ਨਵੀਂ ਦਿੱਲੀ- ਭਾਰਤ ਦੀ ਸਟਾਰ ਸ਼ਟਲਰ ਪੀਵੀ ਸਿੰਧੂ ਨੇ ਰਾਸ਼ਟਰਮੰਡਲ ਖੇਡਾਂ ਵਿੱਚ ਸੋਨ ਤਗ਼ਮਾ ਜਿੱਤ ਲਿਆ ਹੈ। ਉਸ ਨੇ ਸੋਮਵਾਰ (8 ਅਗਸਤ) ਨੂੰ ਮਹਿਲਾ ਸਿੰਗਲਜ਼ ਦੇ ਫਾਈਨਲ ਵਿੱਚ ਕੈਨੇਡਾ ਦੀ ਮਿਸ਼ੇਲ ਲੀ ਨੂੰ ਹਰਾਇਆ। ਸਿੰਧੂ ਨੇ ਇਹ ਮੈਚ 21-15, 21-13 ਨਾਲ ਜਿੱਤਿਆ। ਉਹ ਪਹਿਲੀ ਵਾਰ ਰਾਸ਼ਟਰਮੰਡਲ ਖੇਡਾਂ ਵਿੱਚ ਸਿੰਗਲ ਈਵੈਂਟ ਵਿੱਚ ਸੋਨ ਤਮਗਾ ਜਿੱਤਣ ਵਿੱਚ ਕਾਮਯਾਬ ਰਹੀ। ਇਸ ਤੋਂ ਪਹਿਲਾਂ ਉਸ ਨੇ 2018 ਗੋਲਡ ਕੋਸਟ ਵਿੱਚ ਮਿਕਸਡ ਟੀਮ ਮੁਕਾਬਲੇ ਵਿੱਚ ਸੋਨ ਤਮਗਾ ਜਿੱਤਿਆ ਸੀ। ਫਿਰ ਉਹ ਸਿੰਗਲਜ਼ ਵਿੱਚ ਸਾਇਨਾ ਨੇਹਵਾਲ ਤੋਂ ਫਾਈਨਲ ਹਾਰ ਗਈ।
Also Read: ਲੰਪੀ ਵਾਇਰਸ ਨੂੰ ਲੈ ਕੇ ਪੰਜਾਬ ਸਰਕਾਰ ਨੇ ਚੁੱਕਿਆ ਵੱਡਾ ਕਦਮ, ਦੂਜੇ ਸੂਬਿਆਂ ‘ਚ ਪਸੂ ਲਿਜਾਣ ‘ਤੇ ਲਾਈ ਰੋਕ
ਬਰਮਿੰਘਮ ਰਾਸ਼ਟਰਮੰਡਲ ਖੇਡਾਂ ਵਿੱਚ ਬੈਡਮਿੰਟਨ ਵਿੱਚ ਭਾਰਤ ਦਾ ਇਹ ਪਹਿਲਾ ਸੋਨ ਤਗਮਾ ਹੈ। ਦੇਸ਼ ਨੂੰ ਹੁਣ ਤੱਕ 19 ਗੋਲਡ, 15 ਸਿਲਵਰ ਅਤੇ 22 ਕਾਂਸੀ ਦੇ ਤਮਗੇ ਮਿਲ ਚੁੱਕੇ ਹਨ। ਭਾਰਤ ਅੰਕ ਸੂਚੀ ‘ਚ ਚੌਥੇ ਸਥਾਨ ‘ਤੇ ਪਹੁੰਚ ਗਿਆ ਹੈ। ਬੈਡਮਿੰਟਨ ‘ਚ ਸਿੰਧੂ ਤੋਂ ਬਾਅਦ ਹੁਣ ਲਕਸ਼ਯ ਸੇਨ ਤੋਂ ਪੁਰਸ਼ ਸਿੰਗਲ ‘ਚ ਸੋਨ ਤਮਗਾ ਜਿੱਤਣ ਦੀ ਉਮੀਦ ਹੈ।
