ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:- ਭਾਰਤ ਦੀ ਮਹਾਨ ਟੈਨਿਸ ਖਿਡਾਰੀ ਸਾਨੀਆ ਮਿਰਜ਼ਾ ਨੇ ਮੁੜ ਖੇਡ ‘ਚ ਡਬਲਯੂਟੀਏ ਸਰਕਟ ਵਿੱਚ ਜਿੱਤ ਤੋਂ ਵਾਪਸੀ ਕੀਤੀ ਹੈ। 33 ਸਾਲਾਂ ਸਾਨੀਆ ਨੇ ਮੰਗਲਵਾਰ ਨੂੰ ਹੋਬਾਰਟ ਇੰਟਰਨੈਸ਼ਨਲ ਟੂਰਨਾਮੈਂਟ ਦੇ ਮਹਿਲਾ ਡਬਲਜ਼ ਕੁਆਰਟਰ ਫਾਈਨਲ ‘ਚ ਆਪਣੀ ਜਗ੍ਹਾ ਬਣਾਈ।
ਦੋ ਸਾਲਾਂ ਬਾਅਦ ਕੋਰਟ ‘ਤੇ ਵਾਪਸੀ ਕਰਦਿਆਂ ਸਾਨੀਆ ਅਤੇ ਉਨ੍ਹਾਂ ਦੀ ਯੂਕ੍ਰੇਨ ਦੀ ਸਾਥੀ ਨਾਦੀਆ ਕਿਥਨੋਕ ਨੇ ਜਾਰਜੀਆ ਦੀ ਓਕਸਾਨਾ ਕਲਾਸ਼ਨੀਕੋਵਾ ਅਤੇ ਜਪਾਨ ਦੀ ਮੀਯੂ ਕੇਟੋ ਦੀ ਜੋੜੀ ਨੂੰ ਹਰਾਇਆ ਹੈ। ਇਕ ਘੰਟੇ 41 ਮਿੰਟ ਤੱਕ ਚੱਲੇ ਮੈਚ ‘ਚ ਸਾਨੀਆ ਦੀ ਜੋੜੀ ਨੇ 2-6 7-6 (3) 10-3 ਨਾਲ ਜਿੱਤ ਹਾਸਲ ਕੀਤੀ।
ਸਾਨੀਆ ਨੇ ਖੋਲ੍ਹਿਆ ਰਾਜ
ਸਾਨੀਆ ਨੇ ਆਖਰੀ ਵਾਰ ਹੋਬਾਰਟ ਪਰਤਣ ਤੋਂ ਪਹਿਲਾਂ ਅਕਤੂਬਰ 2017 ‘ਚ ਚਾਈਨਾ ਓਪਨ ਵਿੱਚ ਹਿੱਸਾ ਲਿਆ ਸੀ। ਦੋ ਸਾਲ ਟੈਨਿਸ ਤੋਂ ਦੂਰ ਰਹਿੰਦਿਆਂ ਮਾਂ ਬਣਨ ਲਈ ਰਸਮੀ ਬਰੇਕ ਲੈਣ ਤੋਂ ਪਹਿਲਾਂ ਉਨ੍ਹਾਂ ਨੂੰ ਸੱਟ ਆਈ ਸੀ। ਦੱਸ ਦਈਏ ਸਾਨੀਆ ਨੇ ਮਾਂ ਬਣਨ ਤੋਂ ਬਾਅਦ ਇਹ ਪਹਿਲਾ ਮੈਚ ਜਿੱਤੀਆ ਹੈ। ਜਿੱਤਣ ਦੀ ਖੁਸ਼ੀ ਵਿੱਚ ਸਾਨੀਆ ਨੇ ਆਪਣੇ ਟਵਿਟਰ ਹੈਂਡਲ ‘ਤੇ ਟਵੀਟ ਕਰਦਿਆਂ ਲਿਖਿਆ ਕਿ, ਅੱਜ ਮੇਰੀ ਜ਼ਿੰਦਗੀ ਦਾ ਸਭ ਤੋਂ ਖਾਸ ਦਿਨ ਸੀ।
Today was one of the most special days of my https://t.co/OmE4Vq7KlQ have my parents and my little baby boy wit me in my first match after so long..and we WON our first round.feel very grateful for the love I am receiving.. BELIEF!! Takes you places 🙃YES my baby boy,we did it💪🏽 pic.twitter.com/xxPQ4E2IFE
— Sania Mirza (@MirzaSania) January 14, 2020
ਸਾਨੀਆ ਨੇ ਰੋਹਨ ਬੋਪੰਨਾ ਨਾਲ ਸਾਲ ਦੇ ਪਹਿਲੇ ਗ੍ਰੈਂਡ ਸਲੈਮ ਆਸਟਰੇਲੀਆਈ ਓਪਨ ਵਿੱਚ ਟੀਮ ਬਣਾਉਣ ਦਾ ਫੈਸਲਾ ਕੀਤਾ ਹੈ। ਦਰਅਸਲ, ਰਾਜੀਵ ਰਾਮ ਇਸ ਟੂਰਨਾਮੈਂਟ ਤੋਂ ਪਿੱਛੇ ਹਟ ਗਏ ਹਨ, ਜਿਨ੍ਹਾਂ ਨਾਲ ਸਾਨੀਆ ਨੇ ਸ਼ੁਰੂਆਤ ਵਿੱਚ ਜੋੜੀ ਬਣਾਉਣ ਦੀ ਯੋਜਨਾ ਬਣਾਈ ਸੀ।