ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:- ਸ਼ਨੀਵਾਰ ਨੂੰ ਪੰਜ ਬਦਮਾਸ਼ਾਂ ਨੇ ਅੰਮ੍ਰਿਤਸਰ-ਜਲੰਧਰ ਜੀਟੀ ਰੋਡ ‘ਤੇ ਕਸਬਾ ਟਾਂਗਰਾ ਨਾਲ ਲੱਗਦੇ ਪਿੰਡ ਛੱਜਲਵਾੜੀ ਦੇ ਪੰਜਾਬ ਅਤੇ ਸਿੰਧ ਬੈਂਕ ਤੋਂ ਹਥਿਆਰਾਂ ਦੇ ਜ਼ੋਰ ‘ਤੇ 7 ਲੱਖ 83 ਹਜ਼ਾਰ ਰੁਪਏ ਦੀ ਲੁੱਟ ਨੂੰ ਅੰਜਾਮ ਦਿੱਤਾ। ਬਦਮਾਸ਼ਾਂ ਨੇ ਜਦੋਂ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ, ਉਸ ਸਮੇਂ ਬੈਂਕ ਵਿੱਚ ਘੱਟ ਗਿਣਤੀ ਲੋਕ ਸ਼ਾਮਿਲ ਸਨ। ਬਹਿਰਹਾਲ ਪੁਲਿਸ ਨੇ ਮਾਮਲਾ ਦਰਜ ਕਰ ਲੁਟੇਰਿਆਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।
ਥਾਣਾ ਖਲਚੀਆਂ ਦੇ ਐਸਐਚਓ ਪਰਮਜੀਤ ਵਿਰਦੀ ਨੇ ਦੱਸਿਆ ਕਿ, ਲੁਟੇਰੇ ਸ਼ਨੀਵਾਰ ਦੁਪਹਿਰ ਨੂੰ ਚਿੱਟੇ ਰੰਗ ਦੀ ਬਰੇਜਾ ਕਾਰ ਵਿੱਚ ਆਏ ਸਨ। ਕਾਰ ‘ਚ ਇਕ ਜਾਂ ਦੋ ਲੁਟੇਰੇ ਬੈਠੇ ਸਨ। ਲੁਟੇਰਿਆਂ ਨੇ ਮੂੰਹ ‘ਤੇ ਰੁਮਾਲ ਬੰਨ੍ਹਿਆ ਹੋਇਆ ਸੀ। ਬੈਂਕ ਵਿੱਚ ਦਾਖਲ ਹੋਣ ‘ਤੇ ਇਨ੍ਹਾਂ ਲੁਟੇਰਿਆਂ ਬੰਦੂਕ ਦੀ ਨੌਕ ‘ਤੇ ਲੁੱਟ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ। ਬਾਅਦ ‘ਚ ਸਾਰੇ ਸਟਾਫ ਮੈਂਬਰ ਇਕ ਜਗ੍ਹਾ ਇਕੱਠੇ ਹੋ ਗਏ ਅਤੇ ਕੈਸ਼ੀਅਰ ਕੋਲੋਂ ਬੈਗ ਵਿੱਚ ਰੱਖ ਕੇ 7 ਲੱਖ 83 ਹਜ਼ਾਰ ਰੁਪਏ ਲੈ ਲਏ।
ਲੁਟੇਰਿਆਂ ਵੱਲੋਂ ਮਿਲੀ ਧਮਕੀ ਕਾਰਨ ਬੈਂਕ ਦੇ ਸਟਾਫ ਮੈਂਬਰਾਂ ਨੇ ਉਨ੍ਹਾਂ ਵਿੱਚੋਂ ਕਿਸੇ ‘ਤੇ ਇਤਰਾਜ਼ ਨਹੀਂ ਕੀਤਾ। ਲੁਟੇਰਿਆਂ ਦੀ ਭਾਲ ਲਈ ਪੁਲਿਸ ਨੇ ਇਕ ਟੀਮ ਬਣਾਈ ਹੈ। ਬੈਂਕ ਨੂੰ ਲੁੱਟਣ ਤੋਂ ਬਾਅਦ ਲੁਟੇਰੇ ਜਲੰਧਰ ਵੱਲ ਨਹੀਂ ਵਧੇ, ਇਸ ਦੇ ਲਈ ਪੁਲਿਸ ਢਿੱਲਵਾ ਟੋਲ ਪਲਾਜ਼ਾ ‘ਤੇ ਲੱਗੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਖੰਗਾਲ ਰਹੀ ਹੈ।