ਗੁਰਦਾਸਪੁਰ: ਗੁਰਦਾਸਪੁਰ ਦੇ ਇਤਿਹਾਸਕ ਕਸਬੇ ਕਲਾਨੌਰ ਤੋਂ ਇੱਕ ਬਹੁਤ ਹੀ ਪ੍ਰੇਰਣਾਦਾਇਕ ਮਾਮਲਾ ਸਾਹਮਣੇ ਆਇਆ ਹੈ। ਗ੍ਰਾਮ ਪੰਚਾਇਤ ਜੈਲਦਾਰਾਂ ਦੇ ਮਰਹੂਮ ਸਰਪੰਚ ਸੁਰਿੰਦਰ ਵਿੱਜ ਦੀ ਦਸਵੀਂ ਬਰਸੀ ਨੂੰ ਉਨ੍ਹਾਂ ਦੇ ਪਰਿਵਾਰ ਵੱਲੋਂ ਬਹੁਤ ਹੀ ਵਿਲੱਖਣ ਅਤੇ ਧਾਰਮਿਕ ਢੰਗ ਨਾਲ ਮਨਾਇਆ ਗਿਆ। ਮਰਹੂਮ ਸਰਪੰਚ ਦੇ ਸਮਾਜ ਸੇਵਕ ਪੁੱਤਰ ਨਰਿੰਦਰ ਵਿੱਜ ‘ਨੀਤੀ’ ਵੱਲੋਂ ਗੁਰਦਾਸਪੁਰ ਦਾ ਪੂਰਾ ਏ.ਜੀ.ਐੱਮ.ਏ. ਥੀਏਟਰ (AGMA Theatre) ਬੁੱਕ ਕਰਵਾ ਕੇ 200 ਤੋਂ ਵੱਧ ਰਾਮ ਭਗਤਾਂ ਨੂੰ ‘ਹਨੂੰਮਾਨ ਅੰਸ਼’ ਫ਼ਿਲਮ ਦਿਖਾਈ ਗਈ।
ਧਾਰਮਿਕ ਸ਼ਖ਼ਸੀਅਤਾਂ ਦੀ ਹਾਜ਼ਰੀ ਅਤੇ ਸਨਮਾਨ ਸਮਾਰੋਹ
ਇਸ ਵਿਸ਼ੇਸ਼ ਮੌਕੇ ‘ਤੇ ਛੋਟੇ ਦੇਵਾ ਕਲਾਨੌਰ, ਬਾਬਾ ਰਮਾ ਅਤੇ ਹੋਰ ਪ੍ਰਮੁੱਖ ਧਾਰਮਿਕ ਸ਼ਖ਼ਸੀਅਤਾਂ ਨੇ ਵਿਸ਼ੇਸ਼ ਤੌਰ ‘ਤੇ ਸ਼ਿਰਕਤ ਕੀਤੀ। ਥੀਏਟਰ ਵਿੱਚ ਫ਼ਿਲਮ ਦੇਖਣ ਪਹੁੰਚੇ ਸਮੂਹ ਭਗਤਾਂ ਨੂੰ ਧਾਰਮਿਕ ਰੀਤੀ-ਰਿਵਾਜਾਂ ਤਹਿਤ ਸਿਰਪաਓ ਭੇਟ ਕੀਤੇ ਗਏ। ਇਸ ਦੇ ਨਾਲ ਹੀ ਅਸ਼ੋਕ ਸੋਹੀ ਵੱਲੋਂ ਸੰਗਤਾਂ ਨੂੰ ਮਰਹੂਮ ਸੁਰਿੰਦਰ ਵਿੱਜ ਦੀ ਜੀਵਨੀ ਅਤੇ ਉਨ੍ਹਾਂ ਦੇ ਸਮਾਜ ਸੇਵੀ ਕਾਰਜਾਂ ਬਾਰੇ ਵਿਸਥਾਰ ਨਾਲ ਜਾਣੂ ਕਰਵਾਇਆ ਗਿਆ। ਸੰਗਤਾਂ ਦੀ ਸਹੂਲਤ ਲਈ ਵਿਸ਼ੇਸ਼ ਤੌਰ ‘ਤੇ ਲੰਗਰ ਵੀ ਲਗਾਏ ਗਏ।
ਸਮਾਜ ਸੇਵਾ ਅਤੇ ਧਾਰਮਿਕ ਰੁਝਾਨ ਨੂੰ ਸਮਰਪਿਤ ਉਪਰਾਲਾ
ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਨਰਿੰਦਰ ਵਿੱਜ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪਿਤਾ ਮਰਹੂਮ ਸੁਰਿੰਦਰ ਵਿੱਜ ਦੀ ਯਾਦ ਨੂੰ ਸਮਰਪਿਤ ਪਿਛਲੇ ਸਾਲਾਂ ਵਿੱਚ ਵੀ ਕਈ ਸਮਾਜ ਭਲਾਈ ਦੇ ਕਾਰਜ ਕੀਤੇ ਜਾਂਦੇ ਰਹੇ ਹਨ। ਜਿਵੇਂ ਕਿ ਕਰੋਨਾ ਮਹਾਮਾਰੀ ਦੌਰਾਨ ਲੋੜਵੰਦਾਂ ਦੀ ਮਦਦ, ਵਿਸ਼ਾਲ ਮੈਡੀਕਲ ਕੈਂਪਾਂ ਦਾ ਆਯੋਜਨ, ਸਕੂਲੀ ਵਿਦਿਆਰਥੀਆਂ ਨੂੰ ਪੜ੍ਹਾਈ ਦੀ ਸਮੱਗਰੀ ਦੀ ਵੰਡ ਆਦਿ।
सम्बंधित ख़बरें
ਪਰ ਇਸ ਵਾਰ ਬਰਸੀ ਨੂੰ ਹੋਰ ਵੀ ਯਾਦਗਾਰ ਬਣਾਉਂਦੇ ਹੋਏ ਰਾਮ ਭਗਤਾਂ ਨੂੰ ‘ਹਨੂੰਮਾਨ ਅੰਸ਼’ ਫ਼ਿਲਮ ਦਿਖਾਉਣ ਦੇ ਨਾਲ-ਨਾਲ ਧਾਰਮਿਕ ਸਮਾਗਮ ਕਰਵਾਏ ਗਏ ਅਤੇ ਸੀਤਾ-ਰਾਮ ਦਾ ਜਾਪ ਵੀ ਕੀਤਾ ਗਿਆ।
ਸੰਗਤਾਂ ਦਾ ਪ੍ਰਤੀਕਰਮ
ਫ਼ਿਲਮ ਦੇਖਣ ਆਏ ਭਗਤਾਂ ਨੇ ਇਸ ਉਪਰਾਲੇ ਦੀ ਭਰਪੂਰ ਸ਼ਲਾਘਾ ਕੀਤੀ। ਉਨ੍ਹਾਂ ਦਾ ਕਹਿਣਾ ਸੀ ਕਿ ਅਜੋਕੇ ਸਮੇਂ ਵਿੱਚ ਆਪਣੇ ਵੱਡਿਆਂ-ਪੁਰਖਿਆਂ ਦੀ ਯਾਦ ਨੂੰ ਤਾਜ਼ਾ ਰੱਖਣ ਅਤੇ ਨੌਜਵਾਨ ਪੀੜ੍ਹੀ ਨੂੰ ਆਪਣੇ ਧਾਰਮਿਕ ਵਿਰਸੇ ਨਾਲ ਜੋੜਨ ਲਈ ਅਜਿਹੇ ਉਪਰਾਲੇ ਕਰਨੇ ਬੇਹੱਦ ਜ਼ਰੂਰੀ ਹਨ, ਤਾਂ ਜੋ ਬੱਚੇ ਆਪਣੀ ਸੰਸਕ੍ਰਿਤੀ ਤੋਂ ਜਾਣੂ ਹੋ ਸਕਣ।
ਹੋਰ ਖਬਰਾਂ ਪੜ੍ਹਨ ਲਈ ਇੱਥੇ ਕਰੋ ਕਲਿੱਕ
ਬੀ.ਐੱਸ.ਐੱਫ. ਅਤੇ ਦਿਹਾਤੀ ਪੁਲਿਸ ਦੀ ਵੱਡੀ ਸਫ਼ਲਤਾ, ਭਾਰੀ ਮਾਤਰਾ ਵਿੱਚ ਹਥਿਆਰ ਅਤੇ ਨਸ਼ਾ ਬਰਾਮਦ
ਖ਼ਬਰਾਂ ਦੇ ਅਪਡੇਟਸ ਲਈ LIVING INDIA NEWS 2 4/7 LIVE ਨਾਲ ਜੁੜੇ ਰਹੋ।