ਮੁੰਬਈ : ਐਤਵਾਰ ਦੀ ਸ਼ਾਮ ਭਾਰਤੀ ਸਿਨੇਮਾ ਅਤੇ ਸੰਗੀਤ ਪ੍ਰੇਮੀਆਂ ਲਈ ਯਾਦਗਾਰ ਬਣ ਗਈ। ਨਿਰਦੇਸ਼ਕ ਮਨੋਜ ਐਨ.ਐਸ. ਦੀ ਆਉਣ ਵਾਲੀ ਫ਼ਿਲਮ ‘ਮੂਨ ਵਾਕ’ (Moon Walk) ਦਾ ਆਡੀਓ ਲਾਂਚ ਫ਼ਿਲਮੀ ਪ੍ਰੋਗਰਾਮ ਦੀ ਬਜਾਏ ਇੱਕ ਵਿਸ਼ਾਲ ਰੌਕ ਕੰਸਰਟ ਵਿੱਚ ਬਦਲ ਗਿਆ। ਇਸ ਮੌਕੇ 10 ਹਜ਼ਾਰ ਤੋਂ ਵੱਧ ਪ੍ਰਸ਼ੰਸਕਾਂ ਨੇ ਆਸਕਰ ਜੇਤੂ ਸੰਗੀਤਕਾਰ AR Rahman ਦਾ ਜਨਮਦਿਨ ਮਨਾਇਆ, ਜਿਸ ਨਾਲ ਪੂਰਾ ਮਾਹੌਲ ਜਸ਼ਨ ਵਿੱਚ ਡੁੱਬ ਗਿਆ।
ਏ.ਆਰ. ਰਹਿਮਾਨ ਦਾ ਡਬਲ ਧਮਾਕਾ
‘ਮੋਜ਼ਾਰਟ ਆਫ਼ ਮਦਰਾਸ’ ਵਜੋਂ ਜਾਣੇ ਜਾਂਦੇ ਏ.ਆਰ’ ਰਹਿਮਾਨ ਲਈ ਇਹ ਫ਼ਿਲਮ ਬੇਹੱਦ ਖਾਸ ਹੈ। ਉਨ੍ਹਾਂ ਨੇ ਨਾ ਸਿਰਫ਼ ਇਸ ਫ਼ਿਲਮ ਦੇ ਪੰਜ ਗੀਤਾਂ ਨੂੰ ਆਪਣੀ ਆਵਾਜ਼ ਦਿੱਤੀ ਹੈ, ਸਗੋਂ ਉਹ ਆਪਣੇ ਕਰੀਅਰ ਵਿੱਚ ਪਹਿਲੀ ਵਾਰ ਕੈਮਰੇ ਦੇ ਸਾਹਮਣੇ ਬਤੌਰ ਅਦਾਕਾਰ ਵੀ ਨਜ਼ਰ ਆਉਣਗੇ। ਰਹਿਮਾਨ ਨੇ ਮੰਚ ‘ਤੇ ਫ਼ਿਲਮ ਦੇ ਸਾਰੇ ਪੰਜ ਗੀਤ ਲਾਈਵ ਗਾ ਕੇ ਦਰਸ਼ਕਾਂ ਨੂੰ ਮੰਤਰਮੁਗਧ ਕਰ ਦਿੱਤਾ।
View this post on Instagram
सम्बंधित ख़बरें
ਪ੍ਰਭੂ ਦੇਵਾ ਦਾ ਡਾਂਸ ਟ੍ਰਿਬਿਊਟ ਅਤੇ ਯਾਦਗਾਰ ਪਲ
