ਟੋਰਾਂਟੋ : ਕੈਨੇਡਾ ਨੇ ਭਾਰਤ ਤੋਂ ਆਉਣ ਵਾਲੀਆਂ ਸਿੱਧੀਆਂ ਉਡਾਣਾਂ (Canada India Flights) ਤੇ ਲੱਗੀ ਪਾਬੰਦੀ ਹਟਾ ਦਿੱਤੀ ਹੈ । ਹੁਣ 27 ਸਤੰਬਰ ਤੋਂ ਭਾਰਤੀ ਉਡਾਣਾਂ ਮੁੜ ਕੈਨੇਡਾ ਲਈ ਉਡਾਣ ਭਰ ਸਕਣਗੀਆਂ। ਇਹ ਪਾਬੰਦੀ ਕੋਰੋਨਾ ਦੀ ਲਾਗ ਕਾਰਨ ਕਈ ਮਹੀਨੀਆਂ ਲਈ ਰੋਕ ਲੱਗੀ ਹੋਈ ਸੀ। ਪਿਛਲੀ ਵਾਰ ਉਡਾਣਾਂ ਤੇ ਇਸ ਪਾਬੰਦੀ ਨੂੰ 26 ਸਤੰਬਰ ਤੱਕ ਵਧਾਇਆ ਗਿਆ ਸੀ, ਪਰ ਹੁਣ ਉੱਥੋਂ ਦੀ ਸਰਕਾਰ ਨੇ ਪਾਬੰਦੀਆਂ ਵਿੱਚ ਢਿੱਲ ਦਿੱਤੀ ਹੈ ।
Also Read : UNGA: ਮੈਂ ਉਸ ਦੇਸ਼ ਦੀ ਅਗਵਾਈ ਕਰ ਰਿਹਾਂ, ਜਿਸ ਨੂੰ ਲੋਕਤੰਤਰ ਦੀ ਮਾਂ ਦਾ ਮਾਣ ਹਾਸਲ: PM ਮੋਦੀ
ਹਾਲਾਂਕਿ, ਕੈਨੇਡਾ ਜਾਣ ਵਾਲੇ ਭਾਰਤੀ ਯਾਤਰੀਆਂ ਲਈ ਕੁਝ ਸ਼ਰਤਾਂ ਹਨ। ਕੈਨੇਡੀਅਨ ਸਰਕਾਰ ਦੇ ਅਨੁਸਾਰ, ਜੇਕਰ ਕੋਈ ਯਾਤਰੀ ਇਨ੍ਹਾਂ ਸ਼ਰਤਾਂ ਨੂੰ ਪੂਰਾ ਨਹੀਂ ਕਰਦਾ, ਤਾਂ ਏਅਰਲਾਈਨ ਕੰਪਨੀ ਉਸਨੂੰ ਇਨਕਾਰ ਕਰ ਸਕਦੀ ਹੈ। ਕੈਨੇਡਾ ਆਉਣ ਵਾਲੇ ਭਾਰਤੀ ਯਾਤਰੀਆਂ ਨੂੰ ਦਿੱਲੀ ਦੇ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੇ ਸਥਿਤ ਜੇਨੇਸਟ੍ਰਿੰਗਜ਼ ਲੈਬ ਤੋਂ ਕੋਵਿਡ – 19 ਟੈਸਟ ਦੀ ਨੈਗੇਟਿਵ ਰਿਪੋਰਟ ਲਿਆਉਣੀ ਹੋਵੇਗੀ। ਇਹ ਟੈਸਟ ਉਡਾਣ ਤੋਂ 18 ਘੰਟੇ ਪਹਿਲਾਂ ਕਰਾਉਣਾ ਹੋਵੇਗਾ ।
सम्बंधित ख़बरें
ਹਵਾਈ ਸੰਚਾਲਕ ਬੋਰਡਿੰਗ ਤੋਂ ਪਹਿਲਾਂ ਇਸ ਜਾਂਚ ਰਿਪੋਰਟ ਦੀ ਜਾਂਚ ਕਰਨਗੇ, ਇਹ ਨਿਰਧਾਰਤ ਕਰਨ ਲਈ ਕਿ ਯਾਤਰੀ ਕੈਨੇਡਾ ਜਾਣ ਦੇ ਯੋਗ ਹੈ ਜਾਂ ਨਹੀਂ। ਜੇ ਯਾਤਰੀ ਪਹਿਲਾਂ ਕੋਰੋਨਾ ਸੰਕਰਮਿਤ ਹੋਇਆ ਹੈ , ਤਾਂ ਉਸਨੂੰ ਪ੍ਰਮਾਣਤ ਲੈਬ ਤੋਂ ਜਾਰੀ ਕੀਤੇ ਮਾਲਿਕਿਊਲਰ ਟੈਸਟ ਦੀ ਸਕਾਰਾਤਮਕ ਰਿਪੋਰਟ ਦਿਖਾਉਣੀ ਪਏਗੀ . ਇਹ ਰਿਪੋਰਟ 14 ਦਿਨਾਂ ਤੋਂ 180 ਦਿਨ ਪਹਿਲਾਂ ਦੀ ਹੋਣੀ ਚਾਹੀਦੀ ਹੈ।
Also Read : ਕੋਲਡ ਡਰਿੰਕ ਨੇ ਲਈ 22 ਸਾਲਾ ਨੌਜਵਾਨ ਦੀ ਜਾਨ, ਡਾਕਟਰ ਨੇ ਦੱਸੀ ਇਹ ਵਜ੍ਹਾ
ਜੇ ਤੁਸੀਂ ਕਿਸੇ ਹੋਰ ਦੇਸ਼ ਤੋਂ ਆ ਰਹੇ ਹੋ ਤਾਂ ਕੀ ਨੇ ਸ਼ਰਤਾਂ ?
ਜੇ ਕੋਈ ਭਾਰਤੀ ਯਾਤਰੀ ਇਸ ਸਮੇਂ ਭਾਰਤ ਤੋਂ ਬਾਹਰ ਕਿਸੇ ਹੋਰ ਦੇਸ਼ ਵਿੱਚ ਰਹਿ ਰਿਹਾ ਹੈ ਅਤੇ ਉਥੋਂ ਕੈਨੇਡਾ ਜਾਣਾ ਚਾਹੁੰਦਾ ਹੈ, ਤਾਂ ਇਸਦੇ ਲਈ ਵੀ ਕੁਝ ਨਿਯਮ ਹਨ। ਅਜਿਹੇ ਯਾਤਰੀਆਂ ਨੂੰ ਕੈਨੇਡਾ ਆਉਣ ਤੋਂ ਪਹਿਲਾਂ ਕੋਵਿਡ ਦੀ ਨੈਗੇਟਿਵ ਰਿਪੋਰਟ ਵੀ ਲਿਆਉਣੀ ਹੋਵੇਗੀ । ਇਸੇ ਤਰ੍ਹਾਂ , ਜੇ ਕੋਈ ਯਾਤਰੀ ਕਿਸੇ ਹੋਰ ਦੇਸ਼ ਤੋਂ ਕੈਨੇਡਾ ਆਉਂਦੇ ਸਮੇਂ ਕੋਰੋਨਾ ਸੰਕਰਮਿਤ ਹੋ ਜਾਂਦਾ ਹੈ, ਤਾਂ ਉਸਨੂੰ ਕੁਆਰੰਟੀਨ ਨਿਯਮਾਂ ਦੀ ਪਾਲਣਾ ਕਰਨੀ ਪਏਗੀ ।