ਲਖੀਮਪੁਰ: ਲਖੀਮਪੁਰ ਖੇੜੀ ਵਿੱਚ ਇਕ ਤੋਂ ਬਾਅਦ ਇਕ ਦੋ ਵੱਡੇ ਕਿਸ਼ਤੀ ਹਾਦਸੇ ਹੋ ਗਏ। ਘਘਰਾ ਨਦੀ ਵਿੱਚ ਵੱਖ-ਵੱਖ ਸਮੇਂ ਉੱਤੇ ਕਿਸ਼ਤੀਆਂ ਦੇ ਪਲਟ ਜਾਣ ਕਾਰਨ 25 ਲੋਕਾਂ ਦੇ ਲਾਪਤਾ ਹੋਣ ਦਾ ਖਦਸ਼ਾ ਹੈ। ਤਿੰਨ ਲੋਕਾਂ ਨੂੰ ਬਚਾਇਆ ਗਿਆ ਹੈ। ਹਾਦਸੇ ਤੋਂ ਬਾਅਦ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਨੇ ਜ਼ਿਲਾ ਪ੍ਰਸ਼ਾਸਨ ਦੇ ਅਧਿਕਾਰੀਆਂ ਨੂੰ ਤੁਰੰਤ ਮੌਕੇ 'ਤੇ ਪਹੁੰਚਣ ਅਤੇ ਬਚਾਅ ਤੇ ਰਾਹਤ ਕਾਰਜ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ। ਮੁੱਖ ਮੰਤਰੀ ਨੇ ਕਿਹਾ ਕਿ ਆਫਤ ਪ੍ਰਬੰਧਨ ਟੀਮ ਦੀ ਮਦਦ ਨਾਲ ਬਚਾਅ ਅਤੇ ਰਾਹਤ ਕਾਰਜ ਤੇਜ਼ੀ ਨਾਲ ਕੀਤੇ ਜਾਣੇ ਚਾਹੀਦੇ ਹਨ।

