ਪੱਤਰਕਾਰ ਨੇ 800 ਕਰੋੜ 'ਚ ਵੇਚਿਆ ਨੋਬਲ ਪੁਰਸਕਾਰ! ਲੋਕਾਂ ਦੀ ਮਦਦ ਲਈ ਚੁੱਕਿਆ ਵੱਡਾ ਕਦਮ

ਨਵੀਂ ਦਿੱਲੀ- ਦੁਨੀਆ ਦੇ ਸਭ ਤੋਂ ਵੱਕਾਰੀ ਸਨਮਾਨਾਂ ਵਿੱਚੋਂ ਇੱਕ ਨੋਬਲ ਸ਼ਾਂਤੀ ਪੁਰਸਕਾਰ ਜਿੱਤਣ ਵਾਲੇ ਇੱਕ ਪੱਤਰਕਾਰ ਨੇ ਲੋਕਾਂ ਦੀ ਮਦਦ ਲਈ ਇੱਕ ਵੱਡਾ ਕਦਮ ਚੁੱਕਿਆ ਹੈ। ਉਸ ਨੇ ਆਪਣਾ ਐਵਾਰਡ ਵੇਚ ਦਿੱਤਾ ਹੈ। ਇਸ ਇਨਾਮ ਦੇ ਬਦਲੇ ਪੱਤਰਕਾਰ ਨੂੰ ਹੈਰੀਟੇਡ ਨਿਲਾਮੀ ਤੋਂ ਕਰੀਬ 800 ਕਰੋੜ ਰੁਪਏ ਮਿਲੇ ਹਨ।

Also Read: ਇਸ ਦੇਸ਼ 'ਚ ਮਿਲੀ ਦੁਨੀਆ ਦੀ ਸਭ ਤੋਂ ਵੱਡੀ ਮੱਛੀ, 300 ਕਿਲੋ ਹੈ ਭਾਰ

ਰੂਸ ਵਿਚ ਰਹਿਣ ਵਾਲੇ ਇਸ ਪੱਤਰਕਾਰ ਦਾ ਨਾਮ ਦਿਮਿਤਰੀ ਮੁਰਾਤੋਵ ਹੈ। ਉਹ ਸੁਤੰਤਰ ਅਖਬਾਰ ਨੋਵਾਯਾ ਗਜ਼ੇਟਾ ਦਾ ਮੁੱਖ ਸੰਪਾਦਕ ਹੈ। ਦਿਮਿਤਰੀ ਨੇ ਕਿਹਾ ਕਿ ਉਹ ਇਨਾਮੀ ਨਿਲਾਮੀ ਤੋਂ ਸਾਰੀ ਰਕਮ ਉਨ੍ਹਾਂ ਲੋਕਾਂ ਦੀ ਮਦਦ ਲਈ ਦੇਣਗੇ ਜੋ ਯੂਕਰੇਨ ਵਿਚ ਜੰਗ ਕਾਰਨ ਆਪਣੇ ਘਰ ਛੱਡਣ ਲਈ ਮਜਬੂਰ ਹੋਏ ਸਨ। ਤੁਹਾਨੂੰ ਦੱਸ ਦੇਈਏ ਕਿ ਦਿਮਿਤਰੀ ਨੂੰ ਸਾਲ 2021 ਵਿਚ ਨੋਬਲ ਸ਼ਾਂਤੀ ਪੁਰਸਕਾਰ ਮਿਲਿਆ ਸੀ। ਉਨ੍ਹਾਂ ਨੂੰ ਇਹ ਪੁਰਸਕਾਰ ਪ੍ਰਗਟਾਵੇ ਦੀ ਆਜ਼ਾਦੀ ਦੀ ਸਾਰਥਕਤਾ ਨੂੰ ਕਾਇਮ ਰੱਖਣ ਲਈ ਮਿਲਿਆ ਹੈ। ਉਸ ਨੇ ਪੱਤਰਕਾਰ ਮਾਰੀਆ ਰੇਸਾ ਦੇ ਨਾਲ ਇਹ ਪੁਰਸਕਾਰ ਪ੍ਰਾਪਤ ਕੀਤਾ। ਮਾਰੀਆ ਫਿਲੀਪੀਨਜ਼ ਨਿਊਜ਼ ਸਾਈਟ ਰੈਪਲਰ ਦੀ ਸਹਿ-ਸੰਸਥਾਪਕ ਹੈ। ਮਾਰੀਆ ਅਤੇ ਦਮਿੱਤਰੀ ਆਪਣੀਆਂ ਇਨਵੈਸਟੀਗੇਟਿਵ ਰਿਪੋਰਟਾਂ ਲਈ ਜਾਣੇ ਜਾਂਦੇ ਹਨ। ਇਸ ਕਾਰਨ ਦੋਵੇਂ ਪੱਤਰਕਾਰ ਆਪਣੇ ਦੇਸ਼ ਦੇ ਨੇਤਾਵਾਂ ਦੇ ਨਿਸ਼ਾਨੇ 'ਤੇ ਰਹਿੰਦੇ ਹਨ।

