ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੀਰਵਾਰ ਨੂੰ ਪੂਰੇ ਰੌਬ ‘ਚ ਸੀ। ਮੌਕਾ ਸੀ, ਸੰਸਦ ‘ਚ ਰਾਸ਼ਟਰਪਤੀ ਦੇ ਸੰਬੋਧਨ ਦਾ ਜੁਆਬ ਦੇਣ ਦਾ। ਲੋਕ ਸਭਾ ਵਿੱਚ ਮੋਦੀ ਦੇ ਸੰਬੋਧਨ ਦੇ 35 ਵੇਂ ਮਿੰਟ ਵਿੱਚ ਰਾਹੁਲ ਗਾਂਧੀ ਦਾ ਜ਼ਿਕਰ ਕੀਤਾ ਗਿਆ। ਪ੍ਰਧਾਨ ਮੰਤਰੀ ਨੇ ਰਾਹੁਲ ਦਾ ਨਾਮ ਲਏ ਬਿਨਾਂ ਕਿਹਾ, ਮੇਰੇ ਬਾਰੇ ਕਿਹਾ ਗਿਆ ਹੈ ਕਿ, ਛੇ ਮਹੀਨਿਆਂ ਵਿੱਚ ਮੈਨੂੰ ਡੰਡੇ ਮਾਰੇ ਜਾਣਗੇ। ਮੈਂ ਵੀ ਦ੍ਰਿੜ ਹਾਂ ਜੇ ਮੈਨੂੰ ਛੇ ਮਹੀਨਿਆਂ ਦਾ ਸਮਾਂ ਮਿਲ ਗਿਆ ਹੈ, ਤਾਂ ਮੈਂ ਸੂਰਿਆ ਨਮਸਕਾਰ ਦੀ ਗਿਣਤੀ ਵੀ ਵਧਾਵਾਂਗਾ। ਉਦੋਂ ਡੰਡਿਆਂ ਦਾ ਮੇਰੀ ਪਿੱਠ ‘ਤੇ ਕੋਈ ਅਸਰ ਨਹੀਂ ਹੋਵੇਗਾ।
ਇਸ ਤੋਂ ਬਾਅਦ ਸਦਨ ਵਿੱਚ ਹੰਗਾਮਾ ਸ਼ੁਰੂ ਹੋ ਗਿਆ। ਰਾਹੁਲ ਗਾਂਧੀ ਨੇ ਕੁਝ ਕਹਿਣ ਦੀ ਕੋਸ਼ਿਸ਼ ਕੀਤੀ। ਨਾਲ ਹੀ, ਉਹ ਪ੍ਰਧਾਨ ਮੰਤਰੀ ਨੂੰ ਇਸ਼ਾਰਾ ਕਰਕੇ ਕੁਝ ਸਪੱਸ਼ਟੀਕਰਨ ਦੇਣ ਦੀ ਕੋਸ਼ਿਸ਼ ਕਰ ਰਹੇ ਸੀ। ਉਦੋਂ ਹੀ ਨਰਿੰਦਰ ਮੋਦੀ ਨੇ ਮਾਨਯੋਗ ਰਾਸ਼ਟਰਪਤੀ ਨੂੰ ਕਿਹਾ, ਮੈਂ 30-40 ਮਿੰਟ ਲਈ ਬੋਲ ਰਿਹਾ ਸੀ ਪਰ ਕਰੰਟ ਉੱਥੇ ਪਹੁੰਚਣ ਵਿੱਚ ਬਹੁਤ ਸਮਾਂ ਲੱਗਿਆ।
