ਨਿਊਜ਼ੀਲੈਂਡ ਤੋਂ ਮਿਲੀ ਸ਼ਰਮਨਾਕ ਹਾਰ ਤੋਂ ਬਾਅਦ ਬੋਲੇ ਕੈਪਟਨ ਕੋਹਲੀ, ਕਿਹਾ- 'ਅਸੀ ਹਿੰਮਤ ਨਹੀਂ ਦਿਖਾ ਸਕੇ..'

ਨਵੀਂ ਦਿੱਲੀ : ਨਿਊਜ਼ੀਲੈਂਡ ਤੋਂ ਅੱਠ ਵਿਕਟਾਂ ਦੀ ਹਾਰ ਤੋਂ ਬਾਅਦ ਟੀ-20 ਵਿਸ਼ਵ ਕੱਪ ਸੈਮੀਫਾਈਨਲ ਦੀ ਦੌੜ 'ਚੋਂ ਬਾਹਰ ਹੋਣ ਦੀ ਕਗਾਰ 'ਤੇ ਖੜ੍ਹੀ ਭਾਰਤੀ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਨੇ ਕਿਹਾ ਕਿ ਉਸ ਦੇ ਖਿਡਾਰੀ ਬੱਲੇ ਅਤੇ ਗੇਂਦ ਦੋਵਾਂ ਨਾਲ ਹਿੰਮਤ ਨਹੀਂ ਦਿਖਾ ਸਕੇ। ਕੋਹਲੀ ਨੇ ਲਗਾਤਾਰ ਦੂਜੀ ਹਾਰ ਤੋਂ ਬਾਅਦ ਕਿਹਾ, ''ਇਹ ਬਹੁਤ ਅਜੀਬ ਹੈ। ਮੈਨੂੰ ਨਹੀਂ ਲੱਗਦਾ ਕਿ ਅਸੀਂ ਆਪਣੀ ਖੇਡ 'ਚ ਬੱਲੇ ਜਾਂ ਗੇਂਦ ਨਾਲ ਹਿੰਮਤ ਨਹੀਂ ਦਿਖਾ ਸਕੇ। ਅਸੀਂ ਜ਼ਿਆਦਾ ਦੌੜਾਂ ਨਹੀਂ ਬਣਾਈਆਂ ਪਰ ਇਸ ਨੂੰ ਬਚਾਉਣ ਲਈ ਹਿੰਮਤ ਨਾਲ ਨਹੀਂ ਉਤਰੇ।'' ਉਸ ਨੇ ਕਿਹਾ ਕਿ ਭਾਰਤ ਲਈ ਖੇਡਦੇ ਹੋਏ ਉਮੀਦਾਂ ਦਾ ਸਾਹਮਣਾ ਕਰਨਾ ਆਉਣਾ ਚਾਹੀਦਾ ਹੈ। 

Also Read : ਪੈਟਰੋਲ ਅਤੇ ਡੀਜ਼ਲ ਦੀਆਂ ਵਧਦੀਆਂ ਕੀਮਤਾਂ ਨੇ ਤੋੜਿਆ ਆਮ ਆਦਮੀ ਦਾ ਲੱਕ, ਛੇਵੇਂ ਦਿਨ ਵੀ ਵਧੀਆਂ ਕੀਮਤਾਂ

