ਇਸ ਹਫਤੇ 4 ਦਿਨ ਬੰਦ ਰਹਿਣਗੇ ਬੈਂਕ, ਜਲਦੀ ਨਿਪਟਾ ਲਓ ਜ਼ਰੂਰੀ ਕੰਮ

ਨਵੀਂ ਦਿੱਲੀ- ਮਾਰਚ ਦਾ ਮਹੀਨਾ ਹਰ ਸਾਲ ਬੈਂਕਿੰਗ ਲਈ ਖਾਸ ਹੁੰਦਾ ਹੈ। ਵਿੱਤੀ ਸਾਲ ਦਾ ਆਖਰੀ ਮਹੀਨਾ ਹੋਣ ਕਾਰਨ ਮਾਰਚ 'ਚ ਬੈਂਕਿੰਗ ਕੰਮਕਾਜ 'ਤੇ ਜ਼ਿਆਦਾ ਦਬਾਅ ਹੈ। ਹਾਲਾਂਕਿ, ਇਹ ਮਹੀਨਾ ਹੋਲੀ ਦੇ ਤਿਉਹਾਰ ਨੂੰ ਵੀ ਲੈ ਕੇ ਆਉਂਦਾ ਹੈ, ਜਿਸ ਕਾਰਨ ਬੈਂਕਿੰਗ ਖੇਤਰ 'ਤੇ ਮਾਰਚ ਦੀਆਂ ਛੁੱਟੀਆਂ ਦਾ ਦਬਾਅ ਰਹਿੰਦਾ ਹੈ।

Also Read: IAS ਏ. ਵੇਣੂ ਪ੍ਰਸਾਦ ਨੇ ਪੰਜਾਬ CM ਦੇ ਵਧੀਕ ਮੁੱਖ ਸਕੱਤਰ ਦਾ ਸੰਭਾਲਿਆ ਅਹੁਦਾ

ਹੋਲੀ ਦੇ ਇਸ ਹਫਤੇ ਦੀ ਗੱਲ ਕਰੀਏ ਤਾਂ ਇਸ ਦੌਰਾਨ 7 'ਚੋਂ 4 ਦਿਨ ਬੈਂਕ ਬੰਦ ਰਹਿਣ ਵਾਲੇ ਹਨ। ਜੇਕਰ ਤੁਹਾਡਾ ਕੋਈ ਜ਼ਰੂਰੀ ਕੰਮ ਅਟਕਿਆ ਹੋਇਆ ਹੈ ਤਾਂ ਬਿਨਾਂ ਦੇਰੀ ਕੀਤੇ ਉਸ ਨੂੰ ਨਿਪਟਾਓ, ਨਹੀਂ ਤਾਂ ਬਾਅਦ 'ਚ ਤੁਹਾਨੂੰ ਬੇਲੋੜੀਆਂ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।

Also Read: ਸਿੱਖ ਯਾਤਰੀਆਂ ਲਈ ਵੱਡੀ ਰਾਹਤ, ਘਰੇਲੂ ਉਡਾਣਾਂ 'ਚ ਕਿਰਪਾਨ ਪਹਿਨਣ ਦੀ ਮਿਲੀ ਮਨਜ਼ੂਰੀ

ਭਾਰਤੀ ਰਿਜ਼ਰਵ ਬੈਂਕ (ਆਰ.ਬੀ.ਆਈ.) ਦੀ ਛੁੱਟੀਆਂ ਦੀ ਸੂਚੀ ਅਨੁਸਾਰ ਇਸ ਹਫਤੇ ਹੋਲੀ ਕਾਰਨ ਬੈਂਕਾਂ ਦਾ ਕੰਮ ਕਈ ਦਿਨਾਂ ਤੱਕ ਬੰਦ ਰਹਿਣ ਵਾਲਾ ਹੈ। ਆਰਬੀਆਈ ਮੁਤਾਬਕ ਇਸ ਹਫਤੇ ਦੀਆਂ 4 ਛੁੱਟੀਆਂ 'ਚੋਂ ਕੁਝ ਸਥਾਨਕ ਛੁੱਟੀਆਂ ਹਨ, ਜਦਕਿ ਕੁਝ ਛੁੱਟੀਆਂ 'ਤੇ ਦੇਸ਼ ਭਰ 'ਚ ਬੈਂਕ ਬੰਦ ਰਹਿਣ ਵਾਲੇ ਹਨ। ਇਸ ਕਾਰਨ ਘਰ ਤੋਂ ਬਾਹਰ ਨਿਕਲਣ ਤੋਂ ਪਹਿਲਾਂ ਬੈਂਕ ਦੀਆਂ ਛੁੱਟੀਆਂ ਦੀ ਸੂਚੀ ਦੀ ਜਾਂਚ ਕਰਨਾ ਜ਼ਰੂਰੀ ਹੈ। 

