JEE Main 2022: NTA ਨੇ ਜੇਈਈ ਮੇਨ ਪ੍ਰੀਖਿਆ ਦੀਆਂ ਤਰੀਕਾਂ ਬਦਲੀਆਂ, ਦੇਖੋ ਨਵਾਂ ਸ਼ਡੀਊਲ

ਨਵੀਂ ਦਿੱਲੀ- ਜੇਈਈ ਮੇਨ ਪ੍ਰੀਖਿਆ 2022 ਵਿੱਚ ਹਿੱਸਾ ਲੈਣ ਵਾਲੇ ਉਮੀਦਵਾਰਾਂ ਲਈ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਨੈਸ਼ਨਲ ਟੈਸਟਿੰਗ ਏਜੰਸੀ ਯਾਨੀ NTA ਨੇ ਸੈਸ਼ਨ-1 ਅਤੇ ਸੈਸ਼ਨ-2 ਦੀਆਂ ਦੋਵੇਂ ਪ੍ਰੀਖਿਆਵਾਂ ਦੀਆਂ ਤਰੀਕਾਂ ਬਦਲ ਦਿੱਤੀਆਂ ਹਨ। ਇਸ ਦੇ ਲਈ ਏਜੰਸੀ ਨੇ ਆਪਣੀ ਅਧਿਕਾਰਤ ਵੈੱਬਸਾਈਟ 'ਤੇ ਇਸ ਸਬੰਧੀ ਨੋਟਿਸ ਵੀ ਜਾਰੀ ਕੀਤਾ ਹੈ। ਵਿਦਿਆਰਥੀ ਅਧਿਕਾਰਤ ਵੈੱਬਸਾਈਟ jeemain.nta.nic.in 'ਤੇ ਜਾ ਕੇ ਇਸ ਦੀ ਜਾਂਚ ਕਰ ਸਕਦੇ ਹਨ।

ਜੇਈਈ ਮੇਨ 2022: ਵਿਦਿਆਰਥੀਆਂ ਦੀ ਮੰਗ 'ਤੇ ਬਦਲਿਆ ਸ਼ਡਿਊਲ
ਐੱਨਟੀਏ ਨੇ ਕਿਹਾ ਕਿ ਵੱਡੀ ਗਿਣਤੀ ਵਿੱਚ ਵਿਦਿਆਰਥੀਆਂ ਵੱਲੋਂ ਕੀਤੀ ਜਾ ਰਹੀ ਮੰਗ ਦੇ ਮੱਦੇਨਜ਼ਰ ਜੇਈਈ ਮੇਨ 2022 ਦੇ ਸੈਸ਼ਨ ਇੱਕ ਅਤੇ ਸੈਸ਼ਨ ਦੋ ਦੀਆਂ ਤਰੀਕਾਂ ਵਿੱਚ ਬਦਲਾਅ ਕੀਤਾ ਗਿਆ ਹੈ।

ਜੇਈਈ ਮੇਨ 2022: ਇਹ ਤਰੀਕਾਂ ਬਦਲੀਆਂ

ਜੇਈਈ ਮੇਨ 2022 ਸੈਸ਼ਨ-1
ਪਿਛਲੀਆਂ ਤਾਰੀਖਾਂ - 21, 24, 25, 29 ਅਪ੍ਰੈਲ ਅਤੇ 4 ਮਈ, 2022
ਨਵੀਆਂ ਤਾਰੀਖਾਂ - 20, 21, 22, 23, 24, 25, 26, 27, 28 ਅਤੇ 29 ਜੂਨ 2022

ਜੇਈਈ ਮੇਨ 2022 ਸੈਸ਼ਨ-2
ਪਿਛਲੀਆਂ ਮਿਤੀਆਂ- 24, 25, 26, 27, 28 ਅਤੇ 29 ਮਈ, 2022
ਨਵੀਆਂ ਤਾਰੀਖਾਂ - 21, 22, 23, 24, 25, 26, 27, 28, 29 ਅਤੇ 30 ਜੁਲਾਈ 2022

JEE Main 2022: ਜਾਣੋ ਨੋਟਿਸ 'ਚ ਕੀ ਲਿਖਿਆ ਸੀ?
NTA ਨੇ ਅਧਿਕਾਰਤ ਵੈੱਬਸਾਈਟ 'ਤੇ ਜਾਰੀ ਆਪਣੇ ਨੋਟਿਸ 'ਚ ਦੱਸਿਆ ਕਿ ਜੇਈਈ ਮੇਨ ਸੈਸ਼ਨ-1 ਲਈ ਰਜਿਸਟ੍ਰੇਸ਼ਨ ਦੀ ਪ੍ਰਕਿਰਿਆ ਹੁਣ ਖਤਮ ਹੋ ਗਈ ਹੈ। ਸੈਸ਼ਨ-2 ਲਈ ਅਰਜ਼ੀ ਦੀ ਪ੍ਰਕਿਰਿਆ ਜਲਦੀ ਸ਼ੁਰੂ ਕੀਤੀ ਜਾਵੇਗੀ। ਵਿਦਿਆਰਥੀਆਂ ਨੂੰ ਕਿਸੇ ਵੀ ਨਵੀਂ ਜਾਣਕਾਰੀ ਜਾਂ ਅੱਪਡੇਟ ਲਈ ਅਧਿਕਾਰਤ ਵੈੱਬਸਾਈਟ www.nta.ac.in ਅਤੇ jeemain.nta.nic.in 'ਤੇ ਨਜ਼ਰ ਰੱਖਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।

ਜੇਈਈ ਮੇਨ 2022: ਟੋਲ ਫ੍ਰੀ ਨੰਬਰ ਵੀ ਜਾਰੀ ਗਿਆ ਕੀਤਾ
NTA ਨੇ ਆਪਣੇ ਨੋਟਿਸ ਵਿੱਚ ਵਿਦਿਆਰਥੀਆਂ ਦੀ ਸਹੂਲਤ ਲਈ ਇੱਕ ਟੋਲ-ਫ੍ਰੀ ਨੰਬਰ ਵੀ ਜਾਰੀ ਕੀਤਾ ਹੈ।  ਵਿਦਿਆਰਥੀਆਂ ਲਈ ਕਿਸੇ ਵੀ ਸ਼ੱਕ ਜਾਂ ਸਮੱਸਿਆਵਾਂ ਨੂੰ ਹੱਲ ਕਰਨ ਲਈ 011-40759000/011-69227700 ਜਾਂ jeemain@nta.ac.in. ਉੱਤੇ ਸੰਪਰਕ ਕਰ ਸਕਦੇ ਹਨ।