Also Read: Online ਕਲਾਸ ਦੌਰਾਨ ਬੱਚੇ ਦੇ ਹੱਥ 'ਚ ਫਟਿਆ ਮੋਬਾਇਲ, ਹੋਈ ਮੌਤ

ਪਹਿਲੀ ਘਟਨਾ ਈਸਾਨਗਰ ਥਾਣਾ ਖੇਤਰ ਦੇ ਮਿਰਜ਼ਾਪੁਰ ਪਿੰਡ ਦੇ ਲੋਕਾਂ ਨਾਲ ਵਾਪਰੀ। ਦੱਸਿਆ ਜਾਂਦਾ ਹੈ ਕਿ ਪਿੰਡ ਦੇ ਲੋਕ ਸਵੇਰੇ ਆਪਣੇ ਖੇਤਾਂ ਵਿੱਚ ਪਿਆ ਝੋਨਾ ਚੁੱਕਣ ਲਈ ਕਿਸ਼ਤੀ ਰਾਹੀਂ ਗਏ ਸਨ। ਕਿਸ਼ਤੀ 'ਤੇ 10 ਲੋਕ ਸਵਾਰ ਸਨ। ਇਸ ਦੌਰਾਨ ਨਦੀ ਦੇ ਦੂਜੇ ਪਾਸੇ ਅਟਵਾ ਪਿੰਡ ਦੇ ਲੋਕਾਂ ਨੇ ਦੱਸਿਆ ਕਿ ਜਿਸ ਕਿਸ਼ਤੀ 'ਤੇ ਮਿਰਜ਼ਾਪੁਰ ਦੇ ਲੋਕ ਜਾ ਰਹੇ ਸਨ, ਉਹ ਵਹਿੰਦੀ ਦਿਖਾਈ ਦੇ ਰਹੀ ਹੈ। ਉਨ੍ਹਾਂ ਖਦਸ਼ਾ ਜ਼ਾਹਰ ਕੀਤਾ ਕਿ ਘਘਰਾ ਨਦੀ ਦੇ ਤੇਜ਼ ਵਹਾਅ ਵਿੱਚ ਕਿਸ਼ਤੀ ਪਲਟ ਗਈ ਅਤੇ ਸਵਾਰ ਲੋਕ ਲਾਪਤਾ ਹੋ ਗਏ। ਇਸ ਮਾਮਲੇ ਦੀ ਜਾਣਕਾਰੀ ਮਿਲਣ ਤੋਂ ਬਾਅਦ ਤਹਿਸੀਲ ਪ੍ਰਸ਼ਾਸਨ ਦੇ ਅਧਿਕਾਰੀ ਮੌਕੇ 'ਤੇ ਪਹੁੰਚ ਗਏ ਹਨ। ਧੌਰਹਰਾ ਦੇ ਤਹਿਸੀਲਦਾਰ ਸੰਤੋਸ਼ ਸ਼ੁਕਲਾ ਨੇ ਪਹਿਲਾਂ ਲਾਪਤਾ ਲੋਕਾਂ ਦੀ ਭਾਲ ਲਈ ਕਿਸ਼ਤੀ 'ਤੇ ਕਰਮਚਾਰੀ ਭੇਜੇ, ਪਰ ਤੇਜ਼ ਵਹਾਅ ਕਾਰਨ ਕਿਸ਼ਤੀ ਅੱਗੇ ਨਹੀਂ ਜਾ ਸਕੀ। ਹੁਣ ਪ੍ਰਸ਼ਾਸਨ ਨੇ ਸਟੀਮਰ ਦਾ ਪ੍ਰਬੰਧ ਕੀਤਾ ਹੈ। ਫਲੱਡ ਪੀਏਸੀ ਕਰਮਚਾਰੀ ਸਟੀਮਰ ਰਾਹੀਂ ਲਾਪਤਾ ਲੋਕਾਂ ਦੀ ਭਾਲ ਲਈ ਨਦੀ ਦੇ ਪਾਰ ਜਾਣਗੇ।

Also Read: ਸੁੱਖੀ ਰੰਧਾਵਾ ਤੋਂ ਬਾਅਦ ਪਰਗਟ ਸਿੰਘ ਦਾ ਕੈਪਟਨ 'ਤੇ ਹਮਲਾ, ਕਿਹਾ-'ਕਾਂਗਰਸ ਦੇ ਕੁੜਤੇ 'ਚ ਸੀ ਭਾਜਪਾਈ CM'

ਦੂਜੀ ਘਟਨਾ ਧੌਰਹਾਰਾ ਦੇ ਜੰਗਲ ਮਟੇਰਾ ਪਿੰਡ ਦੇ ਨੇੜੇ ਵਾਪਰੀ। ਕਰੀਬ 18 ਲੋਕ ਇੱਥੇ ਫਸਲ ਦੇਖਣ ਲਈ ਕਿਸ਼ਤੀ ਰਾਹੀਂ ਜਾ ਰਹੇ ਸਨ। ਕਿਸ਼ਤੀ ਘਘਰਾ ਦੇ ਝਰਨੇ ਦੇ ਵਿਚਕਾਰ ਡੁੱਬ ਗਈ। ਇੱਕ ਪਿੰਡ ਵਾਸੀ ਨੂੰ ਜੰਗਲਾਤ ਵਿਭਾਗ ਦੇ ਲੋਕਾਂ ਨੇ ਬਚਾਇਆ ਅਤੇ ਦੋ ਹੋਰ ਤੈਰ ਕੇ ਬਾਹਰ ਆਏ। ਹੁਣ ਤੱਕ 15 ਲੋਕਾਂ ਬਾਰੇ ਕੁਝ ਵੀ ਪਤਾ ਨਹੀਂ ਲੱਗ ਸਕਿਆ ਹੈ। ਪ੍ਰਸ਼ਾਸਨ ਨੇ ਜੰਗਲ ਮਟੇਰਾ ਪਿੰਡ ਪਹੁੰਚ ਕੇ ਬਚਾਅ ਕਾਰਜ ਸ਼ੁਰੂ ਕਰ ਦਿੱਤਾ ਹੈ।