ਜੈਕ ਡੋਰਸੀ ਦੇ ਅਸਤੀਫੇ ਤੋਂ ਬਾਅਦ ਪਰਾਗ ਅਗਰਵਾਲ ਨੂੰ ਨਿਯੁਕਤ ਕੀਤਾ ਗਿਆ ਟਵਿੱਟਰ ਦਾ ਨਵਾਂ CEO

ਨਵੀਂ ਦਿੱਲੀ : ਟਵਿੱਟਰ ਦੇ ਸਹਿ-ਸੰਸਥਾਪਕ ਜੈਕ ਡੋਰਸੀ (Jack Dorsey) ਨੇ ਬੀਤੇ ਦਿਨ ਟਵੀਟ ਕਰਕੇ ਜਾਣਕਾਰੀ ਦਿੱਤੀ ਕਿ ਉਨ੍ਹਾਂ ਨੇ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਇਸ ਦੇ ਨਾਲ ਹੀ ਭਾਰਤੀ ਮੂਲ ਦੇ ਪਰਾਗ ਅਗਰਵਾਲ (Prag Aggarwal) ਨੇ ਉਨ੍ਹਾਂ ਦੀ ਜਗ੍ਹਾ ਲਈ ਹੈ। ਪਰਾਗ ਅਗਰਵਾਲ ਨੂੰ ਸੀਈਓ (CEO) ਦੇ ਅਹੁਦੇ ਲਈ ਨਿਯੁਕਤ ਕੀਤਾ ਗਿਆ ਹੈ।

Also Read : ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ ਜਾਰੀ, ਜਾਣੋ ਆਪਣੇ ਸ਼ਹਿਰ 'ਚ ਅੱਜ ਦੇ ਨਵੇਂ ਰੇਟ

ਤੁਹਾਨੂੰ ਦੱਸ ਦੇਈਏ ਕਿ ਪਰਾਗ ਅਗਰਵਾਲ (Prag Aggarwal) ਨੇ ਹੁਣ ਆਪਣੇ ਟਵਿੱਟਰ ਅਕਾਊਂਟ ਦਾ ਬਾਇਓ ਅਪਡੇਟ ਕੀਤਾ ਹੈ ਅਤੇ ਖੁਦ ਨੂੰ ਕੰਪਨੀ ਦਾ ਸੀਈਓ ਐਲਾਨ ਦਿੱਤਾ ਹੈ। ਦਰਅਸਲ, ਜੈਕ ਡੋਰਸੀ (Jack Dorsey) ਨੇ ਪਿਛਲੇ ਦਿਨ ਟਵੀਟ ਕੀਤਾ, 'ਮੈਨੂੰ ਨਹੀਂ ਪਤਾ ਕਿ ਕਿਸੇ ਨੇ ਸੁਣਿਆ ਹੈ ਜਾਂ ਨਹੀਂ, ਪਰ ਮੈਂ ਟਵਿਟਰ ਤੋਂ ਅਸਤੀਫਾ ਦੇ ਦਿੱਤਾ ਹੈ।' ਜੈਕ ਦਾ ਅਹੁਦਾ ਹੁਣ ਭਾਰਤੀ ਅਮਰੀਕੀ ਪਰਾਗ ਅਗਰਵਾਲ ਸੰਭਾਲਣਗੇ।

Also Read : CM ਚੰਨੀ ਨੇ ਸਿੱਖਿਆ ਅਤੇ ਸਿਹਤ ਵਿਭਾਗ 'ਚ ਖਾਲੀ ਅਸਾਮੀਆਂ ਨੂੰ ਲੈ ਕੇ ਲਿਆ ਵੱਡਾ ਫੈਸਲਾ