ਦਰਅਸਲ, ਨਰਿੰਦਰ ਮੋਦੀ ਦੇ ਸੰਬੋਧਨ ਦੀ ਸ਼ੁਰੂਆਤ ਹਾਸਿਆਂ ਅਤੇ ਹਫੜਾ-ਦਫੜੀ ਨਾਲ ਹੋਈ। ਪ੍ਰਧਾਨ ਮੰਤਰੀ ਮਹਾਤਮਾ ਗਾਂਧੀ ਦਾ ਜ਼ਿਕਰ ਕਰ ਰਹੇ ਸਨ। ਵਿਰੋਧੀ ਧਿਰ ਦੇ ਕੁਝ ਮੈਂਬਰਾਂ ਨੇ ਟਿੱਪਣੀ ‘ਤੇ ਟਿੱਪਣੀ ਕੀਤੀ। ਇਸ ‘ਤੇ, ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ, ਹਾਂਜੀ ਗਾਂਧੀ ਤੁਹਾਡੇ ਲਈ ਗਾਂਧੀ ਟ੍ਰੇਲਰ ਹੈ, ਸਾਡੇ ਲਈ ਤਾਂ ਜ਼ਿੰਦਗੀ ਹੈ। ਰਾਹੁਲ ਗਾਂਧੀ ‘ਤੇ, ਸਾਧੇ ਪੀਐਮ ਮੋਦੀ ਦੇ ਸ਼ਬਦਾ ਦੇ ਵਾਰ ਤੋਂ ਸੰਸਦ ‘ਚ ਹਾਸਾ ਗੂੰਜ ਗਿਆ। ਦੱਸ ਦਈਏ ਰਾਹੁਲ ਗਾਂਧੀ ਨੇ ਬੁੱਧਵਾਰ ਨੂੰ ਪ੍ਰਧਾਨ ਮੰਤਰੀ ਮੋਦੀ ਲਈ ਅਸ਼ਲੀਲ ਭਾਸ਼ਾ ਦੀ ਵਰਤੋਂ ਕੀਤੀ ਸੀ।
ਰਾਹੁਲ ਨੇ ਕੀ ਕਿਹਾ?
ਬੁਧਵਾਰ ਨੂੰ ਦਿੱਲੀ ‘ਚ ਕੀਤੀ ਇੱਕ ਚੋਣ ਰੈਲੀ ਵਿੱਚ, ਰਾਹੁਲ ਗਾਂਧੀ ਨੇ ਕਿਹਾ ਸੀ ਕਿ, ਨੌਜਵਾਨ ਇੰਨੇ ਨਾਰਾਜ਼ ਹਨ ਕਿ, ਛੇ ਮਹੀਨਿਆਂ ਵਿੱਚ ਮੋਦੀ ਦੇ ਡੰਡੇ ਪੈ ਜਾਣਗੇ। ਹੌਜ਼ ਕਾਜੀ ਵਿੱਚ ਉਨ੍ਹਾਂ ਦਾ ਭਾਸ਼ਣ ਅਜਿਹਾ ਸੀ ਕਿ, ਉਨ੍ਹਾਂ ਨੇ ਪ੍ਰਧਾਨ ਮੰਤਰੀ ਮੋਦੀ ਬਾਰੇ ਬਹੁਤ ਹੀ ਇਤਰਾਜ਼ਯੋਗ ਗੱਲ ਕਹੀ ਸੀ।
ਰੁਜ਼ਗਾਰ ਦੇ ਮੁੱਦੇ ‘ਤੇ ਕੇਂਦਰ ਸਰਕਾਰ ਦਾ ਘਿਰਾਓ ਕਰਦੇ ਹੋਏ ਬੁੱਧਵਾਰ ਨੂੰ ਰਾਹੁਲ ਆਪਣਾ ਫੈਸਲਾ ਭੁੱਲ ਗਏ ਅਤੇ ਕਿਹਾ,’ ਇਹ ਨਰਿੰਦਰ ਮੋਦੀ ਭਾਸ਼ਣ ਦੇ ਰਹੇ ਹਨ, 6 ਮਹੀਨਿਆਂ ਬਾਅਦ ਉਹ ਸਦਨ ਤੋਂ ਬਾਹਰ ਨਹੀਂ ਆ ਸਕਣਗੇ। ਭਾਰਤ ਦੇ ਨੌਜਵਾਨ ਅਜਿਹੇ ਡੰਡੇ ਮਾਰਣਗੇ ਕਿ, ਉਨ੍ਹਾਂ ਨੂੰ ਸਮਝ ਆਜੇਗਾ ਕਿ, ਦੇਸ਼ ਦੇ ਨੌਜਵਾਨਾਂ ਨੂੰ ਰੁਜ਼ਗਾਰ ਦਿੱਤੇ ਬਗੈਰ ਦੇਸ਼ ਅੱਗੇ ਨਹੀਂ ਵੱਧ ਸਕਦਾ।