Also Read: ਅੰਮ੍ਰਿਤਸਰ: 2.76 ਕਿਲੋ ਹੈਰੋਇਨ ਸਣੇ 2 ਪਾਕਿਸਤਾਨੀ ਗ੍ਰਿਫਤਾਰ, ਮੋਬਾਈਲ-ਪਾਕਿਸਤਾਨੀ ਕਰੰਸੀ ਅਤੇ ਟਾਫੀਆਂ ਵੀ ਬਰਾਮਦ

ਇਸ ਹਫ਼ਤੇ ਦੀਆਂ ਛੁੱਟੀਆਂ ਦੀ ਸੂਚੀ (RBI ਛੁੱਟੀਆਂ ਦੀ ਸੂਚੀ):
17 ਮਾਰਚ: ਉੱਤਰ ਪ੍ਰਦੇਸ਼, ਉੱਤਰਾਖੰਡ ਅਤੇ ਝਾਰਖੰਡ ਵਿੱਚ ਬੈਂਕ ਸ਼ਾਖਾਵਾਂ ਇਸ ਹਫ਼ਤੇ ਵੀਰਵਾਰ ਨੂੰ ਹੋਲਿਕਾ ਦਹਨ ਦੀ ਛੁੱਟੀ ਕਾਰਨ ਬੰਦ ਰਹਿਣਗੀਆਂ।
18 ਮਾਰਚ: ਦੇਸ਼ ਭਰ ਵਿੱਚ ਹੋਲੀ ਦਾ ਤਿਉਹਾਰ ਵੱਖ-ਵੱਖ ਨਾਵਾਂ ਅਤੇ ਰੂਪਾਂ ਵਿੱਚ ਮਨਾਇਆ ਜਾਂਦਾ ਹੈ। ਸ਼ੁੱਕਰਵਾਰ ਨੂੰ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ 'ਚ ਹੋਲੀ, ਧੁਲੇਟੀ ਅਤੇ ਡੌਲ ਜਾਤਰਾ ਵਰਗੇ ਤਿਉਹਾਰ ਮਨਾਏ ਜਾਣਗੇ। ਇਸ ਕਾਰਨ ਕਰਨਾਟਕ, ਓਡੀਸ਼ਾ, ਤਾਮਿਲਨਾਡੂ, ਮਣੀਪੁਰ, ਕੇਰਲ ਅਤੇ ਪੱਛਮੀ ਬੰਗਾਲ ਨੂੰ ਛੱਡ ਕੇ ਸਾਰੇ ਰਾਜਾਂ ਵਿੱਚ ਬੈਂਕ ਬੰਦ ਰਹਿਣਗੇ।
19 ਮਾਰਚ: ਓਡੀਸ਼ਾ, ਮਨੀਪੁਰ ਅਤੇ ਬਿਹਾਰ ਵਿੱਚ ਹੋਲੀ ਤੋਂ ਅਗਲੇ ਦਿਨ ਸ਼ਨੀਵਾਰ ਨੂੰ ਬੈਂਕ ਬੰਦ ਰਹਿਣਗੇ।
20 ਮਾਰਚ: ਐਤਵਾਰ ਦੀ ਹਫ਼ਤਾਵਾਰੀ ਛੁੱਟੀ ਹੋਣ ਕਾਰਨ ਦੇਸ਼ ਭਰ ਵਿੱਚ ਬੈਂਕਾਂ ਵਿੱਚ ਛੁੱਟੀਆਂ ਹੋਣਗੀਆਂ।