ਉਸ ਨੇ ਕਿਹਾ, ''ਜਦੋਂ ਤੁਸੀਂ ਭਾਰਤੀ ਕ੍ਰਿਕਟ ਟੀਮ ਲਈ ਖੇਡਦੇ ਹੋ ਤਾਂ ਪ੍ਰਸ਼ੰਸਕਾਂ ਨੂੰ ਹੀ ਨਹੀਂ ਸਗੋਂ ਖਿਡਾਰੀਆਂ ਨੂੰ ਵੀ ਕਾਫੀ ਉਮੀਦਾਂ ਹੁੰਦੀਆਂ ਹਨ। ਉਮੀਦਾਂ ਹਮੇਸ਼ਾ ਰਹਿਣਗੀਆਂ ਅਤੇ ਅਸੀਂ ਇੰਨੇ ਸਾਲਾਂ ਤੋਂ ਇਨ੍ਹਾਂ ਦਾ ਸਾਹਮਣਾ ਕਰ ਰਹੇ ਹਾਂ, ਭਾਰਤ ਲਈ ਖੇਡਣ ਵਾਲੇ ਹਰ ਖਿਡਾਰੀ ਨੂੰ ਇਹ ਕਰਨਾ ਪੈਂਦਾ ਹੈ। “ਜਦੋਂ ਤੁਸੀਂ ਇੱਕ ਟੀਮ ਵਜੋਂ ਖੇਡਦੇ ਹੋ, ਤਾਂ ਉਮੀਦਾਂ ਦਾ ਦਬਾਅ ਨਹੀਂ ਹੁੰਦਾ ਪਰ ਪਿਛਲੇ ਦੋ ਮੈਚਾਂ ਵਿੱਚ ਅਸੀਂ ਅਜਿਹਾ ਨਹੀਂ ਕਰ ਸਕੇ। ਇਸ ਟੂਰਨਾਮੈਂਟ ਤੋਂ ਬਾਅਦ ਟੀ-20 ਟੀਮ ਦੀ ਕਪਤਾਨੀ ਛੱਡਣ ਵਾਲੇ ਕੋਹਲੀ ਨੇ ਕਿਹਾ, 'ਕਿਉਂਕਿ ਤੁਸੀਂ ਭਾਰਤੀ ਟੀਮ ਹੋ ਅਤੇ ਤੁਹਾਡੇ ਤੋਂ ਉਮੀਦਾਂ ਹਨ, ਤਾਂ ਤੁਸੀਂ ਵੱਖਰੇ ਢੰਗ ਨਾਲ ਨਹੀਂ ਖੇਡ ਸਕਦੇ।' ਹਾਲਾਂਕਿ ਉਨ੍ਹਾਂ ਨੇ ਇਹ ਵੀ ਕਿਹਾ, ''ਅਸੀਂ ਠੀਕ ਹਾਂ ਅਤੇ ਅਜੇ ਹੋਰ ਕ੍ਰਿਕਟ ਖੇਡਣਾ ਬਾਕੀ ਹੈ।'' ਪਾਕਿਸਤਾਨ ਤੋਂ ਦਸ ਵਿਕਟਾਂ ਨਾਲ ਹਾਰਨ ਤੋਂ ਬਾਅਦ ਨਿਊਜ਼ੀਲੈਂਡ ਹੱਥੋਂ ਮਿਲੀ ਇਸ ਹਾਰ ਨੇ ਭਾਰਤ ਲਈ ਆਖ਼ਰੀ ਚਾਰ ਵਿੱਚ ਪਹੁੰਚਣਾ ਮੁਸ਼ਕਲ ਕਰ ਦਿੱਤਾ ਹੈ। ਉਸ ਨੇ ਹੁਣ ਅਫਗਾਨਿਸਤਾਨ, ਨਾਮੀਬੀਆ, ਸਕਾਟਲੈਂਡ ਨਾਲ ਖੇਡਣਾ ਹੈ।

Also Read : ਅੱਜ ਤੋਂ ਬਦਲ ਜਾਣਗੇ WhatsApp, ਰੇਲਵੇ, ਬੈਂਕਾਂ ਨਾਲ ਜੁੜੇ ਕਈ ਨਿਯਮ, ਜਾਣੋ ਕੀ ਹੋਣਗੇ ਹੁਣ ਨਵੇਂ ਨਿਯਮ

ਭਾਰਤੀ ਟੀਮ ਦੀ ਹਾਰ ਦਾ ਸਭ ਤੋਂ ਵੱਡਾ ਕਾਰਨ ਭਾਰਤੀ ਬੱਲੇਬਾਜ਼ ਸਨ, ਬੁਮਰਾਹ ਨੂੰ ਛੱਡ ਕੇ ਗੇਂਦਬਾਜ਼ ਵੀ ਹੁਣ ਤੱਕ ਬੇਅਸਰ ਰਹੇ ਹਨ। ਹੁਣ ਆਉਣ ਵਾਲੇ ਮੈਚਾਂ 'ਚ ਭਾਰਤ ਨੂੰ ਜਿੱਤ ਦੇ ਨਾਲ ਰਨ ਰੇਟ 'ਚ ਕਾਫੀ ਵਾਧਾ ਕਰਨਾ ਹੋਵੇਗਾ ਅਤੇ ਦੂਜੀਆਂ ਟੀਮਾਂ ਦੇ ਨਤੀਜਿਆਂ 'ਤੇ ਵੀ ਨਿਰਭਰ ਕਰਨਾ ਹੋਵੇਗਾ।