ਪੀਵੀ ਸਿੰਧੂ ਨੇ ਪਹਿਲੇ ਗੇਮ ਵਿੱਚ ਸ਼ਾਨਦਾਰ ਸ਼ੁਰੂਆਤ ਕੀਤੀ। ਉਸ ਨੇ 4-2 ਦੀ ਲੀਡ ਲੈ ਲਈ ਪਰ ਮਿਸ਼ੇਲ ਲੀ ਨੇ ਤੇਜ਼ ਵਾਪਸੀ ਕਰਦੇ ਹੋਏ ਸਕੋਰ ਬਰਾਬਰ ਕਰ ਦਿੱਤਾ। ਇਸ ਤੋਂ ਬਾਅਦ ਦੋਵਾਂ ਵਿਚਾਲੇ ਸਖ਼ਤ ਮੁਕਾਬਲਾ ਹੋਇਆ। ਪਹਿਲੀ ਗੇਮ ਵਿੱਚ ਸਿੰਧੂ ਬ੍ਰੇਕ ਤੱਕ 11-10 ਨਾਲ ਅੱਗੇ ਸੀ। ਸਿੰਧੂ ਨੇ ਬ੍ਰੇਕ ਤੋਂ ਬਾਅਦ ਤੁਰੰਤ ਪੰਜ ਅੰਕਾਂ ਦੀ ਬੜ੍ਹਤ ਬਣਾ ਲਈ। ਸਕੋਰ 17-12 ਹੋ ਗਿਆ। ਮਿਸ਼ੇਲ ਲੀ ਨੇ ਵਾਪਸੀ ਦੀ ਕੋਸ਼ਿਸ਼ ਕੀਤੀ ਪਰ ਸਿੰਧੂ ਨੇ ਹਮਲਾਵਰ ਸ਼ੂਟਿੰਗ ਜਾਰੀ ਰੱਖੀ। ਉਸ ਨੇ ਪਹਿਲੀ ਗੇਮ 21-15 ਨਾਲ ਜਿੱਤੀ।
Also Read: ਪੰਜਾਬ ਦੇ ਮਰੀਜ਼ਾਂ ਲਈ ਵੱਡੀ ਖ਼ਬਰ! ਚੰਡੀਗੜ੍ਹ ਦੇ ਇਨ੍ਹਾਂ ਵੱਡੇ ਹਸਪਤਾਲਾਂ ‘ਚ ਵੀ ਹੋਵੇਗਾ ਆਯੁਸ਼ਮਾਨ ਭਾਰਤ ਤਹਿਤ ਇਲਾਜ
ਦੂਜੀ ਗੇਮ ਵਿੱਚ ਮਿਸ਼ੇਲ ਲੀ ਨੇ ਪਹਿਲਾ ਅੰਕ ਹਾਸਲ ਕੀਤਾ। ਇਸ ਤੋਂ ਬਾਅਦ ਸਿੰਧੂ ਨੇ ਵਾਪਸੀ ਕੀਤੀ। ਉਸ ਨੇ ਆਪਣੀ ਤਾਕਤ ਦੀ ਵਰਤੋਂ ਕਰਦਿਆਂ ਦੋ-ਤਿੰਨ ਜਬਰਦਸਤ ਸਮੈਸ਼ ਮਾਰੇ। ਲੀ ਕੋਲ ਇਸ ਦਾ ਕੋਈ ਜਵਾਬ ਨਹੀਂ ਸੀ। ਉਹ ਬ੍ਰੇਕ ਤੱਕ 11-6 ਨਾਲ ਅੱਗੇ ਸੀ। ਇਸ ਤੋਂ ਬਾਅਦ ਸਿੰਧੂ ਹੋਰ ਹਮਲਾਵਰ ਹੋ ਗਈ। ਉਸ ਨੇ ਲੀ ਨੂੰ ਮੌਕਾ ਨਹੀਂ ਦਿੱਤਾ ਅਤੇ ਦੂਜੀ ਗੇਮ 21-13 ਨਾਲ ਜਿੱਤ ਲਈ।