Omicron ਵੇਰੀਐਂਟ ਨੇ ਹੁਣ ਤੱਕ 23 ਦੇਸ਼ਾਂ 'ਚ ਦਿੱਤੀ ਦਸਤਕ, ਜਾਣੋ ਭਾਰਤ ਦੀ ਸਥਿਤੀ

ਨਵੀਂ ਦਿੱਲੀ : ਕੋਰੋਨਾ ਦੇ ਨਵੇਂ ਵੇਰੀਐਂਟ ਓਮੀਕ੍ਰੋਨ (Omicron) ਦੀ ਦਸਤਕ ਨੇ ਦੁਨੀਆ ਨੂੰ ਚਿੰਤਤ ਕਰ ਦਿੱਤਾ ਹੈ। ਕੋਰੋਨਾ ਦਾ ਇਹ ਰੂਪ ਹੁਣ ਤੱਕ 23 ਦੇਸ਼ਾਂ ਵਿੱਚ ਫੈਲ ਚੁੱਕਾ ਹੈ। ਇਸ ਵਿੱਚ ਅਮਰੀਕਾ ਵੀ ਸ਼ਾਮਲ ਹੈ। ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਅਮਰੀਕਾ ਦੇ ਕੈਲੀਫੋਰਨੀਆ ਵਿੱਚ ਓਮੀਕ੍ਰੋਨ ਨਾਲ ਸੰਕਰਮਿਤ ਵਿਅਕਤੀ ਨੇ ਕੋਵਿਡ ਵੈਕਸੀਨ (Corona Vaccine) ਦੀਆਂ ਦੋਵੇਂ ਖੁਰਾਕਾਂ ਲਈਆਂ ਸਨ। ਵਿਸ਼ਵ ਸਿਹਤ ਸੰਗਠਨ ਦੇ ਮੁਖੀ ਟੇਡਰੋਸ ਅਡਾਨੋਮ ਘੇਬਰੇਅਸਸ (Tedros adanome Ghebreasus) ਨੇ ਬੁੱਧਵਾਰ ਨੂੰ ਕਿਹਾ ਕਿ 23 ਦੇਸ਼ਾਂ ਵਿੱਚ ਕੋਰੋਨਾ ਦੇ ਨਵੇਂ ਰੂਪ ਸਾਹਮਣੇ ਆਏ ਹਨ। ਮਾਮਲਿਆਂ ਦੇ ਵਧਣ ਨਾਲ ਇਨ੍ਹਾਂ ਦੇਸ਼ਾਂ ਦੀ ਗਿਣਤੀ ਹੁਣ ਵਧ ਸਕਦੀ ਹੈ।

ਇੰਨ੍ਹਾਂ ਦੇਸ਼ਾ 'ਚ ਫੈਲਿਆ ਓਮੀਕ੍ਰੋਨ ਵੈਰੀਐਂਟ 

ਕੋਰੋਨਾ ਦਾ ਨਵਾਂ ਰੂਪ ਬਹੁਤ ਜ਼ਿਆਦਾ ਛੂਤਕਾਰੀ ਦੱਸਿਆ ਜਾ ਰਿਹਾ ਹੈ। ਇਹ ਪਹਿਲੀ ਵਾਰ ਨਵੰਬਰ ਵਿੱਚ ਅਫਰੀਕਾ ਵਿੱਚ ਪ੍ਰਗਟ ਹੋਇਆ ਸੀ। ਹੁਣ ਤੱਕ 23 ਦੇਸ਼ਾਂ ਵਿੱਚ ਇਸਦੀ ਪੁਸ਼ਟੀ ਹੋ ​​ਚੁੱਕੀ ਹੈ। ਆਓ ਜਾਣਦੇ ਹਾਂ, ਜਿੱਥੇ ਕਈ ਮਾਮਲੇ ਸਾਹਮਣੇ ਆਏ ਹਨ।

ਦੇਸ਼                          ਓਮੀਕ੍ਰੋਨ ਦੇ ਮਾਮਲੇ 
ਅਮਰੀਕਾ                      1 ਕੇਸ
ਆਸਟ੍ਰੇਲੀਆ                  7 ਕੇਸ
ਆਸਟਰੀਆ                   1 ਕੇਸ
ਬੈਲਜੀਅਮ                     1 ਕੇਸ
ਬੋਤਸਵਾਨਾ                     19 ਕੇਸ
ਬ੍ਰਾਜ਼ੀਲ                         2 ਕੇਸ
ਕੈਨੇਡਾ                          6 ਕੇਸ
ਚੈੱਕ ਰਿਪਬਲਿਕ              1 ਕੇਸ
ਡੈਨਮਾਰਕ                     4 ਕੇਸ
ਫ੍ਰਾਂਸ                            1 ਕੇਸ
ਜਰਮਨੀ                        9 ਕੇਸ
ਹਾਂਗ ਕਾਂਗ                    4 ਕੇਸ
ਇਸਰਾਏਲ                    4 ਕੇਸ
ਇਟਲੀ                        9 ਕੇਸ
ਜਪਾਨ                         2 ਕੇਸ
ਨੀਦਰਲੈਂਡ                   16 ਕੇਸ
ਨਾਈਜੀਰੀਆ                 3 ਕੇਸ
ਨਾਰਵੇ                         3 ਕੇਸ
ਪੁਰਤਗਾਲ                   13 ਕੇਸ
ਸਾਊਦੀ ਅਰਬ               1 ਕੇਸ
ਸਪੇਨ                          2 ਕੇਸ
ਦੱਖਣੀ ਅਫਰੀਕਾ            77 ਕੇਸ
ਸਵੀਡਨ                      3 ਕੇਸ
ਯੂਕੇ                           22 ਕੇਸ

