ਅੰਮ੍ਰਿਤਸਰ ’ਚ ਖਿਡਾਰੀਆਂ ਦਾ ਜ਼ਬਰਦਸਤ ਪ੍ਰਦਰਸ਼ਨ, ਪੁਲਿਸ ਬਲ ਮੌਕੇ ’ਤੇ ਮੌਜੂਦ

ਅੰਮ੍ਰਿਤਸਰ: ਅੰਮ੍ਰਿਤਸਰ ਦੇ ਵਿੱਚ ਕੁਝ ਨੌਜਵਾਨਾਂ ਵੱਲੋਂ ਪ੍ਰਦਰਸ਼ਨ (Protest) ਕੀਤਾ ਜਾ ਰਿਹਾ ਹੈ। ਉਨ੍ਹਾਂ  ਦਾ ਕਹਿਣਾ ਹੈ ਕਿ ਅੰਮ੍ਰਿਤਸਰ ’ਚ ਸ਼ਰਾਬ ਦੇ ਠੇਕੇ ਖੁੱਲ੍ਹ ਗਏ ਹਨ ਪਰ (Ground) ਗਰਾਉਂਡ ਨਹੀਂ ਖੋਲ੍ਹੇ ਗਏ ਹਨ। ਗਰਾਉਂਡ ਖੋਲਣ ਨੂੰ ਲੈ ਕੇ ਅੰਮ੍ਰਿਤਸਰ ’ਚ ਖਿਡਾਰੀਆਂ ਦਾ ਜ਼ਬਰਦਸਤ ਪ੍ਰਦਰਸ਼ਨ ਵੇਖਣ ਨੂੰ ਮਿਲ ਰਿਹਾ ਹੈ। ਅੰਮ੍ਰਿਤਸਰ ਚੌਂਕਾਂ ਦੇ ਇਹ (Protest) ਪ੍ਰਦਰਸ਼ਨ ਨੌਜਵਾਨਾਂ ਦੇ ਵੱਲੋਂ ਵਿੱਚ ਕੀਤਾ ਜਾ ਰਿਹਾ  ਹੈ। 

ਇਹ ਵੀ ਪੜ੍ਹੋ- ਕਿਸਾਨਾਂ ਨੇ ਭਾਜਪਾ ਦੇ ਸੀਨੀਅਰ ਆਗੂ ਸੁਰਜੀਤ ਕੁਮਾਰ ਜਿਆਣੀ ਨੂੰ ਦਿਖਾਈਆਂ ਚੂੜੀਆਂ

ਨੌਜਵਾਨਾਂ ਨੇ ਕਿਹਾ ਕਿ ਸਰਕਾਰ ਨੇ ਹੋਟਲ ਰੈਸਟੂਰੈਂਟ ਜਿਮ ਠੇਕੇ ਸਭ ਖੋਲ੍ਹ ਦਿੱਤੇ ਹਨ ਪਰ ਫਿਰ ਵੀ ਗ੍ਰਾਉੰਡ ਬੰਦ ਕੀਤੇ ਹੋਏ ਹਨ। ਇਸ ਨੂੰ ਲੈ ਨੌਜਵਾਨ ਅੰਮ੍ਰਿਤਸਰ ਵਿਚ ਜ਼ੋਰਦਾਰ (Protest) ਪ੍ਰਦਰਸ਼ਨ ਕਰ ਰਹੇ ਹਨ।

ਨੌਜਵਾਨਾਂ ਨੇ ਕਿਹਾ ਕਿ ਆਰਮੀ ਦੀ ਭਰਤੀ ਲਈ ਸਿਰਫ 3 ਮਹੀਨੇ ਬਚੇ ਹਨ। ਜੇ ਗ੍ਰਾਉੰਡ ਬੰਦ ਰਹਿਣਗੇ ਫੇਰ ਪ੍ਰੈਕਟਿਸ ਕਿਸ ਤਰ੍ਹਾਂ ਕਰਾਂਗੇ।  

ਇਹ ਵੀ ਪੜ੍ਹੋ: ਸਕਾਲਰਸ਼ਿਪ ਘੋਟਾਲਾ : ਕੈਬਨਿਟ ਮੰਤਰੀ ਦੇ ਅਸਤੀਫੇ ਦੀ ਮੰਗ ਨੂੰ ਲੈ ਕੇ ਭੁੱਖ ਹੜਤਾਲ 'ਤੇ ਬੈਠੇ 'ਆਪ' ਵਰਕਰ

ਮੌਕੇ ਤੇ ਪਹੁੰਚੇ SHO ਸ਼ਿਵਦਰਸ਼ਨ ਨੇ ਕਿਹਾ ਕਿ DC ਨੂੰ ਇਸ ਦੀ ਇਤਲਾਹ ਦਿੱਤੀ ਗਈ ਹੈ ਨੌਜਵਾਨਾਂ ਦੀ ਮੰਗ ਜਾਇਜ ਹੈ ਪਰ ਕੋਵਿਡ ਕਰਕੇ ਰੋਕ ਲਗਈ ਗਈ ਹੈ। DC ਨੂੰ ਦੱਸ ਦਿੱਤਾ ਹੈ ਉਨ੍ਹਾਂ  ਨੌਜਵਾਨਾਂ ਦੀ ਬੈਠਕ ਕਾਰਵਾਈ ਜਾਏਗੀ। ਜਦਕਿ ਨੌਜਵਾਨਾਂ ਦਾ ਕਹਿਣਾ ਹੈ ਕਿ ਜਦ ਤਕ ਗ੍ਰਾਉੰਡ ਨਹੀਂ ਖੋਲ੍ਹੇ ਜਾਣਗੇ ਤਦ ਤਕ ਧਰਨਾ ਜਾਰੀ ਰਹੇਗਾ।