ਖਾਸ ਗੱਲ ਇਹ ਹੈ ਕਿ ਯੂਕਰੇਨ 'ਤੇ ਰੂਸੀ ਹਮਲੇ ਦੇ ਤੁਰੰਤ ਬਾਅਦ ਨੋਵਾਯਾ ਗਜ਼ੇਟਾ ਨੂੰ ਬੰਦ ਕਰ ਦਿੱਤਾ ਗਿਆ ਸੀ। ਕਿਉਂਕਿ ਉਦੋਂ ਰੂਸੀ ਸਰਕਾਰ ਨੇ ਕਿਹਾ ਸੀ ਕਿ ਜੇਕਰ ਕੋਈ ਯੂਕਰੇਨ 'ਤੇ ਰੂਸੀ ਕਾਰਵਾਈ ਨੂੰ 'ਜੰਗ' ਦੱਸਦਾ ਹੈ ਤਾਂ ਉਸ 'ਤੇ ਭਾਰੀ ਜੁਰਮਾਨਾ ਲਗਾਇਆ ਜਾਵੇਗਾ ਅਤੇ ਉਸ ਨੂੰ ਬੰਦ ਕਰ ਦਿੱਤਾ ਜਾਵੇਗਾ। ਰੂਸੀ ਸਰਕਾਰ ਇਸ ਦੀ ਕਾਰਵਾਈ ਨੂੰ 'ਵਿਸ਼ੇਸ਼ ਮਿਲਟਰੀ ਅਪਰੇਸ਼ਨ' ਦੱਸਦੀ ਹੈ।

Also Read: 2 ਦੁਕਾਨਦਾਰਾਂ ਨੂੰ ਮਿਲੀ ਗੈਂਗਸਟਰਾਂ ਦੀ ਧਮਕੀ, ਕਿਹਾ-'ਸਾਨੂੰ ਸਭ ਪਤਾ ਤੂੰ ਤੇ ਤੇਰੀ ਫੈਮਿਲੀ ਕਿੱਥੇ'

ਹਾਲਾਂਕਿ ਨਿਲਾਮੀ 'ਚ ਦਮਿਤਰੀ ਦੇ ਨੋਬਲ ਪੁਰਸਕਾਰ ਲਈ 800 ਕਰੋੜ ਦੀ ਬੋਲੀ ਕਿਸ ਨੇ ਲਗਾਈ ਹੈ, ਇਸ ਦੀ ਜਾਣਕਾਰੀ ਅਜੇ ਸਾਹਮਣੇ ਨਹੀਂ ਆਈ ਹੈ। ਹੈਰੀਟੇਜ ਆਕਸ਼ਨ ਨੇ ਕਿਹਾ ਕਿ ਨਿਊਯਾਰਕ ਵਿੱਚ ਸੋਨ ਤਗਮੇ ਦੀ ਵਿਕਰੀ ਤੋਂ ਪੈਸਾ ਯੂਨੀਸੇਫ ਦੀ ਮਦਦ ਲਈ ਦਿੱਤਾ ਜਾਵੇਗਾ। ਤਾਂ ਜੋ ਯੁੱਧ ਕਾਰਨ ਯੂਕਰੇਨ ਤੋਂ ਬਾਹਰ ਆਏ ਬੱਚਿਆਂ ਦੀ ਮਦਦ ਕੀਤੀ ਜਾ ਸਕੇ। ਨਿਲਾਮੀ ਤੋਂ ਬਾਅਦ ਦਿਮਿਤਰੀ ਨੇ ਇੱਕ ਵੀਡੀਓ ਸੰਦੇਸ਼ ਵਿੱਚ ਕਿਹਾ- ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ ਲੋਕ ਇਹ ਸਮਝਣ ਕਿ ਜੰਗ ਚੱਲ ਰਹੀ ਹੈ। ਨਾਲ ਹੀ ਸਾਨੂੰ ਉਨ੍ਹਾਂ ਲੋਕਾਂ ਦੀ ਮਦਦ ਕਰਨੀ ਚਾਹੀਦੀ ਹੈ ਜੋ ਸਭ ਤੋਂ ਵੱਧ ਪ੍ਰਭਾਵਿਤ ਹੋਏ ਹਨ।