ਨਵੀਂ ਦਿੱਲੀ: ਵਿਆਹ ਦੇ ਦੋ ਮਹੀਨਿਆਂ ਬਾਅਦ ਇੱਕ 17 ਸਾਲਾ ਨੌਜਵਾਨ ਨੂੰ 55 ਸਾਲਾ ਵਿਅਕਤੀ ਨੂੰ ਆਪਣੀ ਪਤਨੀ ਨੂੰ 1 ਲੱਖ 80 ਹਜ਼ਾਰ ਰੁਪਏ ਵਿੱਚ ਵੇਚਣ ਦੇ ਦੋਸ਼ ਵਿੱਚ ਰਾਜਸਥਾਨ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਹੈ। ਦੋਸ਼ੀ ਨਾਬਾਲਗ ਉੜੀਸਾ ਦੇ ਬੋਲੰਗਿਰ ਜ਼ਿਲੇ ਦਾ ਨਿਵਾਸੀ ਹੈ।
Also Read: ਹਾਈ ਕਮਾਂਡ ਨਾਲ ਮੁਲਾਕਾਤ ਤੋਂ ਬਾਅਦ ਬੋਲੇ ਆਸ਼ੂ, ਕਿਹਾ-ਪੰਜਾਬ ਲੀਡਰਾਂ ਲਈ ਮਿਲਿਆ ‘ਸੁਨੇਹਾ’
ਬੇਲਪਾਰਾ ਥਾਣਾ ਦੇ ਇੰਚਾਰਜ ਬੁੱਲੂ ਮੁੰਡਾ ਨੇ ਦੱਸਿਆ ਕਿ ਨਾਬਾਲਗ ਕਿਸ਼ੋਰ ਸੋਸ਼ਲ ਮੀਡੀਆ ਰਾਹੀਂ 24 ਸਾਲਾ ਲੜਕੀ ਦੇ ਸੰਪਰਕ ਵਿੱਚ ਆਇਆ ਅਤੇ ਦੋਹਾਂ ਨੂੰ ਇੱਕ ਦੂਜੇ ਨਾਲ ਪਿਆਰ ਹੋ ਗਿਆ, ਜਿਸ ਤੋਂ ਬਾਅਦ ਉਨ੍ਹਾਂ ਦੇ ਪਰਿਵਾਰ ਉਨ੍ਹਾਂ ਦਾ ਰਸਮੀ ਢੰਗ ਨਾਲ ਵਿਆਹ ਕਰਵਾਉਣ ਲਈ ਰਾਜ਼ੀ ਹੋ ਗਏ। ਵਿਆਹ ਤੋਂ ਠੀਕ ਦੋ ਮਹੀਨੇ ਬਾਅਦ ਕਿਸ਼ੋਰ ਨੇ ਕੁਝ ਆਰਥਿਕ ਸਮੱਸਿਆਵਾਂ ਦਾ ਹਵਾਲਾ ਦਿੰਦੇ ਹੋਏ ਆਪਣੀ ਪਤਨੀ ਨੂੰ ਰਾਏਪੁਰ ਜਾ ਕੇ ਇੱਟਾਂ ਦੇ ਭੱਠੇ ‘ਤੇ ਕੰਮ ਕਰਨ ਅਤੇ ਇਕੱਠੇ ਕਮਾਉਣ ਲਈ ਕਿਹਾ ਪਰ ਇਸ ਦੀ ਬਜਾਏ ਉਹ ਆਪਣੀ ਪਤਨੀ ਨੂੰ ਰਾਜਸਥਾਨ ਦੇ ਇੱਕ ਪਿੰਡ ਲੈ ਗਿਆ।
सम्बंधित ख़बरें
Also Read: ਹਰਿਆਣਾ ਮੁੱਖ ਮੰਤਰੀ ਦਾ ਐਲਾਨ, ਇਨ੍ਹਾਂ ਬੱਚਿਆਂ ਨੂੰ ਮਿਲੇਗੀ ਮੁਫ਼ਤ ਸਿੱਖਿਆ
55 ਸਾਲਾ ਆਦਮੀ ਆਪਣੀ ਪਤਨੀ ਨੂੰ ਵੇਚਿਆ
