Pooja Hegde ਨਾਲ ਫਲਾਈਟ 'ਚ ਹੋਈ ਬਦਤਮੀਜ਼ੀ, ਟਵਿੱਟਰ 'ਤੇ ਸਟਾਫ ਦੀ ਲਈ ਜ਼ਬਰਦਸਤ ਕਲਾਸ

ਮੁੰਬਈ- ਬਾਲੀਵੁੱਡ ਅਤੇ ਸਾਊਥ ਇੰਡਸਟਰੀ ਦੀ ਮਸ਼ਹੂਰ ਅਦਾਕਾਰਾ ਪੂਜਾ ਹੇਗੜੇ ਦਾ ਨਾਂ ਇਕ ਵਾਰ ਫਿਰ ਸੁਰਖੀਆਂ 'ਚ ਹੈ। ਫਲਾਈਟ 'ਚ ਆਪਣੇ ਨਾਲ ਹੋਏ ਦੁਰਵਿਵਹਾਰ ਦਾ ਜ਼ਿਕਰ ਕਰਦੇ ਹੋਏ ਅਭਿਨੇਤਰੀ ਨੇ ਇਕ ਏਅਰਲਾਈਨ 'ਤੇ ਜੰਮ ਕੇ ਹਮਲਾ ਬੋਲਿਆ ਹੈ। ਵੈਸੇ ਪੂਜਾ ਹੇਗੜੇ ਆਪਣੇ ਸ਼ਾਂਤ ਸੁਭਾਅ ਲਈ ਜਾਣੀ ਜਾਂਦੀ ਹੈ। ਪਾਪਾਰਾਜ਼ੀ ਦੇ ਸਾਹਮਣੇ ਵੀ ਪੂਜਾ ਦਾ ਪਿਆਰਾ ਅੰਦਾਜ਼ ਅਕਸਰ ਸਾਹਮਣੇ ਆਉਂਦਾ ਹੈ। ਖੈਰ ਪੂਜਾ ਹੇਗੜੇ ਨੇ ਟਵਿੱਟਰ ਰਾਹੀਂ ਆਪਣੇ ਨਾਲ ਹੋਏ ਦੁਰਵਿਵਹਾਰ ਦਾ ਕਿੱਸਾ ਸੁਣਾਇਆ ਹੈ। ਇਸ ਘਟਨਾ ਦਾ ਹਵਾਲਾ ਦਿੰਦੇ ਹੋਏ, ਅਦਾਕਾਰਾ ਨੇ ਇੰਡੀਗੋ ਏਅਰੀਨ ਨੂੰ ਟੈਗ ਕੀਤਾ ਹੈ ਅਤੇ ਇਸਦੇ ਇੱਕ ਸਟਾਫ ਮੈਂਬਰ ਦੀ ਵੀ ਜ਼ਬਰਦਸਤ ਢੰਗ ਨਾਲ ਕਲਾਸ ਲਾਈ ਹੈ।

Extremely sad with how rude @IndiGo6E staff member, by the name of Vipul Nakashe behaved with us today on our flight out from Mumbai.Absolutely arrogant, ignorant and threatening tone used with us for no reason.Normally I don’t tweet abt these issues, but this was truly appalling

— Pooja Hegde (@hegdepooja) June 9, 2022

Also Read: RBI ਦੇ ਰੈਪੋ ਰੇਟ ਵਧਾਉਣ ਤੋਂ 24 ਘੰਟਿਆਂ 'ਚ ਮਹਿੰਗਾ ਹੋਇਆ ਇਨ੍ਹਾਂ 7 ਬੈਂਕਾਂ ਦਾ Loan

