ਚੰਡੀਗੜ੍ਹ : ਕੋਰੋਨਾ ਕੇਸਾਂ (Corona Cases) ਵਿਚ ਗਿਰਾਵਟ ਤੋਂ ਬਾਅਦ ਕਮਿਸ਼ਨ (Commission) ਨੇ ਪੰਜਾਬ ਵਿਚ ਚੋਣ ਰੈਲੀਆਂ (Election Rally) ‘ਚ ਰਿਆਇਤ ਦੇ ਦਿੱਤੀ ਹੈ। ਹੁਣ ਇੰਡੋਰ ਹਾਲ ਦੀ ਸਮਰੱਥਾ ਦੇ 50 ਫੀਸਦੀ ਦੇ ਨਾਲ ਰੈਲੀ ਕੀਤੀ ਜਾ ਸਕੇਗੀ। ਉਥੇ ਹੀ ਜੇਕਰ ਖੁੱਲ੍ਹੇ ਮੈਦਾਨ ਵਿਚ ਰੈਲੀ ਹੈ ਤਾਂ ਉਥੇ ਸਮਰੱਥਾ ਤੋਂ 30 ਫੀਸਦੀ ਲੋਕਾਂ ਦੇ ਨਾਲ ਰੈਲੀ ਕਰ ਸਕਦੇ ਹਨ। ਇਹ ਰੈਲੀਆਂ ਚੋਣ ਕਮਿਸ਼ਨ (Election Commission) ਵਲੋਂ ਤੈਅ ਥਾਵਾਂ ‘ਤੇ ਹੀ ਹੋਵੇਗੀ। ਹਾਲਾਂਕਿ ਫਿਲਹਾਲ ਰੋਡ ਸ਼ੋਅ (Road Show), ਪੈਦਲ ਯਾਤਰਾ, ਸਾਈਕਲ (Cycle), ਬਾਈਕ (Bike) ਅਤੇ ਦੂਜੇ ਵ੍ਹੀਕਲ ਰੈਲੀ (Second Vehicle Rally) ‘ਤੇ ਰੋਕ ਬਰਕਰਾਰ ਰਹੇਗੀ। ਇਸ ਤੋਂ ਇਲਾਵਾ ਡੋਰ ਟੂ-ਡੋਰ ਪ੍ਰਚਾਰ (Door to door preaching) ਲਈ 20 ਦੀ ਗਿਣਤੀ ਪੁਰਾਣੀ ਹੀ ਤੈਅ ਰਹੇਗੀ। ਉਥੇ ਹੀ ਰਾਤ 8 ਵਜੇ ਤੋਂ ਸਵੇਰੇ 8 ਵਜੇ ਤੱਕ ਕੈਂਪੇਨ ‘ਤੇ ਪਾਬੰਦੀ ਰਹੇਗੀ। Also Read : ਲਤਾ ਮੰਗੇਸ਼ਕਰ ਦੇ ਦੇਹਾਂਤ ‘ਤੇ 2 ਦਿਨ ਦਾ ਰਾਸ਼ਟਰੀ ਸੋਗ, ਅੱਜ ਸ਼ਾਮ ਹੋਵੇਗਾ ਅੰਤਿਮ ਸੰਸਕਾਰ
ਚੋਣ ਕਮਿਸ਼ਨ ਨੇ ਸਪੱਸ਼ਟ ਕੀਤਾ ਹੈ ਕਿ ਰੈਲੀ ਦੀ ਥਾਂ ‘ਤੇ ਕਈ ਐਂਟਰੀ ਅਤੇ ਐਗਜ਼ਿਟ ਗੇਟ ਹੋਣਾ ਲਾਜ਼ਮੀ ਹਨ। ਰੈਲੀ ਕਰਨ ਵਾਲੇ ਪ੍ਰਬੰਧਕਾਂ ਨੂੰ ਕੋਰੋਨਾ ਨਾਲ ਜੁੜੀਆਂ ਸਾਰੀਆਂ ਪਾਬੰਦੀਆਂ ਦਾ ਪਾਲਨ ਕਰਨਾ ਹੋਵੇਗਾ। ਕੋਰੋਨਾ ਤੋਂ ਬਚਣ ਲਈ ਸਾਵਧਾਨੀਆਂ ਦਾ ਪਾਲਨ ਕਰਵਾਉਣ ਲਈ ਜ਼ਿਲਾ ਮੈਜਿਸਟ੍ਰੇਟ ਨੋਡਲ ਅਫਸਰ ਨਿਯੁਕਤ ਕਰਾਂਗੇ। ਹਾਲਾਂਕਿ ਇਸ ਦੀ ਜ਼ਿੰਮੇਵਾਰੀ ਜ਼ਿਲੇ ਦੇ ਡੀ.ਸੀ. ਅਤੇ ਐੱਸ.ਐੱਸ.ਪੀ. ‘ਤੇ ਰਹੇਗੀ। ਚੋਣ ਕਮਿਸ਼ਨ ਹੁਣ 11 ਫਰਵਰੀ ਨੂੰ ਫਿਰ ਰੋਕ ਦੀ ਸਥਿਤੀ ਨੂੰ ਰੀਵਿਊ ਕਰੇਗਾ। ਇਸ ਤੋਂ ਪਹਿਲਾਂ 8 ਜਨਵਰੀ ਨੂੰ ਚੋਣ ਜ਼ਾਬਤਾ ਲਾਗੂ ਹੁੰਦੇ ਹੀ ਕਮਿਸ਼ਨ ਨੇ ਰੈਲੀ ਅਤੇ ਰੋਡ ਸ਼ੋਅ ‘ਤੇ ਰੋਕ ਲਗਾ ਦਿੱਤੀ ਸੀ। ਇਸ ਤੋਂ ਬਾਅਦ 3 ਵਾਰ ਇਹ ਰੋਕ ਵਧਾਈ ਜਾ ਚੁੱਕੀ ਹੈ। ਹਾਲਾਂਕਿ ਇਸ ਦੌਰਾਨ ਕਮਿਸ਼ਨ ਨੇ ਇਕ ਹਜ਼ਾਰ ਲੋਕਾਂ ਦੇ ਨਾਲ ਇੰਡੋਰ ਮੀਟਿੰਗ ਦੀ ਛੋਟ ਦੇ ਦਿੱਤੀ ਸੀ। ਕਮਿਸ਼ਨ ਦਾ ਕਹਿਣਾ ਹੈ ਕਿ ਚੋਣਾਂ ਵਾਲੇ ਸੂਬਿਆਂ ਦੇ ਚੀਫ ਸੈਕ੍ਰੇਟਰੀ ਅਤੇ ਉਨ੍ਹਾਂ ਦੇ ਆਬਜ਼ਰਵਰ ਦੀ ਰਿਪੋਰਟ ਤੋਂ ਬਾਅਦ ਇਹ ਕਦਮ ਚੁੱਕਿਆ ਗਿਆ ਹੈ।