ਅਗਸਤ ਵਿਚ ਇਹ ਜੋੜਾ ਇੱਟਾਂ ਦੇ ਭੱਠੇ ਵਿੱਚ ਕੰਮ ਕਰਨ ਲਈ ਰਾਏਪੁਰ ਅਤੇ ਝਾਂਸੀ ਦੇ ਰਸਤਿਓਂ ਰਾਜਸਥਾਨ ਗਿਆ ਸੀ। ਇਸ ਦੌਰਾਨ ਆਪਣੀ ਨਵੀਂ ਨੌਕਰੀ ਦੇ ਕੁਝ ਦਿਨਾਂ ਬਾਅਦ ਕਿਸ਼ੋਰ ਨੇ ਆਪਣੀ ਪਤਨੀ ਨੂੰ ਬਾਰਨ ਜ਼ਿਲ੍ਹੇ ਦੇ ਇੱਕ 55 ਸਾਲਾ ਵਿਅਕਤੀ ਨੂੰ 1,80,000 ਰੁਪਏ ਵਿੱਚ ਵੇਚ ਦਿੱਤਾ। ਆਪਣੀ ਪਤਨੀ ਨੂੰ ਵੇਚਣ ਤੋਂ ਬਾਅਦ ਕਿਸ਼ੋਰ ਨੇ ਖਾਣੇ ‘ਤੇ ਬਹੁਤ ਖਰਚ ਕੀਤਾ ਅਤੇ ਉਸ ਪੈਸੇ ਨਾਲ ਮਹਿੰਗਾ ਸਮਾਰਟਫੋਨ ਵੀ ਖਰੀਦਿਆ ਅਤੇ ਆਪਣੇ ਪਿਤਾ ਨੂੰ ਉੜੀਸਾ ਵਿੱਚ ਘਰ ਵਾਪਸ ਬੁਲਾ ਕੇ ਇਹ ਦੋਸ਼ ਲਾਇਆ ਕਿ ਉਹ ਕਿਸੇ ਨਾਲ ਭੱਜ ਗਈ ਹੈ। ਲੜਕੀ ਦੇ ਪਰਿਵਾਰ ਵਾਲਿਆਂ ਨੇ ਉਸ ਦੀ ਗੱਲ ਨਹੀਂ ਮੰਨੀ ਅਤੇ ਪੁਲਸ ਕੋਲ ਸ਼ਿਕਾਇਤ ਦਰਜ ਕਰਵਾਈ। ਪੁਲਿਸ ਨੇ ਉਸਦੇ ਕਾਲ ਰਿਕਾਰਡਾਂ ਦੀ ਜਾਂਚ ਕੀਤੀ ਅਤੇ ਉਨ੍ਹਾਂ ਨੂੰ ਲੜਕੇ ਉੱਤੇ ਸ਼ੱਕ ਹੋਇਆ। ਸ਼ਿਕਾਇਤ ਦੇ ਆਧਾਰ ‘ਤੇ ਮਾਮਲੇ ਦੀ ਜਾਂਚ ਲਈ ਬੋਲੰਗਿਰ ਦੇ ਐੱਸਪੀ ਨਿਤਿਨ ਕੁਸਲਕਰ ਦੁਆਰਾ ਇੱਕ ਟੀਮ ਦਾ ਗਠਨ ਕੀਤਾ ਗਿਆ ਸੀ। ਐੱਸਪੀ ਨੇ ਕਿਹਾ ਕਿ ਅਸੀਂ ਉਸ ਤੋਂ ਪੁੱਛਗਿੱਛ ਕੀਤੀ ਤਾਂ ਪਤਾ ਲੱਗਾ ਕਿ ਉਸ ਨੇ ਆਪਣੀ ਪਤਨੀ ਨੂੰ ਵੇਚ ਦਿੱਤਾ ਹੈ। ਬੋਲੰਗਿਰ ਦੀ ਇੱਕ ਟੀਮ ਲੜਕੀ ਦਾ ਪਤਾ ਲਗਾਉਣ ਲਈ ਰਾਜਸਥਾਨ ਗਈ ਸੀ।
Also Read: ਹੁਣ ਟੀਵੀ ਦੇਖਣਾ ਵੀ ਪਵੇਗਾ ਮਹਿੰਗਾ, 1 ਦਸੰਬਰ ਤੋਂ ਵਧਣਗੇ ਰੇਟ