ਜਿੱਥੇ ਰਹਿਮਾਨ ਦੇ ਸੰਗੀਤ ਨੇ ਸ਼ਾਮ ਬੰਨ੍ਹੀ, ਉੱਥੇ ਹੀ ਡਾਂਸ ਦੇ ਜਾਦੂਗਰ ਪ੍ਰਭੂ ਦੇਵਾ ਨੇ ਆਪਣੀ ਪਰਫਾਰਮੈਂਸ ਨਾਲ ਅੱਗ ਲਗਾ ਦਿੱਤੀ। ਪ੍ਰਭੂ ਦੇਵਾ ਨੇ ਰਹਿਮਾਨ ਦੇ ਗੀਤਾਂ ‘ਤੇ 10 ਮਿੰਟ ਦਾ ਇੱਕ ਸ਼ਾਨਦਾਰ ਡਾਂਸ ਟ੍ਰਿਬਿਊਟ ਪੇਸ਼ ਕੀਤਾ। ਇਸ ਦੌਰਾਨ ਉਨ੍ਹਾਂ ਨਾਲ ਫ਼ਿਲਮ ਦੀ ਸਟਾਰ ਕਾਸਟ—ਯੋਗੀ ਬਾਬੂ, ਅਜੂ ਵਰਗੀਸ, ਅਰਜੁਨ ਅਸ਼ੋਕਨ ਅਤੇ ਸਤਜ਼ ਵੀ ਮੌਜੂਦ ਸਨ। ਸਭ ਤੋਂ ਖਾਸ ਪਲ ਉਹ ਸੀ ਜਦੋਂ ਪ੍ਰਭੂ ਦੇਵਾ ਦੇ ਕਹਿਣ ‘ਤੇ ਏ.ਆਰ. ਰਹਿਮਾਨ ਨੇ ਉਨ੍ਹਾਂ ਨਾਲ ਮਸ਼ਹੂਰ ਗੀਤ ‘ਮੁਕਾਬਲਾ-ਮੁਕਾਬਲਾ’ ‘ਤੇ ਡਾਂਸ ਕੀਤਾ, ਜਿਸ ਨੂੰ ਦੇਖ ਕੇ ਪੂਰਾ ਸਟੇਡੀਅਮ ਗੂੰਜ ਉੱਠਿਆ।
ਫ਼ਿਲਮ ਦੀ ਸਟਾਰ ਕਾਸਟ ਅਤੇ ਨਿਰਮਾਣ
‘ਮੂਨ ਵਾਕ’ ਦਾ ਲੇਖਨ, ਨਿਰਦੇਸ਼ਨ ਅਤੇ ਨਿਰਮਾਣ ‘ਬਿਹਾਈਂਡਵੁੱਡਸ’ (Behindwoods) ਦੇ ਸੰਸਥਾਪਕ ਮਨੋਜ ਐਨ.ਐਸ. ਨੇ ਕੀਤਾ ਹੈ। ਉਨ੍ਹਾਂ ਦੇ ਨਾਲ ਦਿਵਿਆ ਮਨੋਜ ਅਤੇ ਪ੍ਰਵੀਨ ਇਲਕ ਸਹਿ-ਨਿਰਮਾਤਾ ਵਜੋਂ ਜੁੜੇ ਹੋਏ ਹਨ। ਫ਼ਿਲਮ ਵਿੱਚ ਏ.ਆਰ. ਰਹਿਮਾਨ ਤੋਂ ਇਲਾਵਾ ਨਿਸ਼ਮਾ ਚੇਂਗੱਪਾ, ਸਿੰਗਮਪੁਲੀ, ਲੋਲੂ ਸਭਾ ਸਵਾਮੀਨਾਥਨ, ਰੈਡਿਨ ਕਿੰਗਸਲੇ ਅਤੇ ਰਾਜੇਂਦਰਨ ਵਰਗੇ ਦਿੱਗਜ ਕਲਾਕਾਰ ਅਹਿਮ ਭੂਮਿਕਾਵਾਂ ਵਿੱਚ ਹਨ।
ਹੋਰ ਖਬਰਾਂ ਪੜ੍ਹਨ ਲਈ ਇੱਥੇ ਕਰੋ ਕਲਿੱਕ : https://livingindianews.co.in/masterchef-india-9-is-about-to-start/
ਖ਼ਬਰਾਂ ਲਈ ਲਿਵਿੰਗ ਇੰਡੀਆ ਨਿਊਜ਼ 24/7 ਲਾਈਵ ਨਾਲ ਜੁੜੇ ਰਹੋ