ਬੇੰਗਲੁਰੂ: ਕਰਨਾਟਕ ਵਿੱਚ (corona)ਕੋਰੋਨਾ ਵਾਇਰਸ ਦੇ ਵੱਧ ਰਹੇ ਸੰਕਰਮ ਦੇ ਫੈਲਣ ਨੂੰ ਰੋਕਣ ਲਈ (Lockdown) ਲਾਕਡਾਊਨ  ਲਗਾ ਦਿਤਾ ਗਿਆ ਹੈ। ਇਸੇ ਦੌਰਾਨ ਕਰਨਾਟਕ ਦੇ ਮੈਸੂਰ ਜ਼ਿਲ੍ਹੇ ਦੇ ਕੋਪਲੂ ਪਿੰਡ ਤੋਂ ਇਕ ਬਹੁਤ ਹੀ ਭਾਵੁਕ ਖਬਰ ਸਾਹਮਣੇ ਆਈ ਹੈ। (Children) ਬੱਚਿਆਂ ਦੇ ਪਿਆਰ ਲਈ ਵਿਅਕਤੀ ਸਭ ਤੋਂ ਵੱਡੀਆਂ ਮੁਸ਼ਕਲਾਂ ਅਤੇ ਰੁਕਾਵਟਾਂ ਨੂੰ ਪਾਰ ਕਰਦਾ ਹੈ। ਇਸੇ ਤਰ੍ਹਾਂ ਕੋਪੱਲੂ ਪਿੰਡ ਦਾ ਵਸਨੀਕ 45 ਸਾਲਾ ਆਨੰਦ, ਝੁਲਸ ਰਹੀ ਧੁੱਪ ਵਿਚ 300 ਕਿਲੋਮੀਟਰ ਦੀ ਦੂਰੀ 'ਤੇ ਆਪਣੇ ਬੀਮਾਰ ਬੱਚੇ ਦੀ ਜਾਨ ਬਚਾਉਣ ਲਈ ਦਵਾਈ ਲੈ ਕੇ ਆਇਆ।

ਇਹ ਵੀ ਪੜ੍ਹੋ : ਜਿੰਮ ਸੰਚਾਲਕਾਂ ਨੇ ਖੋਲ੍ਹਿਆ ਸਰਕਾਰ ਵਿਰੁੱਧ ਮੋਰਚਾ, ਕੀਤਾ ਜ਼ਬਰਦਸਤ ਪ੍ਰਦਰਸ਼ਨ

ਆਨੰਦ ਦਾ ਆਪਣੇ 'ਸਪੈਸ਼ਲ ਚਾਈਲਡ ਪੁੱਤਰ ਲਈ ਪਿਆਰ ਅਤੇ ਇਸ ਹੌਂਸਲੇ ਦੀ ਪੂਰੇ ਖੇਤਰ ਵਿਚ ਚਰਚਾ ਹੋ ਰਹੀ ਹੈ। ਇਕ ਪਾਸੇ ਜਿੱਥੇ ਲੋਕ ਉਸ ਦੀ ਸ਼ਲਾਘਾ ਕਰ ਰਹੇ ਹਨ, ਉਥੇ ਹੀ ਦੂਜੇ ਪਾਸੇ ਲੋਕ ਸਿਸਟਮ ਦੀ ਆਲੋਚਨਾ ਕਰ ਰਹੇ ਹਨ। ਕਰਨਾਟਕ ਵਿੱਚ ਲਾਕਡਾਉਨ ਲਾਗੂ ਹੈ। ਦਿਹਾਤੀ ਇਲਾਕਿਆਂ ਵਿੱਚ ਜਨਤਕ ਆਵਾਜਾਈ ਬੰਦ ਹੈ। ਮੈਸੂਰ ਦੇ ਇੱਕ ਪਿੰਡ ਨਿਵਾਸੀ ਦਾ ਪੁੱਤਰ 'ਵਿਸ਼ੇਸ਼ ਬੱਚੇ' ਦੀ ਸ਼੍ਰੇਣੀ ਵਿੱਚ ਆਉਂਦਾ ਹੈ ਅਤੇ ਉਸਦੀ ਦਵਾਈ ਦੀ ਇੱਕ ਖੁਰਾਕ ਛੱਡ ਨਹੀਂ ਸਕਦੇ ਸੀ। ਆਨੰਦ ਕੋਲ ਮਾਇਸੂਰ ਦੇ ਆਪਣੇ ਪਿੰਡ ਤੋਂ ਇਕ ਨਿੱਜੀ ਵਾਹਨ ਰਾਹੀਂ ਬੰਗਲੌਰ ਸ਼ਹਿਰ ਜਾਣ ਲਈ ਇੰਨੇ ਪੈਸੇ ਵੀ ਨਹੀਂ ਸਨ। ਦਿਹਾੜੀਦਾਰ ਕਮਾਈ ਕਰਨ ਵਾਲੇ ਆਨੰਦ ਨੇ ਆਪਣੇ ਪੁੱਤਰ ਦੀ ਦਵਾਈ ਲੈਣ ਲਈ ਬੰਗਲੁਰੂ ਜਾਣ ਦਾ ਫ਼ੈਸਲਾ ਕੀਤਾ।

ਇਹ ਵੀ ਪੜ੍ਹੋ :ਕੋਰੋਨਾ ਦੀ ਦੂਜੀ ਲਹਿਰ ਦਾ ਅਸਰ - 1 ਕਰੋੜ ਲੋਕ ਹੋਏ ਬੇਰੁਜ਼ਗਾਰ

ਆਨੰਦ ਨੇ ਕਿਹਾ, “ਮੈਂ ਆਪਣੇ ਬੇਟੇ ਦੀਆਂ ਦਵਾਈਆਂ ਬਾਰੇ ਪੁੱਛਗਿੱਛ ਕੀਤੀ, ਪਰ ਉਹ ਦਵਾਈਆਂ ਇਥੇ ਉਪਲਬਧ ਨਹੀਂ ਸਨ। ਮੇਰੇ ਬੇਟੇ ਦੀ ਦਵਾਈ ਦੀ ਖੁਰਾਕ ਇੱਕ ਦਿਨ ਲਈ ਵੀ ਨਹੀਂ ਛੱਡੀ ਜਾ ਸਕਦੀ. ਫਿਰ ਮੈਂ ਸਾਈਕਲ ਰਾਹੀਂ ਬੰਗਲੌਰ ਲਈ ਰਵਾਨਾ ਹੋ ਗਿਆ। ਦਵਾਈ ਲੈਣ ਵਿਚ ਮੈਨੂੰ ਤਿੰਨ ਦਿਨ ਲੱਗੇ। ''ਆਨੰਦ ਨੇ ਅੱਗੇ ਕਿਹਾ, 'ਡਾਕਟਰਾਂ ਨੇ ਮੈਨੂੰ ਭਰੋਸਾ ਦਿਵਾਇਆ ਹੈ ਕਿ ਜੇ ਮੇਰਾ ਬੇਟਾ 18 ਸਾਲ ਦੀ ਉਮਰ ਤੱਕ ਦਵਾਈ ਲੈਣੀ ਜਾਰੀ ਰੱਖਦਾ ਹੈ, ਤਾਂ ਉਹ ਹੋਰਨਾਂ ਬੱਚਿਆਂ ਵਾਂਗ ਆਮ ਵਰਗਾ ਰਹੇਗਾ।