iPhone 13 'ਤੇ ਮਿਲ ਰਹੀ ਹੈ ਭਾਰੀ ਛੋਟ, ਬਸ ਕਰਨਾ ਹੋਵੇਗਾ ਇਹ ਕੰਮ

ਨਵੀਂ ਦਿੱਲੀ- ਇਸ ਸਮੇਂ ਕਈ ਈ-ਕਾਮਰਸ ਸਾਈਟਾਂ 'ਤੇ ਸੁਤੰਤਰਤਾ ਦਿਵਸ ਦੀ ਸੇਲ ਚੱਲ ਰਹੀ ਹੈ। ਇਸ ਸੇਲ 'ਚ ਤੁਸੀਂ ਬੰਪਰ ਡਿਸਕਾਊਂਟ ਦੇ ਨਾਲ ਕਈ ਪ੍ਰੋਡਕਟਸ ਖਰੀਦ ਸਕਦੇ ਹੋ। ਇਸ ਸੇਲ 'ਚ ਤੁਸੀਂ ਆਪਣੇ ਪੁਰਾਣੇ ਐਂਡਰਾਇਡ ਫੋਨ ਤੋਂ ਵੀ ਆਜ਼ਾਦੀ ਪਾ ਸਕਦੇ ਹੋ। ਸੇਲ 'ਚ Apple iPhone 13 ਨੂੰ ਬੰਪਰ ਡਿਸਕਾਊਂਟ ਨਾਲ ਵੇਚਿਆ ਜਾ ਰਿਹਾ ਹੈ।

Apple iPhone 13 ਨੂੰ ਪਿਛਲੇ ਸਾਲ ਲਾਂਚ ਕੀਤਾ ਗਿਆ ਸੀ। ਪਰ, ਇਹ ਇਸ ਸਮੇਂ ਇੱਕ ਬਹੁਤ ਹੀ ਪ੍ਰੀਮੀਅਮ ਸਮਾਰਟਫੋਨ ਹੈ। ਇਸ 'ਚ ਕਈ ਸ਼ਾਨਦਾਰ ਫੀਚਰਸ ਦਿੱਤੇ ਗਏ ਹਨ। ਇਸ ਨੂੰ ਭਾਰਤ 'ਚ 79,900 ਰੁਪਏ 'ਚ ਲਾਂਚ ਕੀਤਾ ਗਿਆ ਸੀ। ਹੁਣ ਇਸ ਦੀ ਕੀਮਤ 'ਚ ਭਾਰੀ ਕਟੌਤੀ ਕੀਤੀ ਗਈ ਹੈ।

ਤੁਸੀਂ ਈ-ਕਾਮਰਸ ਸਾਈਟ ਫਲਿੱਪਕਾਰਟ ਜਾਂ ਐਮਾਜ਼ਾਨ ਤੋਂ ਇਸ ਛੋਟ ਦਾ ਫਾਇਦਾ ਚੁੱਕ ਸਕਦੇ ਹੋ। ਇਸ ਤੋਂ ਇਲਾਵਾ ਹੋਰ ਸਾਈਟਾਂ 'ਤੇ ਕੰਪਨੀ ਨੇ ਇਸ ਆਈਫੋਨ ਨੂੰ ਡਿਸਕਾਊਂਟ ਰੇਟ ਨਾਲ ਲਿਸਟ ਕੀਤਾ ਹੈ। ਇੱਥੇ ਅਸੀਂ ਤੁਹਾਨੂੰ Apple iPhone 13 'ਤੇ ਮਿਲਣ ਵਾਲੀਆਂ ਡੀਲਾਂ ਬਾਰੇ ਦੱਸ ਰਹੇ ਹਾਂ। Apple iPhone 13 ਨੂੰ Amazon 'ਤੇ 71,900 ਰੁਪਏ 'ਚ ਲਿਸਟ ਕੀਤਾ ਗਿਆ ਹੈ।

ਇਹ ਕੀਮਤ ਇਸਦੇ ਬੇਸ ਵੇਰੀਐਂਟ ਲਈ ਹੈ। ਇਸ ਦੇ ਬੇਸ ਮਾਡਲ 'ਚ 128GB ਇੰਟਰਨਲ ਮੈਮੋਰੀ ਦਿੱਤੀ ਗਈ ਹੈ, ਜਦੋਂ ਕਿ ਤੁਸੀਂ ਇਸ ਸਮਾਰਟਫੋਨ ਨੂੰ ਫਲਿੱਪਕਾਰਟ ਤੋਂ 73,999 ਰੁਪਏ 'ਚ ਖਰੀਦ ਸਕਦੇ ਹੋ। ਕੰਪਨੀ ਇਸ ਫੋਨ ਦੇ ਨਾਲ ਐਕਸਚੇਂਜ ਆਫਰ ਵੀ ਦੇ ਰਹੀ ਹੈ। ਅਜਿਹੇ 'ਚ ਤੁਸੀਂ ਆਪਣੇ ਪੁਰਾਣੇ ਐਂਡਰਾਇਡ ਫੋਨ ਨੂੰ ਐਕਸਚੇਂਜ ਕਰਕੇ ਜ਼ਿਆਦਾ ਡਿਸਕਾਊਂਟ ਦਾ ਫਾਇਦਾ ਉਠਾ ਸਕਦੇ ਹੋ।

ਫਲਿੱਪਕਾਰਟ ਤੋਂ ਇਸ ਫੋਨ ਨੂੰ ਖਰੀਦਣ 'ਤੇ 19,000 ਰੁਪਏ ਤੱਕ ਦਾ ਐਕਸਚੇਂਜ ਆਫਰ ਦਿੱਤਾ ਜਾ ਰਿਹਾ ਹੈ।
ਹਾਲਾਂਕਿ, ਐਕਸਚੇਂਜ ਆਫਰ ਦਾ ਮੁੱਲ ਤੁਹਾਡੇ ਫੋਨ ਦੀ ਸਥਿਤੀ 'ਤੇ ਨਿਰਭਰ ਕਰਦਾ ਹੈ। Amazon 24,500 ਰੁਪਏ ਤੱਕ ਦਾ ਐਕਸਚੇਂਜ ਆਫਰ ਦੇ ਰਿਹਾ ਹੈ। ਇਸ ਨਾਲ ਤੁਸੀਂ 50 ਹਜ਼ਾਰ ਰੁਪਏ ਤੋਂ ਵੀ ਘੱਟ 'ਚ Apple iPhone 13 ਖਰੀਦ ਸਕਦੇ ਹੋ।