ਤਿਓਹਾਰੀ ਸੀਜ਼ਨ 'ਚ ਹੁਣ ਇਸ ਬੈਂਕ ਦਾ ਗਾਹਕਾਂ ਨੂੰ ਤੋਹਫ਼ਾ, ਹੋਮ ਤੇ ਕਾਰ ਲੋਨ ਲਈ ਘਟਾਈਆਂ ਦਰਾਂ

ਨਵੀਂ ਦਿੱਲੀ: ਇਸ ਤਿਓਹਾਰੀ ਸੀਜ਼ਨ ਵਿੱਚ ਸਟੇਟ ਬੈਂਕ ਆਫ਼ ਇੰਡੀਆ, ਬੈਂਕ ਆਫ਼ ਬੜੌਦਾ ਸਮੇਤ ਬਹੁਤ ਸਾਰੇ ਬੈਂਕਾਂ ਨੇ ਆਪਣੇ ਗ੍ਰਾਹਕਾਂ ਨੂੰ ਹੋਮ ਲੋਨ ਅਤੇ ਕਾਰ ਲੋਨ ਦੀਆਂ ਦਰਾਂ ਘਟਾ ਕੇ ਤੋਹਫ਼ੇ ਦਿੱਤੇ ਹਨ। ਐਤਵਾਰ ਨੂੰ, ਬੈਂਕ ਆਫ ਇੰਡੀਆ ਨੇ ਕਾਰ ਲੋਨ ਅਤੇ ਘਰ 'ਤੇ ਛੋਟ ਦਾ ਐਲਾਨ ਕੀਤਾ ਹੈ। ਯਾਨੀ ਹੁਣ ਬੀਓਆਈ ਦੇ ਗਾਹਕਾਂ ਨੂੰ ਸਸਤਾ ਹੋਮ ਲੋਨ ਅਤੇ ਵਾਹਨ ਲੋਨ ਮਿਲੇਗਾ।

Also Read: ਇਸ ਬਲੱਡ ਗਰੁੱਪ ਦੇ ਲੋਕਾਂ ਨੂੰ ਜਲਦੀ ਘੇਰਦੀਆਂ ਹਨ ਦਿਲ ਦੀਆਂ ਬੀਮਾਰੀਆਂ, ਇਹ ਹੈ ਕਾਰਨ

ਵਿਆਜ ਦਰਾਂ ਵਿੱਚ ਕਿੰਨੀ ਕਟੌਤੀ
ਬੈਂਕ ਆਫ਼ ਇੰਡੀਆ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਬੈਂਕ ਨੇ ਹੋਮ ਲੋਨ 'ਤੇ 35 ਬੇਸਿਸ ਪੁਆਇੰਟ ਅਤੇ ਕਾਰ ਲੋਨ 'ਤੇ 50 ਬੇਸਿਸ ਪੁਆਇੰਟ ਕੱਟ ਦਿੱਤੇ ਹਨ। ਇਸ ਕਟੌਤੀ ਤੋਂ ਬਾਅਦ ਹੁਣ ਬੀਓਆਈ ਦੇ ਗਾਹਕਾਂ ਨੂੰ 6.50 ਫੀਸਦੀ 'ਤੇ ਹੋਮ ਲੋਨ ਮਿਲੇਗਾ, ਪਹਿਲਾਂ ਇਹ 6.85 ਫੀਸਦੀ ਸੀ। ਇਸ ਦੇ ਨਾਲ ਹੀ ਵਾਹਨ ਕਰਜ਼ਿਆਂ ਲਈ ਨਵੀਂ ਵਿਆਜ ਦਰ 7.35 ਫੀਸਦੀ ਤੋਂ ਘੱਟ ਕੇ 6.85 ਫੀਸਦੀ ਹੋ ਗਈ ਹੈ।

