ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:– ਚੀਨ ਦੇ ਵੁਹਾਨ ਸ਼ਹਿਰ ਤੋਂ ਸ਼ੁਰੂ ਹੋਈ ਕੋਰੋਨਾ ਮਹਾਂਮਾਰੀ ਹੁਣ ਤੱਕ ਇਕ ਕਰੋੜ ਤੋਂ ਵੱਧ ਲੋਕਾਂ ਨੂੰ ਆਪਣੀ ਚਪੇਟ ਵਿਚ ਲੈ ਚੁੱਕੀ ਹੈ। ਉੱਥੇ ਹੀ ਹੁਣ ਵਿਸ਼ਵ ਸਿਹਤ ਸੰਗਠਨ (WHO) ਨੇ ਆਖਿਰਕਾਰ ਇਸ ਗੱਲ ਨੂੰ ਸਵੀਕਾਰ ਕਰ ਲਿਆ ਹੈ ਕਿ ਕੋਰੋਨਾ ਸੰਕਰਮਨ ਦੇ ਹਵਾ ਨਾਲ ਫੈਲਣ ਦੇ ਕੁੱਝ ਸਬੂਤ ਮਿਲੇ ਹਨ। ਹਾਲਾਂਕਿ ਇਸ ਸੰਬੰਧ ਵਿਚ ਪੂਰਾ ਡਾਟਾ ਇੱਕਠਾ ਕਰਨਾ ਬਾਕੀ ਹੈ। ਦੱਸ ਦਈਏ ਕਿ ਕੁੱਝ ਵਿਗਿਆਨੀਆਂ ਦੇ ਇਕ ਗਰੁੱਪ ਨੇ WHO ਨੂੰ ਖੁੱਲ੍ਹਾ ਖੱਤ ਲਿਖੇ ਕੇ ਬੇਨਤੀ ਕੀਤੀ ਸੀ ਕਿ ਇਹ ਵਾਇਰਸ ਹਵਾ ਰਾਹੀਂ ਫੈਲ ਰਿਹਾ ਹੈ ਅਤੇ ਉਸਨੂੰ ਆਪਣੇ ਦਿਸ਼ਾ-ਨਿਰਦੇਸ਼ਾਂ ਵਿਚ ਬਦਲਾਅ ਕਰਨਾ ਚਾਹੀਦਾ ਹੈ।
"The possibility of airborne transmission in public settings… cannot be ruled out," Prof. Benedetta Allegranzi, WHO technical lead, says about COVID-19. https://t.co/Th3vW7M8kn
"There is some evidence emerging, but is not definitive." pic.twitter.com/MqqzRUeiAb
— ABC News Live (@ABCNewsLive) July 7, 2020
ਜਾਣਕਾਰੀ ਅਨੁਸਾਰ ਵਿਸ਼ਵ ਸਿਹਤ ਸੰਗਠਨ ਵਿਚ ਤਕਨੀਕੀ ਲੀਡ ਪ੍ਰੋਫੈਸਰ ਬੈਨੇਡੇਟਾ ਅਲੇਗ੍ਰਾਜ਼ੀ ਨੇ ਮੰਗਲਵਾਰ ਨੂੰ ਕਿਹਾ ਹੈ ਕਿ ਕੋਰੋਨਾ ਵਾਇਰਸ ਦੇ ਹਵਾ ਦੇ ਜਰੀਏ ਫੈਲਣ ਦੇ ਸਬੂਤ ਤਾਂ ਮਿਲੇ ਹਨ ਪਰ ਇਸ ਬਾਰੇ ਅਜੇ ਕੁੱਝ ਵੀ ਸਪੱਸ਼ਟ ਨਹੀਂ ਕਿਹਾ ਜਾ ਸਕਦਾ ਹੈ। ਫਿਰ ਵੀ ਭੀੜ-ਭਾੜ ਵਾਲੀ ਜਨਤਕ ਥਾਵਾਂ ਅਤੇ ਬੰਦ ਸਥਾਨਾਂ ‘ਤੇ ਹਵਾ ਦੇ ਜਰੀਏ ਵਾਇਰਸ ਦੇ ਫੈਲਣ ਦੀ ਸੰਭਾਵਨਾ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ ਹੈ।ਉੱਥੇ ਹੀ WHO ਵਿਚ ਕੋਵਿਡ-19 ਮਹਾਂਮਾਰੀ ਨਾਲ ਜੁੜੀ ਟੈਕਨੀਕਲ ਲੀਡ ਡਾਕਟਰ ਮਾਰੀਆ ਵਾ ਕਰਖੋਵ ਨੇ ਕਿਹਾ ਹੈ ਕਿ ਅਸੀ ਹਵਾ ਦੇ ਜਰੀਏ ਕੋਰੋਨਾ ਵਾਇਰਸ ਫੈਲਣ ਦੀ ਸੰਭਾਵਨਾ ਉੱਤੇ ਗੱਲ ਕਰ ਰਹੇ ਹਾਂ ਪਰ ਇਸ ਦੇ ਪੱਕੇ ਸਬੂਤ ਹੋਣਾ ਜਰੂਰੀ ਹਨ। ਦੱਸ ਦਈਏ ਕਿ WHO ਨੂੰ 32 ਦੇਸ਼ਾਂ ਦੇ 239 ਵਿਗਿਆਨਿਕਾਂ ਨੇ ਲਿਖੇ ਆਪਣੇ ਇਕ ਲੈਟਰ ਵਿਚ ਉਸਦੀ ਭੂਮਿਕਾ ਨੂੰ ਲੈ ਕੇ ਸਵਾਲ ਖੜ੍ਹੇ ਕੀਤੇ ਸਨ। ਵਿਗਿਆਨੀਆਂ ਨੇ ਦਾਅਵਾ ਕੀਤਾ ਸੀ ਕਿ ਕੋਰੋਨਾ ਵਾਇਰਸ ਹਵਾ ਦੇ ਜਰੀਏ ਵੀ ਫੈਲਦਾ ਹੈ ਪਰ ਵਿਸ਼ਵ ਸਿਹਤ ਸੰਗਠਨ ਇਸ ਨੂੰ ਲੈ ਕੇ ਗੰਭੀਰ ਨਹੀ ਹੈ ਅਤੇ ਉਸ ਨੇ ਆਪਣੇ ਦਿਸ਼ਾ-ਨਿਰਦੇਸ਼ਾਂ ਵਿਚ ਵੀ ਇਸ ਉੱਤੇ ਚੁੱਪੀ ਸਾਧੀ ਹੋਈ ਹੈ। ਵਿਗਿਆਨੀਆਂ ਦਾ ਦਾਅਵਾ ਸੀ ਕਿ ਛਿੱਕਣ ਤੋਂ ਬਾਅਦ ਹਵਾ ਵਿਚ ਦੂਰ ਤੱਕ ਜਾਣ ਵਾਲੇ ਵੱਡੇ ਜਾਂ ਛੋਟੇ ਡ੍ਰੋਪਲੇਟ ਇਕ ਕਮਰੇ ਜਾ ਨਿਧਾਰਿਤ ਖੇਤਰ ਵਿਚ ਮੌਜੂਦ ਲੋਕਾਂ ਨੂੰ ਸੰਕਰਮਿਤ ਕਰਨ ਦੇ ਸਮਰੱਥ ਹੁੰਦੇ ਹਨ। ਇੰਨਾ ਹੀ ਨਹੀਂ ਬਲਕਿ ਬੰਦ ਥਾਵਾਂ ਉੱਤੇ ਇਹ ਕਾਫੀ ਦੇਰ ਤੱਕ ਹਵਾ ‘ਚ ਮੌਜੂਦ ਰਹਿੰਦੇ ਹਨ ਅਤੇ ਆਸ-ਪਾਸ ਦੇ ਲੋਕਾਂ ਨੂੰ ਵੀ ਆਪਣੀ ਚਪੇਟ ਵਿਚ ਲੈ ਸਕਦੇ ਹਨ।