ਜੈਕ ਡੋਰਸੀ ਨੇ ਪਰਾਗ ਅਗਰਵਾਲ ਦੀ ਸ਼ਲਾਘਾ ਕੀਤੀ

ਜੈਕ ਡੋਰਸੀ ਨੇ ਪਰਾਗ ਅਗਰਵਾਲ (Prag Aggarwal) ਦੀ ਤਾਰੀਫ ਕਰਦੇ ਹੋਏ ਟਵੀਟ ਕੀਤਾ ਕਿ ਟਵਿਟਰ ਦੇ ਸੀਈਓ ਹੋਣ ਦੇ ਨਾਤੇ ਮੈਨੂੰ ਪਰਾਗ 'ਤੇ ਡੂੰਘਾ ਵਿਸ਼ਵਾਸ ਹੈ। ਪਿਛਲੇ 10 ਸਾਲਾਂ ਵਿੱਚ ਉਸਦਾ ਕੰਮ ਸ਼ਾਨਦਾਰ ਰਿਹਾ ਹੈ। ਮੈਂ ਉਸਦੇ ਹੁਨਰ, ਦਿਲ ਅਤੇ ਸ਼ਖਸੀਅਤ ਲਈ ਬਹੁਤ ਧੰਨਵਾਦੀ ਹਾਂ। ਇਹ ਉਨ੍ਹਾਂ ਲਈ ਅਗਵਾਈ ਕਰਨ ਦਾ ਸਮਾਂ ਹੈ। ਡੋਰਸੀ ਦੇ ਅਨੁਸਾਰ, ਪਰਾਗ ਅਗਰਵਾਲ (Prag Aggarwal) ਨੇ ਟਵਿੱਟਰ ਵਿੱਚ ਇੱਕ ਇੰਜੀਨੀਅਰ ਵਜੋਂ ਆਪਣਾ ਕਰੀਅਰ ਸ਼ੁਰੂ ਕੀਤਾ ਸੀ ਅਤੇ ਹੁਣ ਸੀਈਓ ਵਜੋਂ ਅਹੁਦਾ ਸੰਭਾਲਣ ਜਾ ਰਿਹਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸੀਈਓ ਬਣਨ ਤੋਂ ਪਹਿਲਾਂ ਅਗਰਵਾਲ ਟਵਿਟਰ ਦੇ ਸੀਟੀਓ (CEO) ਸਨ।

ਮੈਂ ਬਹੁਤ ਉਤਸ਼ਾਹਿਤ ਹਾਂ - ਪਰਾਗ ਅਗਰਵਾਲ

ਇਸ ਦੇ ਨਾਲ ਹੀ ਟਵਿਟਰ ਦੇ ਸੀਈਓ (CEO) ਬਣੇ ਪਰਾਗ ਅਗਰਵਾਲ  (Prag Aggarwal) ਨੇ ਟਵੀਟ ਕੀਤਾ, 'ਜੈਕ ਡੋਰਸੀ  (Jack Dorsey) ਅਤੇ ਸਾਡੀ ਪੂਰੀ ਟੀਮ ਦਾ ਧੰਨਵਾਦ ਅਤੇ ਕੱਲ੍ਹ ਲਈ ਬਹੁਤ ਉਤਸ਼ਾਹਿਤ ਹਾਂ। ਇਹ ਉਹ ਨੋਟ ਹੈ ਜੋ ਮੈਂ ਕੰਪਨੀ ਨੂੰ ਭੇਜਿਆ ਸੀ। ਤੁਹਾਡੇ ਭਰੋਸੇ ਅਤੇ ਸਮਰਥਨ ਲਈ ਸਭ ਦਾ ਧੰਨਵਾਦ। ਤੁਹਾਨੂੰ ਦੱਸ ਦੇਈਏ ਕਿ 45 ਸਾਲਾ ਜੈਕ ਡੋਰਸੀ ਇਨ੍ਹੀਂ ਦਿਨੀਂ ਕ੍ਰਿਪਟੋਕਰੰਸੀ 'ਚ ਕਾਫੀ ਦਿਲਚਸਪੀ ਦਿਖਾ ਰਹੇ ਹਨ। ਉਸ ਨੇ ਆਪਣੇ ਟਵਿੱਟਰ 'ਤੇ ਬਿਟਕੁਆਇਨ ਦੇ ਹੈਸ਼ਟੈਗ ਦੀ ਵਰਤੋਂ ਕੀਤੀ ਹੈ। ਡੋਰਸੀ ਟਵਿੱਟਰ ਦੇ ਨਾਲ-ਨਾਲ ਪੇਮੈਂਟ ਕੰਪਨੀ ਸਕੁਏਅਰ ਇੰਕ ਦੇ ਵੀ  CEO ਹਨ, ਜੋ ਪਿਛਲੇ ਸਾਲ ਵਿਵਾਦਾਂ ਵਿੱਚ ਘਿਰ ਗਈ ਸੀ।