ਸਰਕਾਰੀ ਨੌਕਰੀ ਦੇ ਚਾਹਵਾਨਾਂ ਲਈ ਵੱਡੀ ਖ਼ਬਰ, PSPCL 'ਚ ਨਿਕਲੀਆਂ 2500 ਪੋਸਟਾਂ, ਇਸ ਦਿਨ ਤੋਂ ਕਰੋ ਅਪਲਾਈ

ਨਵੀਂ ਦਿੱਲੀ : ਪੰਜਾਬ ਪਾਵਰ 'ਚ ਲਾਈਨਮੈਨ ਦੀ ਸਰਕਾਰੀ ਨੌਕਰੀ ਦੇ ਚਾਹਵਾਨ ਉਮੀਦਵਾਰਾਂ ਲਈ ਕੰਮ ਦੀ ਖਬਰ ਹੈ। ਪੰਜਾਬ ਰਾਜ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਨੇ ਅਸਿਸਟੈਂਟ ਲਾਈਨਮੈਨ (PSPCL ALM Recruitment 2024) ਦੀਆਂ ਅਸਾਮੀਆਂ ਲਈ ਇਸ਼ਤਿਹਾਰ ਜਾਰੀ ਕੀਤਾ ਹੈ। ਕੰਪਨੀ ਵੱਲੋਂ ਅੱਜ ਯਾਨੀ ਸ਼ੁੱਕਰਵਾਰ, 15 ਦਸੰਬਰ 2024 ਨੂੰ ਜਾਰੀ ਕੀਤੇ ਗਏ ਛੋਟੇ ਇਸ਼ਤਿਹਾਰ (ਨੰਬਰ DPR/Pb/30646) ਅਨੁਸਾਰ ਕੁੱਲ 2500 ਅਸਾਮੀਆਂ ਦੀ ਭਰਤੀ ਲਈ ਅਰਜ਼ੀ ਤੇ ਚੋਣ ਪ੍ਰਕਿਰਿਆ ਕਰਵਾਈ ਜਾਵੇਗੀ।

ਇਸ ਦਿਨ ਤੋਂ ਕਰੋ ਅਪਲਾਈ

ਪੰਜਾਬ ਪਾਵਰ ਵੱਲੋਂ ਜਾਰੀ ਅਸਿਸਟੈਂਟ ਲਾਈਨਮੈਨ ਭਰਤੀ (PSPCL ALM Recruitment 2024) ਇਸ਼ਤਿਹਾਰ ਅਨੁਸਾਰ ਅਰਜ਼ੀ ਦੀ ਪ੍ਰਕਿਰਿਆ 26 ਦਸੰਬਰ 2023 ਤੋਂ ਸ਼ੁਰੂ ਹੋਣੀ ਹੈ। ਅਪਲਾਈ ਕਰਨ ਦੇ ਚਾਹਵਾਨ ਉਮੀਦਵਾਰ ਕੰਪਨੀ ਦੀ ਅਧਿਕਾਰਤ ਵੈੱਬਸਾਈਟ pspcl.in 'ਤੇ ਕੈਰੀਅਰ ਸੈਕਸ਼ਨ 'ਚ ਐਕਟੀਵੇਟ ਕੀਤੇ ਜਾਣ ਵਾਲੇ ਲਿੰਕ ਰਾਹੀਂ ਸੰਬੰਧਿਤ ਐਪਲੀਕੇਸ਼ਨ ਪੇਜ 'ਤੇ ਜਾ ਕੇ ਅਪਲਾਈ ਕਰ ਸਕਣਗੇ। PSPCL ਨੇ ਐਲਾਨ ਕੀਤਾ ਹੈ ਕਿ ਸਹਾਇਕ ਲਾਈਨਮੈਨ ਭਰਤੀ ਲਈ ਅਰਜ਼ੀਆਂ 15 ਜਨਵਰੀ 2024 ਤੱਕ ਸਵੀਕਾਰ ਕੀਤੀਆਂ ਜਾਣਗੀਆਂ।

ਉਮੀਦਵਾਰਾਂ ਦੀ ਉਮਰ ਨਿਰਧਾਰਿਤ ਕੱਟ-ਆਫ ਮਿਤੀ 'ਤੇ 18 ਤੋਂ 37 ਸਾਲ ਦੇ ਵਿਚਕਾਰ ਹੋਣੀ ਚਾਹੀਦੀ ਹੈ। ਰਾਖਵੀਆਂ ਸ਼੍ਰੇਣੀਆਂ ਨਾਲ ਸਬੰਧਤ ਉਮੀਦਵਾਰਾਂ ਨੂੰ ਪੰਜਾਬ ਸਰਕਾਰ ਦੇ ਨਿਯਮਾਂ ਅਨੁਸਾਰ ਉਪਰਲੀ ਉਮਰ ਹੱਦ ਵਿੱਚ ਛੋਟ ਦਿੱਤੀ ਜਾਵੇਗੀ। ਦੂਜੇ ਰਾਜਾਂ ਦੇ ਰਾਖਵੇਂ ਉਮੀਦਵਾਰਾਂ ਨੂੰ ਗੈਰ-ਰਾਖਵੀਂ ਸ਼੍ਰੇਣੀ ਅਧੀਨ ਅਰਜ਼ੀ ਦੇਣੀ ਪਵੇਗੀ।