ਲੜਕੀ ਨੂੰ ਛੁਡਾਉਣ ਲਈ ਕਾਫੀ ਮੁਸ਼ੱਕਤ ਕਰਨੀ ਪਈ
ਉੜੀਸਾ ਤੋਂ ਪੁਲਿਸ ਟੀਮ ਨੂੰ ਬਾਰਾਨ ਪਿੰਡ ਪਹੁੰਚ ਕੇ ਲੜਕੀ ਨੂੰ ਛੁਡਾਉਣ ਲਈ ਬਹੁਤ ਜੱਦੋ-ਜਹਿਦ ਕਰਨੀ ਪਈ ਕਿਉਂਕਿ ਪਿੰਡ ਵਾਸੀਆਂ ਨੇ ਸੜਕ ਜਾਮ ਕਰ ਦਿੱਤੀ ਸੀ ਅਤੇ ਉਹ ਲੜਕੀ ਨੂੰ ਪੁਲਿਸ ਨਾਲ ਜਾਣ ਦੇਣ ਦੇ ਮੂਡ ਵਿੱਚ ਨਹੀਂ ਸਨ। 55 ਸਾਲਾ ਵਿਅਕਤੀ ਨੇ ਕਿਹਾ ਕਿ ਅਸੀਂ ਉਸ ਨੂੰ ਇੱਕ ਲੱਖ 80 ਰੁਪਏ ਵਿੱਚ ਖਰੀਦਿਆ ਹੈ। ਓਧਰ ਰਾਜਸਥਾਨ ਪੁਲਿਸ ਦੇ ਮੁਲਾਜ਼ਮਾਂ ਦੀ ਮਦਦ ਨਾਲ ਉੜੀਸਾ ਤੋਂ ਆਈ ਟੀਮ ਲੜਕੀ ਨੂੰ ਨਜ਼ਦੀਕੀ ਪੁਲਿਸ ਸਟੇਸ਼ਨ ਲੈ ਕੇ ਜਾਣ ‘ਚ ਕਾਮਯਾਬ ਰਹੀ। ਲੜਕੀ ਤੋਂ ਪੁੱਛਣ ‘ਤੇ ਕਿ ਉਹ ਕਿੱਥੇ ਜਾਣਾ ਚਾਹੁੰਦੀ ਹੈ, ਉਸਨੇ ਕਿਹਾ ਕਿ ਉਹ ਉੜੀਸਾ ਵਿੱਚ ਆਪਣੇ ਮਾਪਿਆਂ ਕੋਲ ਵਾਪਸ ਜਾਣਾ ਚਾਹੁੰਦੀ ਹੈ। ਉਸ ਤੋਂ ਬਾਅਦ ਹੀ ਪਿੰਡ ਵਾਸੀ ਉਸ ਨੂੰ ਜਾਣ ਦੇਣ ਲਈ ਰਾਜ਼ੀ ਹੋ ਗਏ। ਹਾਲਾਂਕਿ ਕਿਸ਼ੋਰ ਨੇ ਦਾਅਵਾ ਕੀਤਾ ਕਿ ਉਸਨੇ ਆਪਣੀ ਪਤਨੀ ਨੂੰ ਵੇਚਿਆ ਨਹੀਂ ਸੀ, ਸਗੋਂ ਉਸਨੂੰ 60,000 ਰੁਪਏ ਵਿੱਚ ਗਿਰਵੀ ਰੱਖਿਆ ਸੀ। ਉਸ ਨੇ ਕਿਹਾ ਕਿ ਉਸ ਨੂੰ ਪੈਸੇ ਦੀ ਜ਼ਰੂਰਤ ਹੈ ਕਿਉਂਕਿ ਉਸ ਨੂੰ ਦਿਲ ਦੀਆਂ ਕੁਝ ਸਮੱਸਿਆਵਾਂ ਹਨ ਅਤੇ ਸਰਜਰੀ ਦੀ ਜ਼ਰੂਰਤ ਹੈ। 17 ਸਾਲਾ ਨੌਜਵਾਨ ਨੂੰ ਸ਼ੁੱਕਰਵਾਰ ਨੂੰ ਬਾਲ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ ਅਤੇ ਸੁਧਾਰ ਘਰ ਭੇਜ ਦਿੱਤਾ ਗਿਆ।