ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:- ਪੰਜਾਬ ਸਰਕਾਰ ਨੇ ਪੰਜਾਬ ਵਿੱਚੋਂ ਗੈਂਗਸਟਰਾਂ ਦੀ ਦਹਿਸ਼ਤ ਨੂੰ ਖਤਮ ਕਰਨ ਵਿੱਚ ਕਾਫੀ ਸਫਲਤਾ ਹਾਸਿਲ ਹੋਈ ਹੈ। ਪੰਜਾਬ ਪੁਲਿਸ ਦੇ ਨੱਕ ਵਿੱਚ ਦਮ ਕਰਨ ਵਾਲੇ ਗੈਂਗਸਟਰਾਂ ਦੇ ਖਿਲਾਫ ਪੁਲਿਸ ਦੀ ਕਾਰਵਾਈ ਨੂੰ ਕਾਫੀ ਸਫਲਤਾ ਹਾਸਿਲ ਹੋਈ ਹੈ। ਇਹਨਾਂ ਗੈਂਗਸਟਰਾੰ ਵਿੱਚੋਂ ਜੇਕਰ ਗੱਲ ਕਰੀਏ ਵਿੱਕੀ ਗੌਂਡਰ ਦੀ ਤਾਂ ਪੰਜਾਬ ਵਿੱਚ ਵਿੱਕੀ ਗੌਂਡਰ ਨੇ ਆਪਣੀ ਦਹਿਸ਼ਤ ਫੈਲਾਈ ਹੋਈ ਸੀ। ਪੰਜਾਬ ਸਰਕਾਰ ਨੇ ਇਸਨੂੰ ਐਨਾਕਾਉਂਟਰ ਵਿੱਚ ਹਲਾਕ ਕਰਨ ਦੀ ਸਫਲਤਾ ਹਾਸਿਲ ਕੀਤੀ ਸੀ। ਜਿਵੇਂ ਕੀ ਤੁਹਾਨੂੰ ਪਤਾ ਹੀ ਸਾਲ 2018 ਦਾ ਅੱਜ ਆਖਰੀ ਦਿਨ ਹੈ। ਇਸ ਸਾਲ ਵਿੱਚ ਕਈ ਗੈਂਗਸਟਰਾਂ ਨੂੰ ਹਲਾਕ ਕੀਤਾ ਗਿਆ ਹੈ ਤੇ ਕਈ ਗੈਂਗਸਟਰਾਂ ਨੇ ਪੁਲਿਸ ਦੀ ਗੋਲੀ ਤੋਂ ਬੱਚਣ ਲਈ ਆਪਣਾ ਆਤਮਸਮਰਪਣ ਕੀਤਾ। ਆਉ ਤੁਹਾਨੂੰ ਇਹਨਾਂ ਗੈਂਗਸਟਰਾਂ ਬਾਰੇ ਦੱਸਦੇ ਹਾ ਜਿਹਨਾਂ ਨੂੰ ਮੌਤ ਦੇ ਘਾਟ ਉਤਾਰਿਆ ਗਿਆ ਤੇ ਜਿਹਨਾਂ ਦੀ ਦਹਿਸ਼ਤ ਨੂੰ ਖਤਮ ਕੀਤੀ ਗਈ।
ਵਿੱਕੀ ਗੌਂਡਰ
ਸਾਲ 2018 ਦੇ ਸੁਰੂਆਤੀ ਦਿਨਾਂ ਵਿੱਚ ਹੀ ਵਿੱਕੀ ਗੌਂਡਰ ਨੂੰ 26 ਜਨਵਰੀ ਵਾਲੇ ਦਿਨ ਹਲਾਕ ਕਰ ਦਿੱਤਾ ਸੀ। ਗੈਂਗਸਟਰ ਵਿੱਕੀ ਗੌਡਰ ਦੇ ਨਾਲ ਹੀ ਉਸਦੇ ਸਾਥੀ ਪ੍ਰੇਮਾ ਲਾਹੋਰਿਆ ਨੂੰ ਮਾਰ ਗਿਰਾਇਆ ਸੀ।
ਦੱਸ ਦਈਏ ਕਿ ਵਿੱਕੀ ਗੌਂਡਰ ਦੀ ਤਲਾਸ਼ ਪੁਲਿਸ ਨੂੰ ਕਾਫੀ ਸਮੇਂ ਤੋ ਸੀ ਵਿੱਕੀ ਗੌਂਡਰ ਨੇ ਪੰਜਾਬ ਪੁਲਿਸ ਦੀ ਨੱਕ ਵਿੱਚ ਦਮ ਕੀਤਾ ਹੋਇਆ ਸੀ ਤੇ ਨਾਭਾ ਜੇਲ ਬ੍ਰੇਕ ਕਾਂਡ ਦਾ ਮਾਸਟਰ ਮਾਇਡ ਸੀ। ਗੈਂਗਸਟਰ ਵਿੱਕੀ ਗੌਂਡਰ ਨੂੰ ਰਾਜਸਥਾਨ ਵਿੱਚ ਐਨਕਾਉਂਟਰ ਦੌਰਾਨ ਮਾਰ ਗਿਰਾਇਆ ਸੀ।
ਪ੍ਰੇਮਾ ਲਾਹੋਰਿਆ
