੋ ਕਿਸੇ ਵਿਅਕਤੀ ਦੇ ਦਿਮਾਗ ਤੋਂ ਸੰਦੇਸ਼ ਪ੍ਰਾਪਤ ਕਰਦਾ ਹੈ ਅਤੇ ਉਹਨਾਂ ਨੂੰ ਸਰੀਰ ਦੇ ਦੂਜੇ ਹਿੱਸਿਆਂ ਵਿੱਚ ਸੰਚਾਰਿਤ ਕਰਦਾ ਹੈ। ਸੰਸਥਾ ਦੇ ਮਾਹਿਰਾਂ ਨੇ ਕਿਹਾ ਕਿ ਇਸ ਦਾ ਕੋਈ ਇਲਾਜ ਨਹੀਂ ਹੈ। ਇਸ ਕਾਰਨ ਨਜ਼ਰ, ਮਾਸਪੇਸ਼ੀਆਂ ਦੇ ਕੰਟਰੋਲ ਅਤੇ ਮਾਨਸਿਕ ਸਕਿਲ 'ਤੇ ਬੁਰਾ ਪ੍ਰਭਾਵ ਪੈਂਦਾ ਹੈ।

ਟਿਕਟਾਕ 'ਤੇ ਵੀਡੀਓ ਸ਼ੇਅਰ ਕਰਦੇ ਹੋਏ ਵਿਟਨੀ ਨੇ ਲਿਖਿਆ, ''ਹੈਰੀਸਨ ਨੇ ਅੱਜ ਦੁਪਹਿਰ 3.35 ਵਜੇ ਦੁਨੀਆ ਨੂੰ ਅਲਵਿਦਾ ਕਹਿ ਗਿਆ। ਉਹ ਬਹੁਤ ਜਲਦੀ ਚਲਾ ਗਿਆ ਅਤੇ ਇਸ ਨੇ ਉਸਨੂੰ ਬਹੁਤ ਜ਼ਿਆਦਾ ਪਰੇਸ਼ਾਨ ਨਹੀਂ ਕੀਤਾ।" ਉਸਨੇ 1 ਜਨਵਰੀ ਨੂੰ ਇਹ ਵੀਡੀਓ ਪੋਸਟ ਕੀਤਾ ਸੀ। ਇਸ ਵੀਡੀਓ 'ਚ ਹੈਰੀਸਨ ਦੀਆਂ ਕਈ ਤਸਵੀਰਾਂ ਸਨ। ਉਸਨੇ ਅੱਗੇ ਲਿਖਿਆ, “ਹਾਲਾਂਕਿ, ਅਸੀਂ ਹੈਰੀਸਨ ਦੇ ਇਸ ਤਰ੍ਹਾਂ ਜਾਣ ਨਾਲ ਦੁਖੀ ਹਾਂ। ਪਰ ਸਾਨੂੰ ਖੁਸ਼ੀ ਹੈ ਕਿ ਉਸ ਨੂੰ ਹੁਣ ਤਕਲੀਫ਼ ਨਹੀਂ ਹੈ।''

Also Read: ਸ੍ਰੀ ਦਰਬਾਰ ਸਾਹਿਬ ’ਚ ਵਾਪਰੀ ਘਟਨਾ ਨੂੰ ਲੈ ਕੇ SGPC ਵਲੋਂ 7 ਮੈਂਬਰੀ ਕਮੇਟੀ ਗਠਿਤ

ਹੈਰੀਸਨ ਦੀ ਮੌਤ ਤੋਂ ਕੁਝ ਦਿਨ ਪਹਿਲਾਂ ਵਿਟਨੀ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਇਕ ਪੋਸਟ ਵੀ ਸ਼ੇਅਰ ਕੀਤੀ ਸੀ। ਇਸ ਵਿੱਚ ਉਸਨੇ ਲਿਖਿਆ, “ਹੈਰੀਸਨ ਪਹਿਲਾਂ ਨਾਲੋਂ ਬਿਹਤਰ ਮਹਿਸੂਸ ਕਰ ਰਿਹਾ ਹੈ। ਉਸ ਦੀ ਸਿਹਤ 'ਚ ਕਾਫੀ ਸੁਧਾਰ ਹੋ ਰਿਹਾ ਹੈ।'' ਉਸ ਦੌਰਾਨ ਕਈ ਲੋਕਾਂ ਨੇ ਸੰਦੇਸ਼ਾਂ ਰਾਹੀਂ ਵਿਟਨੀ ਨੂੰ ਉਤਸ਼ਾਹਿਤ ਕੀਤਾ ਸੀ। ਵਿਟਨੀ ਨੇ ਇਸ ਲਈ ਸਾਰਿਆਂ ਦਾ ਧੰਨਵਾਦ ਵੀ ਕੀਤਾ। ਪਰ ਕੁਝ ਦਿਨਾਂ ਬਾਅਦ, ਹੈਰੀਸਨ ਦੀ ਸਿਹਤ ਵਿਗੜਨ ਕਾਰਨ ਮੌਤ ਹੋ ਗਈ।