ਅਮਰੀਕਾ 'ਚ ਵੀ ਸਾਹਮਣੇ ਆਏ ਮਾਮਲੇ

ਓਮੀਕ੍ਰੋਨ  (Omicron) ਦਾ ਪਹਿਲਾ ਮਾਮਲਾ ਅਮਰੀਕਾ ਵਿੱਚ ਵੀ ਸਾਹਮਣੇ ਆਇਆ ਹੈ। ਇੱਥੇ ਕੈਲੀਫੋਰਨੀਆ ਵਿੱਚ ਪਹਿਲਾ ਮਾਮਲਾ ਸਾਹਮਣੇ ਆਇਆ ਹੈ। ਇਹ ਵਿਅਕਤੀ ਕੋਰੋਨਾ ਵੈਕਸੀਨ ਦੀਆਂ ਦੋਵੇਂ ਖੁਰਾਕਾਂ ਲੈਣ ਦੇ ਬਾਵਜੂਦ ਸੰਕਰਮਿਤ ਹੋਇਆ ਹੈ। ਹਾਲਾਂਕਿ, ਉਸਦੇ ਹਲਕੇ ਲੱਛਣ ਹਨ ਅਤੇ ਹੁਣ ਉਹ ਠੀਕ ਹੋ ਰਿਹਾ ਹੈ।

ਭਾਰਤ 'ਚ ਅਜੇ ਨਹੀਂ ਹੋਈ ਪੁਸ਼ਟੀ  

ਭਾਰਤ ਵਿੱਚ ਓਮੀਕ੍ਰੋਨ ਵੇਰੀਐਂਟ (Omicron Variant) ਦਾ ਇੱਕ ਵੀ ਮਾਮਲਾ ਸਾਹਮਣੇ ਨਹੀਂ ਆਇਆ ਹੈ। ਹਾਲ ਹੀ ਵਿੱਚ ਸਿਹਤ ਮੰਤਰੀ ਮਨਸੁਖ ਮਾਂਡਵੀਆ (Mansukh Mandviya) ਨੇ ਸੰਸਦ ਵਿੱਚ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਕਿਹਾ ਸੀ ਕਿ ਇਹ ਯਕੀਨੀ ਬਣਾਉਣ ਲਈ ਸਾਰੇ ਜ਼ਰੂਰੀ ਕਦਮ ਚੁੱਕੇ ਜਾ ਰਹੇ ਹਨ ਕਿ ਨਵਾਂ ਵੇਰੀਐਂਟ (New Variant)  ਭਾਰਤ 'ਚ ਨਾ ਆਵੇ। ਹਾਲਾਂਕਿ, ਭਾਰਤ ਵਿੱਚ ਕਈ ਸ਼ੱਕੀ ਮਾਮਲੇ ਸਾਹਮਣੇ ਆਏ ਹਨ। ਬੁੱਧਵਾਰ ਨੂੰ ਦਿੱਲੀ ਏਅਰਪੋਰਟ 'ਤੇ ਲੰਡਨ ਅਤੇ ਐਮਸਟਰਡਮ ਦੇ ਚਾਰ ਯਾਤਰੀ ਕੋਰੋਨਾ ਸੰਕਰਮਿਤ ਪਾਏ ਗਏ। ਇਨ੍ਹਾਂ ਸਾਰਿਆਂ ਦੀ ਆਰਟੀਪੀਸੀਆਰ ਰਿਪੋਰਟ (RT-PCR Report)  ਪਾਜ਼ੇਟਿਵ ਆਈ ਹੈ। ਉਨ੍ਹਾਂ ਦੇ ਨਮੂਨੇ ਜੀਨੋਮ ਸੀਕਵੈਂਸਿੰਗ ਲਈ ਭੇਜੇ ਗਏ ਹਨ ਅਤੇ ਮਰੀਜ਼ਾਂ ਨੂੰ ਐਲਐਨਜੇਪੀ ਵਿੱਚ ਦਾਖਲ ਕਰਵਾਇਆ ਗਿਆ ਹੈ।