ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:- ਕਰਤਾਰਪੁਰ ਲਾਂਘੇ ਲਈ ਭਾਰਤ ਵੱਲੋਂ ਸਿਰਫ ਜੁਬਾਨੀ ਪ੍ਰਬੰਧ ਹੀ ਅਮਲ ਵਿੱਚ ਲਾਏ ਗਏ ਹਨ ਪਰ ਇਸਦੀ ਸ਼ੁਰੂਆਤ ਹਾਲੇ ਵੀ ਨਹੀਂ ਹੋਈ ਹੈ। ਪਰ ਇਸਦੇ ਚੱਲਜੇ ਡੇਰਾ ਬਾਬਾ ਨਾਨਕ ਹਿੰਦੂਸਤਾਨ-ਪਾਕਿਸਤਾਨ ਸਰਹੱਦ ਤੇ ਕਰਤਾਰਪੁਰ ਸਾਹਿਬ ਦੇ ਦਰਸ਼ਨਾਂ ਲਈ ਸੰਗਤ ਜਿਹੜੀਆ ਦੁਰਬੀਨਾਂ ਦੀ ਵਰਤੋਂ ਕਰਦੀਆਂ ਸੀ ਉਹਨਾਂ ਦੁਰਬੀਨਾਂ ਨੂੰ ਵੀ ਹਟਾਂ ਦਿੱਤਾ ਗਿਆ ਹੈ ਜਿਸ ਕਾਰਨ ਸੰਗਤਾਂ ਨੂੰ ਨਿਰਾਸ਼ਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਦੱਸ ਦਈਏ ਕਿ ਪੰਜਾਬ ਸਰਕਾਰ ਵੱਲੋਂ ਸੰਗਤਾਂ ਲਈ ਕਰਤਾਰਪੁਰ ਸਾਹਿਬ ਦੇ ਦਰਸ਼ਨਾਂ ਦੇ ਲਈ ਦੁਰਬੀਨਾਂ ਲਗਵਾਈਆਂ ਗਈਆ ਸੀ ਜਿਸ ਨਾਲ ਸੰਗਤ ਦੁਰਬੀਨਾਂ ਰਾਹੀ ਕਰਤਾਰਪੁਰ ਸਾਹਿਬ ਦੇ ਦਰਸ਼ਨ ਕਰ ਸਕਦੀਆਂ ਸੀ।
ਦਸ ਦਈਏ ਕਿ ਇਸ ਮਾਮਲੇ ਤੇ ਕੋਈ ਵੀ ਅਧਿਕਾਰੀ ਬੋਲਣ ਲਈ ਤਿਆਰ ਨਹੀਂ ਹੈ ਕਿ ਇਹਨਾਂ ਦੁਰਬੀਨਾਂ ਨੂੰ ਕਿਸਨੇ ਅਤੇ ਕਿਉ ਹਟਾਈਆ ਹੈ। ਦਰਸ਼ਨਾ ਲਈ ਆਉਂਦੀਆਂ ਸੰਗਤਾਂ ਦਾ ਕਹਿਣਾ ਹੈ ਕਿ ਅਧਿਕਾਰੀਆਂ ਨੂੰ ਦੁਰਬੀਨਾਂ ਲਗਵਾ ਦੇਣੀਆਂ ਚਾਹੀਦਿਆਂ ਹਨ। ਜਿਸ ਨਾਲ ਦੂਰ ਦੇਸ਼ਾਂ ਤੋਂ ਆਉਂਦੀਆਂ ਸੰਗਤਾਂ ਨੂੰ ਦਰਸ਼ਨ ਕਰਨ ਵਿੱਚ ਕੋਈ ਪਰੇਸ਼ਾਨੀ ਨਾ ਆਵੇ।


