ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:- ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:- ਸਾਲ 2020 ਭਾਰਤੀ ਕ੍ਰਿਕਟਰ ਹਾਰਦਿਕ ਪਾਂਡਿਆ ਦੀ ਜਿੰਦਗੀ ਚ ਨਵੇ ਰੰਗ ਲੈ ਕੇ ਆਇਆ । ਭਾਰਤੀ ਤੇਜ਼ ਗੇਦਬਾਜ਼ ਹਾਰਦਿਕ ਪਾਂਡਿਆ ਨੇ ਨਵੇ ਸਾਲ ਤੇ ਅਭਿਨੇਤਰੀ, ਮਾਡਲ ਅਤੇ ਡਾਂਸਰ ਨਤਾਸ਼ਾ ਸਟਿਨਵੋਇਕ ਦੇ ਦਿਲ ਨੂੰ ਜਿੱਤਦਿਆਂ ਨਵਾਂ ਸਾਲ ਆਪਣੇ ਨਾਮ ਕਰ ਲਿਆ । ਕੱਲ੍ਹ ਨਵੇਂ ਸਾਲ ਤੇ ਮਸ਼ਹੂਰ ਭਾਰਤੀ ਕ੍ਰਿਕਟਰ ਹਾਰਦਿਕ ਪਾਂਡਿਆ ਨੇ ਅਭਿਨੇਤਰੀ ਨਤਾਸ਼ਾ ਸਟਿਨਵੋਇਕ ਨਾਲ ਮੰਗਣੀ ਦੀ ਤਸਵੀਰ ਆਪਣੇ ਇੰਸਟਾਗ੍ਰਾਮ ਅਕਾਊਟ ਤੇ ਸ਼ੇਅਰ ਕਰ ਤਰਥੱਲੀ ਜਿਹੀ ਮਚਾ ਦਿੱਤੀ ਸੀ ।
ਹੁਣ ਇਸ ਤਸਵੀਰ ਤੇ ਲੋਕਾਂ ਦੇ ਲਗਾਤਾਰ ਪ੍ਰਤੀਕਰਮ ਆ ਰਹੇ ਹਨ । ਇਸ ਤੇ ਨਤਾਸ਼ਾ ਦੇ ਸਾਬਕਾ ਬੁਆਏਫ੍ਰੈਡ ਅਲੀ ਗੋਨੀ ਨੇ ਦੋ ਦਿਲ ਵਾਲੇ ਇਮੋਜੀ ਪੋਸਟ ਕਰਕੇ ਆਪਣੀ ਪ੍ਰਤੀਕਿਰਿਆ ਜਾਹਿਰ ਕੀਤੀ ਹੈ । ਭਾਰਤੀ ਕ੍ਰਿਕਟਰ ਕੁਲਦੀਪ ਯਾਦਵ ਨੇ ਇਸ ਤੇ ਪ੍ਰਤਿਕਿਰਿਆ ਦਿੰਦੇ ਹੋਏ ਲਿਖਿਆ ਹੈ ‘ਲੱਖ-ਲੱਖ ਵਧਾਈਆਂ । ਭਾਰਤੀ ਕ੍ਰਿਕਟ ਕਪਤਾਨ ਵਿਰਾਟ ਕੋਹਲੀ ਨੇ ਵੀ ਦੋਨਾਂ ਦਿੱਤੀਆਂ ਹਨ ।
ਦੱਸ ਦੇਈਏ ਕਿ ਹਾਰਦਿਕ ਪਾਡਿਆ ਦੀ ਮੰਗਣੀ ਦੁਬਈ ਵਿਚ ਹੋਈ ਸੀ ਜਿਸ ਦੀ ਪੁਸ਼ਟੀ ਖੁਦ ਹਾਰਦਿਕ ਪਾਂਡਿਆ ਨੇ ਕੀਤੀ ਸੀ ਇਸ ਬਾਬਤ ਹਾਰਦਿਕ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਟ ਤੇ ਇਕ ਤਸਵੀਰ ਸ਼ੇਅਰ ਕਰਦੇ ਹੋਏ ਇਹ ਲਿਖਿਆ ਸੀ ਕਿ ‘ਤੂੰ ਮੇਰੀ, ਮੈ ਤੇਰਾ ਸਾਰਾ ਹਿੰਦੁਸਤਾਨ 01.01.2020 #engaged’
‘ਸਤਿਆਗ੍ਰਹਿ’ ਨਾਮੀ ਹਿੰਦੀ ਫਿਲਮ ਤੋ ਆਪਣੇ ਫਿਲਮੀ ਸਫਰ ਦੀ ਸ਼ੁਰੂਆਤ ਕਰਨ ਵਾਲੀ ਅਦਾਕਾਰਾ ਨਤਾਸ਼ਾ ਸਟਿਨਵੋਇਕ ਮੂਲ ਰੂਪ ਵਿੱਚ ਸਾਇਬੇਰੀਆ ਨਾਲ ਸੰਬੰਧਿਤ ਹੈ । ਗਾਇਕ ਤੇ ਰੈਪਰ ਬਾਦਸ਼ਾਹ ਦੇ ਗੀਤ ‘ਡੀ ਜੇ ਵਾਲੇ ਬਾਬੂ’ ਅਤੇ ‘ਮਹਿਬੂਬਾ’ ਵਰਗੇ ਗੀਤਾਂ ਵਿੱਚ ਆਪਣਾ ਜਲਵਾ ਬਖੇਰਨ ਵਾਲੀ ਨਤਾਸ਼ਾ ਸਾਬਕਾ ਬੁਆਏਫ੍ਰੈਡ ਅਲੀ ਗੋਨੀ ਨਾਲ ‘ਨੱਚ ਬੱਲੀਏ 9’ ਵਿੱਚ ਵੀ ਭਾਗ ਲੈ ਚੁੱਕੀ ਹੈ ।