ਪੂਜਾ ਹੇਗੜੇ ਨੇ ਕੱਢਿਆ ਗੁੱਸਾ 
ਪੂਜਾ ਹੇਗੜੇ ਨੇ ਟਵੀਟ ਕਰਕੇ ਆਪਣਾ ਗੁੱਸਾ ਜ਼ਾਹਰ ਕੀਤਾ ਅਤੇ ਲਿਖਿਆ, 'ਇੰਡੀਗੋ ਏਅਰਲਾਈਨ ਦੇ ਸਟਾਫ ਮੈਂਬਰ ਵਿਪੁਲ ਨਕਾਸੇ ਨੇ ਅੱਜ ਮੁੰਬਈ ਤੋਂ ਉਡਾਣ ਭਰਦੇ ਸਮੇਂ ਸਾਡੇ ਨਾਲ ਦੁਰਵਿਵਹਾਰ ਕੀਤਾ। ਸਾਡੇ ਨਾਲ ਹੰਕਾਰੀ, ਅਣਜਾਣ ਅਤੇ ਧਮਕੀ ਭਰੇ ਲਹਿਜੇ ਵਿੱਚ ਗੱਲ ਕੀਤੀ ਅਤੇ ਉਹ ਵੀ ਬਿਨਾਂ ਕਿਸੇ ਕਾਰਨ ਦੇ। ਆਮ ਤੌਰ 'ਤੇ ਮੈਂ ਇਸ ਤਰ੍ਹਾਂ ਦਾ ਟਵੀਟ ਨਹੀਂ ਕਰਦੀ ਪਰ ਇਹ ਸੱਚਮੁੱਚ ਡਰਾਉਣਾ ਸੀ।' ਪੂਜਾ ਹੇਗੜੇ ਦੇ ਇਸ ਟਵੀਟ 'ਤੇ ਏਅਰਲਾਈਨ ਤੋਂ ਤੁਰੰਤ ਪ੍ਰਤੀਕਿਰਿਆ ਆਈ ਅਤੇ ਉਸ ਨੇ ਮੁਆਫੀ ਮੰਗੀ। ਨਾਲ ਹੀ, ਅਭਿਨੇਤਰੀ ਦੇ ਪੀਐਨਆਰ ਨੰਬਰ ਅਤੇ ਫੋਨ ਨੰਬਰ ਨੂੰ ਡੀਏ ਕਰਨ ਲਈ ਕਿਹਾ ਗਿਆ ਸੀ। ਇਸ ਟਵੀਟ 'ਤੇ ਪੂਜਾ ਹੇਗੜੇ ਦੀ ਕੋਈ ਪ੍ਰਤੀਕਿਰਿਆ ਨਹੀਂ ਆਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਅਜਿਹਾ ਪਹਿਲੀ ਵਾਰ ਨਹੀਂ ਹੋਇਆ ਹੈ ਸਗੋਂ ਇਸ ਤੋਂ ਪਹਿਲਾਂ ਵੀ ਕਈ ਕਲਾਕਾਰ ਇਸ ਤਰ੍ਹਾਂ ਦੀ ਸਥਿਤੀ ਦਾ ਸਾਹਮਣਾ ਕਰ ਚੁੱਕੇ ਹਨ।

Also Read: ਹਰਿਆਣਾ ਰਾਜ ਸਭਾ ਚੋਣਾਂ ਲਈ ਵੋਟਿੰਗ ਜਾਰੀ, ਚੰਡੀਗੜ੍ਹ ਹੁੱਡਾ ਦੀ ਰਿਹਾਇਸ਼ 'ਤੇ ਪਹੁੰਚੇ ਕਾਂਗਰਸੀ ਵਿਧਾਇਕ 

ਅਜਿਹਾ ਪ੍ਰਤੀਕਰਮ ਦੇ ਰਹੇ ਹਨ ਲੋਕ 
ਪੂਜਾ ਹੇਗੜੇ ਦੇ ਇਸ ਟਵੀਟ 'ਤੇ ਲੋਕ ਮਿਲੀ-ਜੁਲੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਪੂਜਾ ਹੇਗੜੇ ਦਾ ਟਵੀਟ ਪੜ੍ਹਦੇ ਹੀ ਕੁਝ ਲੋਕ ਉਸ ਦਾ ਸਮਰਥਨ ਕਰਦੇ ਨਜ਼ਰ ਆ ਰਹੇ ਹਨ। ਇਸ ਦੇ ਨਾਲ ਹੀ ਕੁਝ ਲੋਕ ਪੂਜਾ ਹੇਗੜੇ ਨੂੰ ਉਲਟਾ ਸੁਣਾ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ ਹੈ ਕਿ ਪੂਜਾ ਨੂੰ ਇਸ ਤਰ੍ਹਾਂ ਸਟਾਫ ਦਾ ਨਾਂ ਨਹੀਂ ਲੈਣਾ ਚਾਹੀਦਾ ਸੀ ਅਤੇ ਹੁਣ ਇਸ ਕਾਰਨ ਉਸ ਦੀ ਨੌਕਰੀ ਵੀ ਚਲੀ ਜਾਵੇਗੀ।