ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:- ਦੱਖਣੀ ਭਾਰਤੀ ਫਿਲਮਾਂ ਦੇ ਸੁਪਰਸਟਾਰ ਕਾਜਲ ਅਗਰਵਾਲ ਨੇ ਆਪਣੀਆਂ ਫਿਲਮਾਂ ਨਾਲ ਦੇਸ਼ ਵਿਚ ਬਹੁਤ ਨਾਮ ਕਮਾਇਆ ਹੈ, ਪਰ ਹੁਣ ਉਨ੍ਹਾਂ ਨੇ ਅੰਤਰਰਾਸ਼ਟਰੀ ਪੱਧਰ ‘ਤੇ ਵੀ ਆਪਣੀ ਪਛਾਣ ਬਣਾਈ ਹੈ। ਦਰਅਸਲ, ਕਾਜਲ ਅਗਰਵਾਲ ਦਾ ਮੋਮ ਦਾ ਬੁੱਤ ਸਿੰਗਾਪੁਰ ਦੇ ਮੈਡਮ ਤੁਸਾਦ ਅਜਾਇਬ ਘਰ ਵਿੱਚ ਬਣਾਇਆ ਗਿਆ ਹੈ, ਜਿਸਦਾ ਉਦਘਾਟਨ ਖੁਦ ਅਭਿਨੇਤਰੀ ਨੇ ਕੀਤਾ ਸੀ।
ਉਨ੍ਹਾਂ ਦੇ ਬੁੱਤ ਨਾਲ ਜੁੜੀਆਂ ਕਈ ਫੋਟੋਆਂ ਅਤੇ ਵੀਡੀਓ ਵੀ ਸੋਸ਼ਲ ਮੀਡੀਆ ‘ਤੇ ਬਹੁਤ ਵਾਇਰਲ ਹੋ ਰਹੀਆਂ ਹਨ, ਜਿਸ ‘ਚ ਅਭਿਨੇਤਰੀ ਆਪਣੇ ਬੁੱਤ ਦੇ ਨਾਲ ਖੜ੍ਹੀ ਦਿਖਾਈ ਦਿੱਤੀ ਹਨ। ਫੋਟੋ ਵਿੱਚ ਜਿੱਥੇ ਕਾਜਲ ਅਗਰਵਾਲ ਜਾਮਨੀ ਰੰਗ ਦੀ ਡਰੈੱਸ ਵਿਚ ਦਿਖਾਈ ਦੇ ਰਹੀ ਹੈ, ਉੱਥੇ ਉਨ੍ਹਾਂ ਦੀ ਮੂਰਤੀ ਇਕ ਸਿਲਵਰ ਸ਼ੀਮਰ ਪਹਿਰਾਵੇ ਵਿੱਚ ਦਿਖਾਈ ਦੇ ਰਹੀ ਹੈ। ਕਾਜਲ ਅਗਰਵਾਲ ਨੇ ਬਾਲੀਵੁੱਡ ਵਿੱਚ ‘ਸਿੰਘਮ’ ਅਤੇ ‘ਸਪੈਸ਼ਲ 26’ ਵਰਗੀਆਂ ਸੁਪਰਹਿੱਟ ਫਿਲਮਾਂ ਵੀ ਦਿੱਤੀਆਂ ਹਨ।
https://www.instagram.com/p/B8LBuJElboW/
ਕਾਜਲ ਅਗਰਵਾਲ ਆਪਣੀ ਮੂਰਤੀ ਦਾ ਉਦਘਾਟਨ ਕਰਨ ਲਈ ਆਪਣੇ ਪਰਿਵਾਰ ਨਾਲ ਸਿੰਗਾਪੁਰ ਪਹੁੰਚੀ। ਇਕ ਫੋਟੋ ਵਿੱਚ ਉਨ੍ਹਾਂ ਦੀ ਭੈਣ ਅਤੇ ਪਰਿਵਾਰ ਦੇ ਬਾਕੀ ਮੈਂਬਰ ਵੀ ਅਭਿਨੇਤਰੀ ਦੇ ਨਾਲ ਇਕੱਠੇ ਦਿਖਾਈ ਦਿੱਤੇ ਹਨ। ਦੱਸ ਦੇਈਏ ਕਿ, ਕਾਜਲ ਅਗਰਵਾਲ ਦੱਖਣੀ ਭਾਰਤ ਦੀ ਪਹਿਲੀ ਅਭਿਨੇਤਰੀ ਹੈ, ਜਿਸ ਦਾ ਬੁੱਤ ਮੈਡਮ ਤੁਸਾਦ ਮਿਉਜ਼ੀਅਮ ਵਿੱਚ ਬਣਾਇਆ ਗਿਆ ਹੈ। ਇਨ੍ਹਾਂ ਤੋਂ ਇਲਾਵਾ ਬਾਹੂਬਲੀ ਪ੍ਰਭਾਸ ਪਹਿਲੇ ਸਾਉਥ ਸੁਪਰਸਟਾਰ ਵੀ ਰਹੇ ਹਨ ਜਿਨ੍ਹਾਂ ਦਾ ਬੁੱਤ ਮੈਡਮ ਤੁਸਾਦ ਮਿਉਜ਼ੀਅਮ ਵਿੱਚ ਬਣਾਈ ਗਈ ਹੈ।
ਤੁਹਾਨੂੰ ਦੱਸ ਦੇਈਏ ਕਿ, ਕਾਜਲ ਅਗਰਵਾਲ ਨੇ 2004 ਵਿੱਚ ਐਸ਼ਵਰਿਆ ਰਾਏ ਅਤੇ ਵਿਵੇਕ ਓਬਰਾਏ ਦੀ ਫਿਲਮ ‘ਕਿਉਂ! ਹੋ ਗਿਆ ਨਾ …’ ਫਿਲਮ ਦੀ ਦੁਨੀਆਂ ਵਿੱਚ ਡੈਬਿਉ ਕੀਤਾ ਸੀ। ਇਸ ਤੋਂ ਬਾਅਦ ਕਾਜਲ ਅਗਰਵਾਲ ਨੇ ਦੱਖਣੀ ਫਿਲਮਾਂ ਵਿੱਚ ਵੀ ਆਪਣੀ ਸ਼ਾਨਦਾਰ ਅਦਾਕਾਰੀ ਨਾਲ ਸਾਰਿਆਂ ਦੇ ਦਿਲਾਂ ‘ਤੇ ਰਾਜ ਕੀਤਾ। ਦੱਖਣੀ ਸਿਨੇਮਾ ‘ਚ ਆਪਣੀ ਅਦਾਕਾਰੀ ਨਾਲ ਇਸ ਅਭਿਨੇਤਰੀ ਨੇ ਬਾਲੀਵੁੱਡ ਦੀ ਦੁਨੀਆ ‘ਚ ਵੀ ਆਪਣੇ ਪੈਰ ਜਮਾ ਲਏ। ਖ਼ਾਸਤੌਰ ‘ਤੇ, ਸਿੰਘਮ ਵਿੱਚ ਉਨ੍ਹਾਂ ਦੀ ਅਤੇ ਅਜੇ ਦੇਵਗਨ ਦੀ ਕੈਮਿਸਟਰੀ ਨੂੰ ਵੀ ਲੋਕਾਂ ਨੇ ਬੇਹੱਦ ਪਸੰਦ ਕੀਤਾ ਸੀ।
https://www.facebook.com/ImKajalAggarwal/photos/a.407372444078/10157427352464079/?type=3