ਵਿਟਨੀ ਨੇ ਟਿਕਟਾਕ 'ਤੇ ਸ਼ੇਅਰ ਕੀਤੇ ਵੀਡੀਓ 'ਚ ਅੱਗੇ ਲਿਖਿਆ, ''ਅਸੀਂ ਅਜੇ ਵੀ ਵਿਸ਼ਵਾਸ ਨਹੀਂ ਕਰ ਪਾ ਰਹੇ ਕਿ ਸਾਡਾ ਬੇਟਾ ਇਸ ਦੁਨੀਆ 'ਚ ਨਹੀਂ ਹੈ। ਪਰ ਮੈਂ ਉਸ ਦੇ ਸਾਡੇ ਨਾਲ ਬਿਤਾਏ ਪਲਾਂ ਨੂੰ ਯਾਦ ਕਰਕੇ ਖੁਸ਼ ਹਾਂ। ਮੈਂ ਆਪਣੀ ਜ਼ਿੰਦਗੀ 'ਚ ਇਸ ਤੋਂ ਜ਼ਿਆਦਾ ਖੁਸ਼ ਬੱਚਾ ਕਦੇ ਨਹੀਂ ਦੇਖਿਆ।'' ਉਸ ਨੇ ਕਿਹਾ ਕਿ ਭਾਵੇਂ ਉਹ ਇਸ ਸਮੇਂ ਟੁੱਟ ਗਏ ਹਨ ਪਰ ਉਨ੍ਹਾਂ ਦੇ ਦੋ ਹੋਰ ਬੱਚੇ ਹਨ, ਜਿਨ੍ਹਾਂ ਲਈ ਉਨ੍ਹਾਂ ਨੂੰ ਮਜ਼ਬੂਤ ​​ਬਣਨਾ ਹੋਵੇਗਾ।

Also Read: ਪੰਜਾਬ ਸਰਕਾਰ ਵਲੋਂ 1 IPS ਸਣੇ 11 ਪੁਲਿਸ ਅਧਿਕਾਰੀਆਂ ਦੀ ਬਦਲੀ

ਵੈੱਬਸਾਈਟ Meaww ਦੇ ਅਨੁਸਾਰ ਵਿਟਨੀ ਦੀ ਇੱਕ ਧੀ, ਰਿਲੇ, ਵੀ ਆਈਐੱਨਏਡੀ ਤੋਂ ਪੀੜਤ ਹੈ। ਉਹ ਹੁਣ ਉਸ ਨੂੰ ਲੈ ਕੇ ਚਿੰਤਤ ਹਨ ਕਿਉਂਕਿ ਇਸ ਬਿਮਾਰੀ ਵਿਚ ਕੋਈ ਵੀ ਜ਼ਿਆਦਾ ਦੇਰ ਤੱਕ ਜੀਅ ਨਹੀਂ ਸਕਦਾ। ਵਿਟਨੀ ਦੇ ਇਸ ਵੀਡੀਓ ਨੂੰ 37 ਲੱਖ ਤੋਂ ਵੱਧ ਲੋਕ ਦੇਖ ਚੁੱਕੇ ਹਨ। ਇਕ ਯੂਜ਼ਰ ਨੇ ਲਿਖਿਆ, ''ਜੇਕਰ ਤੁਹਾਨੂੰ ਕਿਸੇ ਤਰ੍ਹਾਂ ਦੀ ਮਦਦ ਦੀ ਲੋੜ ਹੈ ਤਾਂ ਤੁਸੀਂ ਬੇਝਿਜਕ ਦੱਸ ਸਕਦੇ ਹੋ।'' ਉਥੇ ਹੀ ਇਕ ਹੋਰ ਯੂਜ਼ਰ ਨੇ ਲਿਖਿਆ, ''ਮੈਂ ਤੁਹਾਨੂੰ ਅਤੇ ਤੁਹਾਡੇ ਪਰਿਵਾਰ ਨੂੰ ਬਹੁਤ ਸਾਰਾ ਪਿਆਰ ਭੇਜ ਰਿਹਾ ਹਾਂ। ਹੈਰੀਸਨ ਦੀ ਆਤਮਾ ਨੂੰ ਸ਼ਾਂਤੀ ਮਿਲੇ।''