ਨਵੀਂ ਦਿੱਲੀ- ਭਾਰਤੀ ਮੁਕਾਬਲੇਬਾਜ਼ੀ ਕਮਿਸ਼ਨ (CCI) ਨੇ ਪ੍ਰਮੁੱਖ ਭੋਜਨ ਡਿਲੀਵਰੀ ਕੰਪਨੀਆਂ Swiggy ਅਤੇ Zomato ਦੇ ਖਿਲਾਫ ਜਾਂਚ ਦੇ ਹੁਕਮ ਦਿੱਤੇ ਹਨ। ਸੀਸੀਆਈ ਨੇ ਇਨ੍ਹਾਂ ਕੰਪਨੀਆਂ ਦੇ ਸੰਚਾਲਨ ਅਤੇ ਕਾਰੋਬਾਰੀ ਮਾਡਲ ਦੀ ਜਾਂਚ ਦੇ ਹੁਕਮ ਦਿੱਤੇ ਹਨ। ਕਮਿਸ਼ਨ ਨੇ ਮੁਕਾਬਲੇ ਐਕਟ ਦੀ ਧਾਰਾ 3(1) ਅਤੇ 3(4) ਦੀ ਕਥਿਤ ਉਲੰਘਣਾ ਦੀ ਜਾਂਚ ਦੇ ਹੁਕਮ ਦਿੱਤੇ ਹਨ।
Also Read: ਚੰਡੀਗੜ੍ਹ ਤੇ SYL ਮੁੱਦੇ ‘ਤੇ ਹਰਿਆਣਾ ਵਿਧਾਨ ਸਭਾ ‘ਚ ਨਿੰਦਾ ਪ੍ਰਸਤਾਵ ਪੇਸ਼, ਕੇਂਦਰ ਸਰਕਾਰ ਨੂੰ ਕੀਤੀ ਦਖਲ ਦੀ ਮੰਗ
CCI ਨੇ ਆਪਣੇ ਹੁਕਮ ਵਿੱਚ ਕਹੀ ਇਹ ਗੱਲ
ਸੀਸੀਆਈ ਨੇ 4 ਅਪ੍ਰੈਲ 2022 ਦੇ ਆਪਣੇ ਹੁਕਮ ਵਿੱਚ ਕਿਹਾ ਹੈ ਕਿ ਮੁੱਖ ਤੌਰ ‘ਤੇ ਜ਼ੋਮੈਟੋ ਅਤੇ ਸਵਿਗੀ ਦੇ ਕੁਝ ਕੰਡਕਟ ਦੇ ਮੱਦੇਨਜ਼ਰ ਡਾਇਰੈਕਟਰ ਜਨਰਲ (ਡੀਜੀ) ਦੁਆਰਾ ਜਾਂਚ ਜ਼ਰੂਰੀ ਜਾਪਦੀ ਹੈ। ਜਾਂਚ ਦੇ ਜ਼ਰੀਏ ਇਹ ਪਤਾ ਲਗਾਇਆ ਜਾ ਸਕਦਾ ਹੈ ਕਿ ਕੀ ਇਹਨਾਂ ਕੰਪਨੀਆਂ ਦਾ ਆਚਰਣ ਮੁਕਾਬਲਾ ਐਕਟ ਦੀ ਧਾਰਾ 3(1) ਅਤੇ 3(4) ਦੀ ਉਲੰਘਣਾ ਕਰਦਾ ਹੈ ਜਾਂ ਨਹੀਂ।
सम्बंधित ख़बरें
Also Read: ਅਯੁੱਧਿਆ ‘ਚ ਭਿਆਨਕ ਸੜਕ ਹਾਦਸਾ: ਬੱਸ ਪਲਟਣ ਕਾਰਨ 3 ਦੀ ਮੌਤ, 30 ਜ਼ਖਮੀ
ਡੀਜੀ ਕਰਨਗੇ ਵਿਸਥਾਰਤ ਜਾਂਚ
