ਯੋ-ਯੋ ਹਨੀ ਸਿਂਘ ਦੇ ਨਾਲ ਸ਼ੋਅ ਦੌਰਾਨ ਦਿੱਲੀ ਦੇ ਕਲੱਬ ਵਿਚ ਹੱਥੋਪਾਈ, FIR ਦਰਜ

ਨਵੀਂ ਦਿੱਲੀ - ਸਾਊਥ ਦਿੱਲੀ (South Delhi) ਦੇ ਇਕ ਕਲੱਬ ਵਿਚ ਸ਼ੋਅ ਕਰਨ ਆਏ ਸਿੰਗਰ ਯੋ-ਯੋ ਹਨੀ ਸਿੰਘ (Singer Yo-Yo Honey Singh) ਦੇ ਨਾਲ ਕਥਿਤ ਤੌਰ 'ਤੇ ਬਦਸਲੂਕੀ ਅਤੇ ਹੱਥੋਪਾਈ ਕੀਤੀ ਗਈ। 27 ਮਾਰਚ ਨੂੰ ਸਾਊਥ ਦਿੱਲੀ ਦੇ ਇਕ ਕਲੱਬ (A club in Delhi) ਵਿਚ ਗਾਇਕ ਯੋ-ਯੋ ਹਨੀ ਸਿੰਘ ਦੇ ਨਾਲ ਕਥਿਤ ਤੌਰ 'ਤੇ ਕੁੱਟਮਾਰ ਕੀਤੇ ਜਾਣ ਤੋਂ ਬਾਅਦ ਚਾਰ ਤੋਂ ਪੰਜ ਅਣਪਛਾਤੇ ਲੋਕਾਂ ਦੇ ਇਕ ਗਰੁੱਪ ਦੇ ਖਿਲਾਫ ਇਕ ਸ਼ਿਕਾਇਤ ਦਰਜ (File a complaint) ਕੀਤੀ ਗਈ ਸੀ। ਇਸ ਸ਼ਿਕਾਇਤ ਦੇ ਆਧਾਰ 'ਤੇ ਦਿੱਲੀ ਪੁਲਿਸ (Delhi Police) ਨੇ ਹੁਣ ਐੱਫ.ਆਈ.ਆਰ. (FIR) ਦਰਜ ਕਰ ਲਈ ਹੈ। Also Read : ਪੰਜਾਬ ਸਰਕਾਰ ਦਾ ਨਵਾਂ ਉਪਰਾਲਾ, SGPC ਨੂੰ ਕੀਤੀ ਇਹ ਅਪੀਲ

ਇੰਡੀਅਨ ਐਕਸਪ੍ਰੈਸ ਦੀ ਖਬਰ ਦੇ ਮੁਤਾਬਕ, ਦਿੱਲੀ ਪੁਲਿਸ ਨੇ ਯੋ-ਯੋ ਹਨੀ ਸਿੰਘ ਅਤੇ ਉਨ੍ਹਾਂ ਦੇ ਵਕੀਲ ਈਸ਼ਾਨ ਮੁਖਰਜੀ ਦੀ 28 ਮਾਰਚ ਨੂੰ ਉਪਦ੍ਰਵ, ਮਾੜੇ ਵਰਤਾਓ ਅਤੇ ਧਮਕੀ ਦੀ ਸ਼ਿਕਾਇਤ ਤੋਂ ਬਾਅਦ ਐੱਫ.ਆਈ.ਆਰ. ਦਰਜ ਕੀਤੀ ਹੈ। ਪੁਲਿਸ ਨੇ ਦੱਸਿਆ ਕਿ ਘਟਨਾ 27 ਮਾਰਚ ਨੂੰ ਸਾਊਥ ਐਕਸਟੈਂਸ਼ਨ-2 ਦੇ ਸਕੋਲ ਕਲੱਬ ਵਿਚ ਹੋਈ। ਐੱਫ.ਆਈ.ਆਰ. ਮੁਤਾਬਕ ਯੋ-ਯੋ ਹਨੀ ਸਿੰਘ 26 ਅਤੇ 27 ਮਾਰਚ ਦੀ ਦਰਮਿਆਨੀ ਰਾਤ ਨੂੰ ਕਲੱਬ ਵਿਚ ਪਰਫਾਰਮ ਕਰਨ ਆਏ ਸਨ। ਉਦੋਂ 27 ਮਾਰਚ ਦੀ ਰਾਤ ਨੂੰ ਸ਼ੋਅ ਦੌਰਾਨ 4-5 ਲੋਕਾਂ ਦਾ ਇਕ ਗਰੁੱਪ ਜ਼ਬਰਦਸਤੀ ਸਟੇਜ 'ਤੇ ਚੜ੍ਹ ਗਿਆ ਅਤੇ ਕਲਾਕਾਰਾਂ ਦੇ ਨਾਲ ਧੱਕਾ-ਮੁੱਕੀ ਸ਼ੁਰੂ ਕਰ ਦਿੱਤੀ। Also Read : ਮਾਮੂਲੀ ਤਕਰਾਰ ਕਾਰਣ ਚੱਲੀਆਂ ਗੋਲੀਆਂ ਤੇ ਇੱਟਾਂ ਰੋੜੇ ,ਵਾਲ ਵਾਲ ਬਚੀ ਜਾਨ 

