ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:– ਮੰਗਲਵਾਰ ਨੂੰ ਕਾਂਗਰਸ ਨੇਤਾ ਜਯੋਤੀਰਾਦਿੱਤਿਆ ਸਿੰਧੀਆ ਦੇ ਅਸਤੀਫ਼ੇ ਕਾਰਨ ਮੱਧ ਪ੍ਰਦੇਸ਼ ਦੇ ਰਾਜਨੀਤਿਕ ਸੰਕਟ ਨੂੰ ਲੈ ਕੇ ਕਾਂਗਰਸ ਨੇਤਾ ਗੌਰਵ ਗੋਗੋਈ ਨੇ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਨੂੰ ਨਿਸ਼ਾਨਾ ਬਣਾਇਆ ਹੈ। ਸਿੰਧੀਆ ਨੇ ਦਿੱਲੀ ਵਿੱਚ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨਾਲ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਮੁਲਾਕਾਤ ਤੋਂ ਕੁਝ ਮਿੰਟਾਂ ਬਾਅਦ ਪਾਰਟੀ ਤੋਂ ਅਸਤੀਫ਼ਾ ਦੇਣ ਦਾ ਐਲਾਨ ਕੀਤਾ ਸੀ। ਸਿੰਧੀਆ ਬੁਧਵਾਰ ਦੁਪਹਿਰ 2 ਵਜੇ ਭਾਜਪਾ ਦਾ ਹਿੱਸਾ ਬਣਨਗੇ।
“ਆਰਥਿਕ ਤੰਗੀ ਦੇ ਸਮੇਂ, ਭਾਜਪਾ ਦੀ ਤਰਜੀਹ ਸਥਿਰ ਸਰਕਾਰ ਨੂੰ ਢਹਿ ਢੇਰੀ ਕਰਨਾ, ਇਹ ਦਰਸਾਉਂਦਾ ਹੈ ਕਿ, ਪਾਰਟੀ ਆਰਥਿਕ ਮੁੱਦਿਆਂ ਵਿੱਚ ਕੋਈ ਰੁਚੀ ਨਹੀਂ ਰੱਖਦੀ। ਅਸੀਂ ਦੇਖਿਆ ਹੈ ਕਿ, ਕਰਨਾਟਕ ਵਿੱਚ ਭਾਜਪਾ ਨੇ ਕੀ ਕੀਤਾ ਹੈ, ਜੇਕਰ ਲੋਕ ਐਮ ਪੀ ਵਿੱਚ ਭਾਜਪਾ ਚਾਹੁੰਦੇ ਤਾਂ ਉਹ ਉਨ੍ਹਾਂ ਨੂੰ ਵੋਟ ਦਿੰਦੇ। ਜੇ ਲੋਕ ਨਿੱਜੀ ਕਾਰਨਾਂ ਕਰਕੇ ਕਾਂਗਰਸ ਨੂੰ ਛੱਡ ਦਿੰਦੇ ਹਨ, ਤਾਂ ਇਹ ਦੁਖੀ ਹੈ, ”ਸੰਸਦ ਵਿੱਚ ਪਿਛਲੇ ਹਫਤੇ ਹੰਗਾਮੇ ਕਾਰਨ ਅਯੋਗ ਹੋਣ ਦਾ ਸਾਹਮਣਾ ਕਰ ਰਹੇ ਸੱਤ ਸੰਸਦ ਮੈਂਬਰਾਂ ਵਿੱਚੋਂ ਇੱਕ, ਗੋਗੋਈ ਨੇ ਕਿਹਾ। ਉਹ ਅਸਾਮ ਦੇ ਕਾਲੀਆਬਰ ਤੋਂ ਸੰਸਦ ਮੈਂਬਰ ਹਨ।
