ਮੋਦੀ ਕੈਬਿਨੇਟ ਨਾਲ ਜੁੜੀ ਵੱਡੀ ਖ਼ਬਰ, ਸਿਹਤ ਮੰਤਰੀ ਸਮੇਤ 10 ਮੰਤਰੀਆਂ ਨੇ ਦਿੱਤਾ ਅਸਤੀਫਾ

ਨਵੀਂ ਦਿੱਲੀ - ਕੈਬਿਨਟ ਫੇਰਬਦਲ ਤੋਂ ਪਹਿਲਾਂ ਇਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਹੁਣ ਕੇਂਦਰੀ ਸਿਹਤ ਮੰਤਰੀ ਡਾ. ਹਰਸ਼ਵਰਧਨ ਨੇ ਵੀ ਅਸਤੀਫ਼ਾ ਦੇ ਦਿੱਤਾ ਹੈ।  ਕੈਬਿਨਟ ਫੇਰਬਦਲ ਤੋਂ ਪਹਿਲਾਂ ਕਈ ਮੰਤਰੀ ਅਸਤੀਫ਼ਾ ਦੇ ਰਹੇ ਹਨ। ਇਸ ਦੇ ਨਾਲ ਹੀ 10 ਹੋਰ ਮੰਤਰੀਆਂ ਨੇ  ਆਪਣੇ ਅਸਤੀਫੇ ਦੇ ਦਿੱਤੇ ਹਨ।

Union Health Minister Dr Harsh Vardhan resigns from Union Cabinet, ahead of #CabinetReshuffle

(File pic) pic.twitter.com/Iv63Isu7UK

— ANI (@ANI) July 7, 2021

ਇਸ ਤੋਂ ਪਹਿਲਾਂ ਕੇਂਦਰੀ ਸਿੱਖਿਆ ਮੰਤਰੀ ਰਮੇਸ਼ ਪੋਖਰਿਯਾਲ ਨਿਸ਼ੰਕ ਨੇ ਅਸਤੀਫ਼ਾ ਦੇ ਦਿੱਤਾ ਹੈ। ਮੰਤਰੀ ਮੰਡਲ ਦੇ ਵਿਸਥਾਰ ਤੋਂ ਪਹਿਲਾਂ ਮੋਦੀ ਸਰਕਾਰ ਦੇ 10 ਮੰਤਰੀਆਂ ਨੇ ਅਸਤੀਫਾ ਦੇ ਦਿੱਤਾ ਹੈ, ਜਿਨ੍ਹਾਂ ਵਿੱਚ ਸੰਜੇ ਧੋਤ੍ਰੇ, ਥਾਵਰਚੰਦ ਗਹਿਲੋਤ ਅਤੇ ਰਾਓ ਸਾਹਬ ਪਾਟਿਲ ਵੀ ਸ਼ਾਮਲ ਹਨ। ਇਸ ਦੇ ਨਾਲ ਹੀ ਰਤਨ ਲਾਲ ਕਟਾਰੀਆ, ਪ੍ਰਤਾਪ ਸਾਰੰਗੀ ਨੇ ਵੀ ਅਸਤੀਫਾ ਦੇ ਦਿੱਤਾ ਹੈ।

ਇਸ ਦੇ ਨਾਲ ਹੀ ਕੇਂਦਰੀ ਮੰਤਰੀ ਸੰਤੋਸ਼ ਗੰਗਵਾਰ ਨੇ ਵੀ ਆਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇ ਦਿੱਤਾ ਹੈ।  ਨਿਸ਼ਾਂਕ ਸਿੱਖਿਆ ਮੰਤਰੀ ਅਤੇ ਸੰਤੋਸ਼ ਗੰਗਵਾਰ ਕਿਰਤ ਮੰਤਰੀ ਸਨ। ਕਥਿਤ ਤੌਰ 'ਤੇ ਦੋਵਾਂ ਨੇ ਆਪਣੇ ਅਸਤੀਫੇ ਦੇ ਪੱਤਰਾਂ ਵਿਚ ਸਿਹਤ ਦੇ ਕਾਰਨ ਦੱਸੇ ਹਨ। 

ਇਹਨਾਂ ਮੰਤਰੀਆਂ ਨੇ ਦਿੱਤੇ ਅਸਤੀਫੇ 

ਡਾ. ਹਰਸ਼ਵਰਧਨ
ਕੇਂਦਰੀ ਮੰਤਰੀ ਸੰਤੋਸ਼ ਗੰਗਵਾਰ
ਦੇਬੋਸ਼ੀ ਚੌਧਰੀ (ਮਹਿਲਾ ਰਾਜ ਰਾਜ ਮੰਤਰੀ)
ਕੇਂਦਰੀ ਸਿੱਖਿਆ ਮੰਤਰੀ ਰਮੇਸ਼ ਪੋਖਰਿਆਲ ਨਿਸ਼ੰਕ
ਮਹਿਲਾ ਤੇ ਬਾਲ ਵਿਕਾਸ ਰਾਜ ਮੰਤਰੀ ਦੇਬਸ੍ਰੀ ਚੌਧਰੀ 
ਸਦਾਨੰਦ ਗੌੜਾ (ਰਸਾਇਣ ਅਤੇ ਖਾਦ ਮੰਤਰਾਲੇ)
ਸੰਜੇ ਧੋਤਰਾ (ਕੇਂਦਰੀ ਰਾਜ ਮੰਤਰੀ)
ਥਾਵਰਚੰਦ ਗਹਿਲੋਤ (ਰਾਜਪਾਲ ਬਣੇ)
ਪ੍ਰਤਾਪ ਸਾਰੰਗੀ (ਰਾਜ ਮੰਤਰੀ)
ਰਤਨ ਲਾਲ ਕਟਾਰੀਆ (ਰਾਜ ਮੰਤਰੀ)
ਬਾਬੁਲ ਸੁਪ੍ਰੀਯੋ (ਰਾਜ ਮੰਤਰੀ)

ਦੱਸ ਦੇਈਏ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਆਪਣੇ ਦੂਜੇ ਕਾਰਜਕਾਲ ਵਿੱਚ ਪਹਿਲੀ ਵਾਰ ਮੰਤਰੀ ਮੰਡਲ ਦਾ ਵਿਸਥਾਰ ਕਰਨ ਜਾ ਰਹੇ ਹਨ। ਨਵੇਂ ਮੰਤਰੀਆਂ ਦਾ ਸਹੁੰ ਚੁੱਕ ਸਮਾਰੋਹ ਅੱਜ ਸ਼ਾਮ ਰਾਸ਼ਟਰਪਤੀ ਭਵਨ ਵਿਖੇ ਹੋਵੇਗਾ, ਜਿਸ ਲਈ ਰਸਮੀ ਤੌਰ ‘ਤੇ ਸੱਦਾ ਭੇਜਿਆ ਗਿਆ ਹੈ।