ਐੱਫ.ਆਈ.ਆਰ. ਵਿਚ ਕਿਹਾ ਗਿਆ ਹੈ, 4-5 ਅਣਪਛਾਤੇ ਲੋਕਾਂ ਨੇ ਸਟੇਜ 'ਤੇ ਮਾੜੇ ਵਰਤਾਓ ਕਰਨਾ ਸ਼ੁਰੂ ਕਰ ਦਿੱਤਾ ਅਤੇ ਸ਼ੋਅ ਨੂੰ ਰੋਕ ਦਿੱਤਾ। ਸ਼ੋਅ ਵਿਚ ਉਨ੍ਹਆਂ ਨੇ ਬੀਅਰ ਦੀਆਂ ਬੋਤਲਾਂ ਦਿਖਾਈਆਂ ਅਤੇ ਕਲਾਕਾਰਾਂ ਦੇ ਨਾਲ ਧੱਕਾ-ਮੁੱਕੀ ਕੀਤੀ ਅਤੇ ਮੰਚ ਤੋਂ ਧਕੇਲ ਦਿੱਤਾ। ਉਸ ਤੋਂ ਬਾਅਦ ਚੈੱਕ ਸ਼ਰਟ ਵਿਚ ਇਕ ਵਿਅਕਤੀ ਨੇ ਮੇਰਾ (ਯੋ-ਯੋ ਹਨੀ ਸਿੰਘ) ਹੱਥ ਫੜਿਆ ਅਤੇ ਮੈਨੂੰ ਅੱਗੇ ਵੱਲ ਖਿੱਚਣ ਲੱਗਾ। ਮੈਂ ਇਸ ਤੋਂ ਬੱਚਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ ਪਰ ਉਹ ਵਿਅਕਤੀ ਮੈਨੂੰ ਚੁਣੌਤੀ ਦਿੰਦਾ ਰਿਹਾ ਅਤੇ ਧਮਕਾਉਂਦਾ ਰਿਹਾ। ਮੈਂ ਇਹ ਵੀ ਦੇਖਿਆ ਕਿ ਇਸ ਦੇ ਕੋਲ ਹਥਿਾਰ ਸੀ। ਲਾਲ ਸ਼ਰਟ ਵਿਚ ਇਕ ਹੋਰ ਵਿਅਕਤੀ ਵੀਡੀਓ ਬਣਾ ਰਿਹਾ ਸੀ ਅਤੇ ਕਹਿ ਰਿਹਾ ਸੀ 'ਭਜਾ ਦਿੱਤਾ ਹਨੀ ਸਿੰਘ ਨੂੰ' ਸ਼ਿਕਾਇਤ ਵਿਚ ਕਿਹਾ ਗਿਆ ਕਿ ਹਨੀ ਸਿੰਘ ਸਣੇ ਸਾਰੇ ਕਲਾਕਾਰਾਂ ਨੇ ਮੰਚ ਖਾਲੀ ਕਰ ਦਿੱਤਾ ਅਤੇ ਸਥਿਤੀ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਹਨੀ ਸਿੰਘ ਨੂੰ ਪ੍ਰੋਗਰਾਮ ਵਿਚਾਲਿਓਂ ਹੀ ਛੱਡਣਾ ਪਿਆ, ਪੁਲਿਸ ਨੇ ਜਾਣਬੁਝ ਕੇ ਸੱਟ ਪਹੁੰਚਾਉਣ, ਅਪਰਾਧਕ ਧਮਕੀ ਦੇਣ ਅਤੇ ਹੋਰ ਧਾਰਾਵਾਂ ਦੇ ਤਹਿਤ ਮਾਮਲਾ ਦਰਜ ਕੀਤਾ ਹੈ। ਫਿਲਹਾਲ ਇਸ ਮਾਮਲੇ 'ਤੇ ਅਜੇ ਹਨੀ ਸਿੰਘ ਜਾਂ ਉਨ੍ਹਾਂ ਦੇ ਵਕੀਲ ਦੀ ਕੋਈ ਟਿੱਪਣੀ ਨਹੀਂ ਆਈ ਹੈ।