ਗੈਂਗਸਟਰ ਵਿੱਕੀ ਗੌਂਡਰ ਦੇ ਸਾਥੀ ਪ੍ਰੇਮਾ ਲਾਹੋਰਿਆ ਨੂੰ ਵਿੱਕੀ ਗੌਂਡਰ ਦੇ ਨਾਲ ਹੀ ਮਾਰ ਗਿਰਾਇਆ ਸੀ।
ਗੈਂਗਸਟਰ ਹੈਰੀ ਚੀਮਾ
ਗੈਂਗਸਟਰ ਹੈਰੀ ਚੀਮਾ ਦੀ ਪੁਲਿਸ ਨੂੰ ਕਾਫੀ ਸਮੇਂ ਤੋ ਤਲਾਸ਼ ਸੀ। ਹੈਰੀ ਚੀਮਾ ਤੇ ਇਕ ਲੜਕੀ ਦੇ ਨਾਲ ਬਲਾਤਕਾਰ ਕਰਨ ਦਾ ਵੀ ਆਰੋਪ ਸੀ।
ਪੁਲਿਸ ਦੀ ਗੋਲੀ ਤੋਂ ਬੱਚਣ ਦੇ ਲਈ 4 ਮੰਜਿਲ ਤੋਂ ਛਾਲ ਮਾਰ ਦਿੱਤੀ ਸੀ ਜਿਸ ਕਾਰਨ ਉਸਦੀ ਹਸਪਤਾਲ ਵਿੱਚ ਮੌਤ ਹੋ ਗਈ।
ਜਿਕਰ-ਏ-ਖਾਸ ਹੈ ਕਿ ਵਿੱਕੀ ਗੌਂਡਰ ਹੋਵੇ ਜਾਂ ਫਿਰ ਹੈਰੀ ਚੀਮਾ ਕੋਈ ਵੀ ਪੁਲਿਸ ਦੇ ਸ਼ਿਕੰਜੇ ਕਾਫੀ ਸਮੇਂ ਤੱਕ ਬਚ ਨਹੀਂ ਸਕਿਆ ਹੈ। ਪੁਲਿਸ ਦੇ ਹੱਥੇ ਵੀ ਚੜੇ ਹਨ।
ਦਿਲਪ੍ਰੀਤ ਬਾਬਾ
ਗੈਂਗਸਟਰ ਦਿਲਪ੍ਰੀਤ ਬਾਬਾ ਆਪਣਾ ਭੇਸ ਬਦਲ ਕੇ ਚੰਡੀਗੜ੍ਹ ਵਿੱਚ ਰਹਿ ਰਿਹਾ ਸੀ। ਪੁਲਿਸ ਨੂੰ ਇਸਦੀ ਕਾਫੀ ਸਮੇਂ ਤੋ ਤਲਾਸ਼ ਸੀ ਜਿਸ ਕਾਰਨ ਪੁਲਿਸ ਇਸਦੀ ਤਲਾਸ਼ ਹਰ ਥਾਂ ਤੇ ਕਰ ਰਹੀ ਸੀ।
9 ਜੁਲਾਈ 2018 ਵਿੱਚ ਪੁਲਿਸ ਨਾਲ ਮੁਠਭੇੜ ਦੇ ਦੌਰਾਨ ਉਸਦੇ ਪੈਰ ਵਿੱਚ ਗੋਲੀ ਲੱਗ ਗਈ ਸੀ ਜਿਸ ਤੋਂ ਬਾਅਦ ਉਹ ਪੁਲਿਸ ਦੇ ਕਬਜੇ ਵਿੱਚ ਆ ਗਿਆ ਸੀ। ਫਿਲਹਾਲ ਉਹ ਪੁਲਿਸ ਦੇ ਕਬਜੇ ਵਿੱਚ ਹੀ ਹੈ।
ਸਾਰਜ ਮਿਟੂੰ
6 ਮਾਰਚ 2018 ਨੂੰ ਪੁਲਿਸ ਨੇ ਕਾਫੀ ਸਮੇਂ ਦੀ ਪਰੇਸ਼ਾਨੀ ਝਲਦੇ ਹੋਏ ਗ੍ਰਿਫਤਾਰ ਕੀਤਾ ਸੀ। ਦੱਸ ਦਈਏ ਕਿ ਸਾਰਜ ਮਿਟੂੰ ਨੇ ਵਿਪਨ ਸ਼ਰਮਾ ਦੀ ਹੱਤਿਆ ਕੀਤੀ ਸੀ।
ਰਵੀ ਦਿਉਲ
ਗੈਂਗਸਟਰ ਵਿੱਕੀ ਗੌਂਡਰ ਦੀ ਮੌਤ ਤੋਂ ਬਾਅਦ ਗੈਂਗਸਟਰ ਰਵੀ ਦਿਉਲ ਨੇ ਆਪਣਾ ਆਤਮ ਸਮਰਪਣ ਕਰ ਦਿੱਤਾ ਸੀ।
ਕੁਲਪ੍ਰੀਤ ਸਿੰਘ ਨੀਟਾ ਦਿਉਲ
ਗੈਂਗਸਟਰ ਕੁਲਪ੍ਰੀਤ ਸਿੰਘ ਨੀਟਾ ਦਿਉਲ ਨਾਭਾ ਜੇਲ ਬ੍ਰੇਕ ਕਾਂਡ ਤੋਂ ਫਰਾਰ ਸੀ। 17 ਜਨਵਰੀ 2017 ਵਿੱਚ ਇਸਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ।