Also Read: ਇਸ ਦੇਸ਼ ਕੋਲ ਨਹੀਂ ਬਚੇ ਤੇਲ ਖਰੀਦਣ ਦੇ ਵੀ ਪੈਸੇ, ਭਾਰਤ ਤੋਂ ਮੰਗਿਆ ਕਰਜ਼ਾ

ਇਹ ਪੇਸ਼ਕਸ਼ ਕਿੰਨੀ ਦੇਰ ਤੱਕ ਚੱਲੇਗੀ
ਬੈਂਕ ਆਫ ਇੰਡੀਆ ਦੀਆਂ ਇਹ ਨਵੀਆਂ ਦਰਾਂ ਸੋਮਵਾਰ 18 ਅਕਤੂਬਰ ਤੋਂ ਲਾਗੂ ਹੋਣਗੀਆਂ। ਗਾਹਕ 31 ਦਸੰਬਰ ਤੱਕ ਇਸ ਕਟੌਤੀ ਦਾ ਲਾਭ ਲੈ ਸਕਣਗੇ। ਇਸ ਤੋਂ ਇਲਾਵਾ, ਹੋਮ ਲੋਨ ਅਤੇ ਵਾਹਨ ਲੋਨ 'ਤੇ ਪ੍ਰੋਸੈਸਿੰਗ ਫੀਸ ਵੀ ਬੈਂਕ ਦੁਆਰਾ 31 ਦਸੰਬਰ ਤੱਕ ਨਹੀਂ ਲਈ ਜਾਏਗੀ। ਯਾਨੀ ਸੋਮਵਾਰ ਤੋਂ ਕੋਈ ਪ੍ਰੋਸੈਸਿੰਗ ਫੀਸ ਨਹੀਂ ਦੇਣੀ ਪਵੇਗੀ।

Also Read: ਰਾਜਪੁਰਾ-ਚੰਡੀਗੜ੍ਹ ਸੜਕ 'ਤੇ ਵਾਪਰਿਆ ਭਿਆਨਕ ਹਾਦਸਾ, ਤਿੰਨ ਦੋਸਤਾਂ ਦੀ ਮੌਤ

ਤੁਸੀਂ ਘਰ ਬੈਠੇ ਇਸ ਪੇਸ਼ਕਸ਼ ਦਾ ਲਾਭ ਲੈ ਸਕੋਗੇ
ਬੈਂਕ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਵਾਹਨ ਲੋਨ 'ਤੇ ਸ਼ੁਰੂਆਤੀ ਈਐੱਮਆਈ 1502 ਰੁਪਏ ਹੋਵੇਗੀ। ਇਸ ਦੇ ਨਾਲ ਹੀ ਹੋਮ ਲੋਨ 'ਤੇ 632 ਰੁਪਏ ਦੀ ਸ਼ੁਰੂਆਤੀ ਈਐੱਮਆਈ ਦਾ ਭੁਗਤਾਨ ਕਰਨਾ ਪਏਗਾ। ਬੈਂਕ ਆਫ ਇੰਡੀਆ ਦੇ ਗਾਹਕ ਘਰ ਬੈਠੇ ਹੀ ਇਸ ਵਿਸ਼ੇਸ਼ ਪੇਸ਼ਕਸ਼ ਦਾ ਲਾਭ ਲੈ ਸਕਦੇ ਹਨ। ਹੋਮ ਲੋਨ ਲਈ 7669300024 ਉੱਤੇ ਹੋਮ ਲੋਨ ਅਤੇ ਕਾਰ ਲੋਨ (ਵਾਹਨ ਲੋਨ) ਲਈ 7669300024 ਕਾਰ ਲੋਨ ਲਿਖ ਕੇ SMS ਕਰੋ। ਗਾਹਕ 8010968305 'ਤੇ ਮਿਸ ਕਾਲ ਰਾਹੀਂ ਵਿਸ਼ੇਸ਼ ਪੇਸ਼ਕਸ਼ਾਂ ਦਾ ਲਾਭ ਵੀ ਲੈ ਸਕਦੇ ਹਨ।