ਖੰਨਾ: ਖੰਨਾ (Khanna) ਵਿਚ ਇਕ ਨੌਜਵਾਨ ਵਲੋਂ ਪੁਲਿਸ 'ਤੇ ਦਾਬੇ ਮਾਰਨ ਅਤੇ ਮੁਲਾਜ਼ਮਾਂ ਨੂੰ ਧਮਕੀਆਂ ਦੇਣੀਆਂ ਮਹਿੰਗੀਆਂ ਪੈ ਗਈਆਂ ਜਦੋਂ ਉਸ ਨੇ ਨੋ ਪਾਰਕਿੰਗ ਜ਼ੋਨ 'ਚ ਕਾਰ ਖੜ੍ਹੀ ਕੀਤੀ ਹੋਈ ਸੀ। ਜਦੋਂ ਪੁਲਸ ਮੁਲਾਜ਼ਮ ਉਸ ਦਾ ਚਲਾਨ ਕੱਟਣ ਆਏ ਤਾਂ ਉਹ ਉਪਰ ਦੀ ਪਹੁੰਚ ਦਿਖਾ ਕੇ ਬਚਣ ਦੀ ਕੋਸ਼ਿਸ਼ ਕਰਦਾ ਰਿਹਾ। ਪਰ ਪੁਲਸ ਵਲੋਂ ਉਸ ਦੀ ਇਕ ਨਾ ਸੁਣੀ ਗਈ ਅਤੇ ਉਸ ਦਾ ਚਲਾਨ ਕੱਟ ਕੇ ਉਸ ਦੇ ਹੱਥ ਫੜਾਇਆ।

Read this: ਗਵਰਨਰ ਹਾਊਸ ਦਾ ਘਿਰਾਓ ਕਰਨ ਲਈ ਕਿਸਾਨਾਂ ਦਾ ਵੱਡਾ ਕਾਫਲਾ ਚੰਡੀਗੜ੍ਹ ਲਈ ਹੋਇਆ ਰਵਾਨਾ

ਇਸ ਵਿਚਕਾਰ ਅਜਿਹਾ ਹੀ ਮਾਮਲਾ ਖੰਨਾ ਤੋਂ ਸਾਹਮਣੇ ਆਇਆ ਹੈ ਜਿਥੇ ਨੋ ਪਾਰਕਿੰਗ ਜੋਨ 'ਚ ਕਾਰ ਖੜ੍ਹੀ ਕਰਨ ਨੂੰ ਲੈ ਕੇ ਇੱਕ ਨੌਜਵਾਨ ਨੇ ਹੰਗਾਮਾ ਖੜ੍ਹਾ ਕਰ ਦਿੱਤਾ ਅਤੇ  ਉਹ ਨੌਜਵਾਨ ਕਈ ਲੋਕਾਂ ਦੇ ਨਾਂਅ ਲੈ ਕੇ ਪੁਲਸ ਨੂੰ ਦਬਕਾ ਮਾਰਨ ਲੱਗ ਪਿਆ। ਇਸ ਦੌਰਾਨ ਉਸ ਨੇ ਮੋਬਾਇਲ ਰਾਹੀਂ ਪੁਲਸ ਵਾਲਿਆਂ ਦੀ ਫੋਟੋ ਵੀ ਖਿੱਚ ਕੇ ਡਰਾਉਣ ਦੀ ਕੋਸ਼ਿਸ਼ ਕੀਤੀ।  ਕਰੀਬ 15 ਮਿੰਟ ਚੱਲੇ ਇਸ ਹੰਗਾਮੇ ਦੇ ਦੌਰਾਨ ਮਾਸੂਮ ਬੱਚਾ ਗਰਮੀ ਵਿਚਕਾਰ ਕਾਰ ਅੰਦਰ ਇਕੱਲਾ ਹੀ ਬੈਠਾ ਰਿਹਾ। ਇਸ ਬਾਰੇ ਨਾ ਤਾਂ ਪੁਲਸ ਅਤੇ ਨਾ ਹੀ ਪਰਿਵਾਰ ਵਾਲਿਆਂ ਨੇ ਸੋਚਿਆ। 

ਜਾਣਕਾਰੀ ਦੇ ਅਨੁਸਾਰ ਇੱਕ ਨੌਜਵਾਨ ਆਪਣੀ ਮਾਂ ਦੇ ਨਾਲ ਮੰਡੀ ਗੋਬਿੰਦਗੜ੍ਹ ਤੋਂ ਖੰਨਾ ਆਇਆ ਸੀ। ਉਹਨਾਂ ਦੇ ਨਾਲ ਮਾਸੂਮ ਬੱਚਾ ਵੀ ਸੀ। ਇਹ ਨੌਜਵਾਨ ਨੋ ਪਾਰਕਿੰਗ ਜੋਨ ਚ ਕਾਰ ਖੜ੍ਹੀ ਕਰਕੇ ਬੈਠਾ ਸੀ ਅਤੇ ਮਾਂ ਬਾਜਾਰ ਚਲੀ ਗਈ ਸੀ। ਇਸ ਦੌਰਾਨ ਟ੍ਰੈਫਿਕ ਪੁਲਸ ਨੇ ਆ ਕੇ ਕਾਰ ਦਾ ਚਾਲਾਨ ਕਰਨ ਲਈ ਕਾਗਜਾਤ ਮੰਗੇ ਤਾਂ ਪਹਿਲਾਂ ਇਹ ਨੌਜਵਾਨ ਕਰੀਬ ਅੱਧਾ ਘੰਟਾ ਤੱਕ ਪੁਲਸ ਦੇ ਨਾਲ ਬਹਿਸ ਕਰਦਾ ਰਿਹਾ ਅਤੇ ਕਾਰ ਚੋਂ ਬਾਹਰ ਨਹੀਂ ਆਇਆ।

Read this- ਸਾਬਕਾ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਅੱਜ ਹੋਣਗੇ ਸਿਟ ਸਾਹਮਣੇ ਪੇਸ਼

ਇਹ ਨੌਜਵਾਨ ਮੋਬਾਇਲ ਨਾਲ ਫੋਟੋਆਂ ਕਰਨ ਲੱਗਾ ਤਾਂ ਇਸਨੂੰ ਲੈ ਕੇ ਪੁਲਸ ਨਾਲ ਨੌਜਵਾਨ ਦੀ ਬਹਿਸ ਵੀ ਹੋਈ। ਇਸ ਦੌਰਾਨ ਨੌਜਵਾਨ ਦੀ ਮਾਂ ਵੀ ਉਥੇ ਆ ਗਈ ਤਾਂ ਪੁਲਸ ਨੇ ਨੌਜਵਾਨ ਨੂੰ ਤਸਵੀਰਾਂ ਡਿਲੀਟ ਕਰਨ ਨੂੰ ਕਿਹਾ। ਇਸਨੂੰ ਲੈ ਕੇ ਕਾਫੀ ਨੋਕ ਝੋਕ ਹੋਈ। ਆਖਰ ਪੁਲਿਸ ਨੇ ਚਾਲਾਨ ਕੱਟ ਕੇ ਨੌਜਵਾਨ ਦੇ ਹੱਥ ਫੜ੍ਹਾ ਦਿੱਤਾ।