ਇਸ ਦੌਰਾਨ, ਕਾਂਗਰਸ ਵਿਧਾਇਕ ਦਲ ਨੇ ਸਿੰਧੀਆ ਦੇ ਅਸਤੀਫੇ ਤੋਂ ਬਾਅਦ ਮੰਗਲਵਾਰ ਸ਼ਾਮ ਨੂੰ ਮੱਧ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਕਮਲਨਾਥ ਦਾ ਸਮਰਥਨ ਕਰਦਿਆਂ ਇੱਕ ਮਤਾ ਪਾਸ ਕੀਤਾ। ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਨੂੰ ਦਿੱਤੇ ਆਪਣੇ ਅਸਤੀਫ਼ੇ ਦੇ ਪੱਤਰ ਵਿੱਚ, ਸਿੰਧੀਆ ਨੇ ਲਿਖਿਆ, “ਹਾਲਾਂਕਿ ਮੈ ਤੇ ਮੇਰਾ ਉਦੇਸ਼ ਪਹਿਲਾਂ ਵਾਂਗ ਹੀ ਰਹੇ ਹਨ, ਮੇਰੇ ਰਾਜ ਅਤੇ ਦੇਸ਼ ਦੇ ਲੋਕਾਂ ਦੀ ਸੇਵਾ ਕਰਨਾ, ਮੇਰਾ ਕੰਮ ਹੈ ਪਰ ਮੈਂਨੂੰ ਹੁਣ ਅਜਿਹਾ ਮਹਿਸੂਸ ਹੁੰਦਾ ਹੈ ਕਿ, ਇਸ ਪਾਰਟੀ ਦੇ ਅੰਦਰ ਅਜਿਹਾ ਕਰਨ ਤੋਂ ਮੈ ਅਸਮਰੱਥ ਹਾਂ”।
— Jyotiraditya M. Scindia (@JM_Scindia) March 10, 2020
ਇਕ ਭਾਜਪਾ ਕਾਰਜਕਰਤਾ ਨੇ ਕਿਹਾ, “ਹੁਣ ਤੱਕ ਅਜਿਹਾ ਲੱਗਦਾ ਹੈ ਕਿ, ਉਹ [ਸਿੰਧੀਆ] ਰਸਮੀ ਤੌਰ ‘ਤੇ ਭਾਜਪਾ ਵਿੱਚ ਸ਼ਾਮਲ ਹੋਣਗੇ ਅਤੇ ਉਨ੍ਹਾਂ ਦੇ ਨਾਮ ਦਾ ਮਤਾ ਮੱਧ ਪ੍ਰਦੇਸ਼ ਵਿੱਚ ਭਾਜਪਾ ਦੇ ਪੱਖ ਤੋਂ [ਰਾਜ ਸਭਾ] ਦੇ ਉਮੀਦਵਾਰ ਵਜੋਂ ਪੇਸ਼ ਕੀਤਾ ਜਾ ਸਕਦਾ ਹੈ।”ਹਾਲਾਂਕਿ ਸਿੰਧੀਆ ਨੇ ਅੱਗੇ ਕੋਈ ਐਲਾਨ ਨਹੀਂ ਕੀਤਾ ਹੈ, ਭਾਜਪਾ ਨੇਤਾ ਅਤੇ ਸਿੰਧੀਆ ਦੀ ਮਾਸੀ, ਯਸ਼ੋਧਰਾ ਸਿੰਧੀਆ ਨੇ ਆਪਣੇ ਫੈਸਲੇ ਨੂੰ “ਘਰ ਵਾਪਸੀ” ਦੱਸਿਆ ਹੈ।
ਕਾਂਗਰਸ ਅਤੇ ਬੀਜੇਪੀ ਆਪਣੇ ਵਿਧਾਇਕਾਂ ਦੀ ਰਾਖੀ ਲਈ ਚਲੇ ਗਏ ਹਨ ਕਿਉਂਕਿ ਮੱਧ ਪ੍ਰਦੇਸ਼ ਵਿੱਚ ਸੱਤਾ ਦੀ ਲੜਾਈ ਹੁਣ ਘੱਟ ਰਹੀ ਹੈ, ਅਤੇ ਛੇ ਮੰਤਰੀਆਂ ਸਣੇ 22 ਵਿਧਾਇਕਾਂ ਨੇ ਅਸਤੀਫ਼ਾ ਦੇ ਦਿੱਤਾ ਹੈ।