ਕਮਿਸ਼ਨ ਨੇ ਡੀਜੀ ਨੂੰ ਕੰਪੀਟੀਸ਼ਨ ਐਕਟ ਦੀ ਧਾਰਾ 26(1) ਦੇ ਸੰਦਰਭ ਵਿੱਚ ਵਿਸਤ੍ਰਿਤ ਜਾਂਚ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ। ਕਮਿਸ਼ਨ ਨੇ ਡੀਜੀ ਨੂੰ ਇਹ ਹੁਕਮ ਮਿਲਣ ਦੇ 60 ਦਿਨਾਂ ਦੇ ਅੰਦਰ ਮੁਕਾਬਲੇ ਕਮਿਸ਼ਨ ਨੂੰ ਜਾਂਚ ਦੀ ਰਿਪੋਰਟ ਸੌਂਪਣ ਲਈ ਕਿਹਾ ਹੈ।
Also Read: ਜਾਨ ‘ਤੇ ਖੇਡ ਪੁਲਿਸ ਮੁਲਾਜ਼ਮ ਨੇ ਬਚਾਈ ਮਾਸੂਮ ਬੱਚੇ ਸਣੇ 3 ਲੋਕਾਂ ਦੀ ਜਾਨ, ਹਰ ਕੋਈ ਕਰ ਰਿਹੈ ਤਾਰੀਫ
ਜਾਣੋਂ ਕੀ ਹੈ ਪੂਰਾ ਮਾਮਲਾ
ਨੈਸ਼ਨਲ ਰੈਸਟੋਰੈਂਟ ਐਸੋਸੀਏਸ਼ਨ ਆਫ ਇੰਡੀਆ (ਐੱਨ.ਆਰ.ਏ.ਆਈ.) ਦੀ ਸ਼ਿਕਾਇਤ ‘ਤੇ ਇਨ੍ਹਾਂ ਕੰਪਨੀਆਂ ਖਿਲਾਫ ਜਾਂਚ ਦੇ ਹੁਕਮ ਦਿੱਤੇ ਗਏ ਹਨ। NRAI ਨੇ ਦੋਸ਼ ਲਗਾਇਆ ਹੈ ਕਿ ਭਾਰਤ ਦੇ ਫੂਡ ਡਿਲੀਵਰੀ ਉਦਯੋਗ ਵਿੱਚ 90 ਪ੍ਰਤੀਸ਼ਤ ਤੋਂ ਵੱਧ ਮਾਰਕੀਟ ਹਿੱਸੇਦਾਰੀ ਵਾਲੇ ਐਗਰੀਗੇਟਰ ਕੁਝ ਖਾਸ ਰੈਸਟੋਰੈਂਟ ਭਾਈਵਾਲਾਂ ਲਈ ਭਾਰੀ ਛੋਟਾਂ, ਵਿਸ਼ੇਸ਼ ਟਾਈ-ਅੱਪ ਅਤੇ ਤਰਜੀਹਾਂ ਦੀ ਪੇਸ਼ਕਸ਼ ਕਰਕੇ ਭਾਰਤ ਦੇ ਮੁਕਾਬਲੇ ਦੇ ਕਾਨੂੰਨ ਦੀ ਉਲੰਘਣਾ ਕਰ ਰਹੇ ਹਨ। ਸੰਗਠਨ ਦਾ ਦੋਸ਼ ਹੈ ਕਿ ਇਸ ਨਾਲ ਰੈਸਟੋਰੈਂਟਾਂ ਦੇ ਕਾਰੋਬਾਰ ‘ਤੇ ਅਸਰ ਪੈ ਰਿਹਾ ਹੈ ਅਤੇ ਨਵੇਂ ਰੈਸਟੋਰੈਂਟਾਂ ਨੂੰ ਇੰਡਸਟਰੀ ‘ਚ ਆਉਣ ‘ਚ ਦਿੱਕਤ ਆ ਰਹੀ ਹੈ।
ਇਸ ਤੋਂ ਬਾਅਦ ਸੀਸੀਆਈ ਨੇ ਮਹਿਸੂਸ ਕੀਤਾ ਕਿ ਐੱਨਆਰਏਆਈ ਦੁਆਰਾ ਕਹੀਆਂ ਗਈਆਂ ਕੁਝ ਗੱਲਾਂ ਦੀ ਜਾਂਚ ਹੋਣੀ ਚਾਹੀਦੀ ਹੈ। ਇਸ ਤੋਂ ਇਲਾਵਾ ਰੈਸਟੋਰੈਂਟ ਬਾਡੀ ਨੇ ਭੁਗਤਾਨ ਚੱਕਰ ‘ਚ ਦੇਰੀ, ਸਮਝੌਤੇ ‘ਚ ਇਕਪਾਸੜ ਧਾਰਾਵਾਂ ਲਗਾਉਣ, ਵੱਧ ਕਮਿਸ਼ਨ ਵਸੂਲਣ ਵਰਗੇ ਕਈ ਦੋਸ਼ ਲਗਾਏ ਹਨ।