ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:– ਲੋਕਸਭਾ ਚੋਣਾਂ ਦੇ ਆਗਾਜ ਹੋਣ ਦੇ ਨਾਲ ਹੀ ਕਈ ਲੋਕਾਂ ਨੇ ਇਸ ਲੋਕਸਭਾ ਚੋਣਾਂ ‘ਚ ਹਿੱਸਾ ਲੈਣ ਲਈ ਆਪਣੀ ਦਾਅਵੇਦਾਰੀ ਪੇਸ਼ ਕੀਤੀ ਹੈ। ਨਾਲ ਹੀ ਕਈਆਂ ਵੱਲੋਂ ਇਹਨਾਂ ਲੋਕਸਭਾ ਚੋਣਾਂ ਨੂੰ ਲੜਣ ਲਈ ਅੱਗੇ ਵੀ ਆਏ ਹਨ। ਇਸੇ ਤਰ੍ਹਾਂ ਹੀ ਲੁਧਿਆਣਾ ਲੋਕਸਭਾ ਹਲਕੇ ਤੋਂ ਬਰਗਰ ਦੀ ਰੇਹੜੀ ਲਾਉਣ ਵਾਲੇ ਰਵਿੰਦਰਪਾਲ ਸਿੰਘ ਵੀ ਚੋਣ ਲੜ ਰਹੇ ਹਨ। ਇਹਨਾਂ ਨੇ ਆਪਣਾ ਨਾਮਜ਼ਦਗੀ ਪੱਤਰ ਵੀ ਸੌਂਪ ਦਿੱਤਾ ਹੈ।
ਉੱਥੇ ਹੀ ਲੋਕਸਭਾ ਚੋਣਾਂ ਨੂੰ ਲੈਕੇ ਉਹਨਾਂ ਨੂੰ ਇਕ ਸੁਰੱਖਿਆ ਲਈ ਪੰਜਾਬ ਸਰਕਾਰ ਵੱਲੋਂ ਇਕ ਗੰਨਮੈਨ ਮੁੱਹਈਆ ਕਰਵਾਇਆ ਗਿਆ ਹੈ ਜੋ ਕਿ 23 ਮਈ ਯਾਨੀ ਕਿ ਵੋਟਾਂ ਦੀ ਗਿਣਤੀ ਤੱਕ ਉਹਨਾਂ ਦੇ ਨਾਲ ਰਹਿਣਗੇ। ਉੱਥੇ ਹੀ ਦਸ ਦਈਏ ਕਿ ਬਰਗਰ ਬਾਬਾ ਰਵਿੰਦਰਪਾਲ ਸਿੰਘ ਕੋਲ ਦੋ ਕਮਰੇ ਹਨ ਜਿਹਨਾਂ ਵਿੱਚੋਂ ਇਕ ਚ ਉਹ ਆਪਣੀ ਮਾਂ ਦੇ ਨਾਲ ਰਹਿੰਦੇ ਹਨ ਤੇ ਦੂਜੇ ਚ ਉਹ ਬਰਗਰ ਤਿਆਰ ਕਰਦੇ ਹਨ। ਹੁਣ ਸਵਾਲ ਇਹ ਖੜਾ ਇਹ ਹੁੰਦਾ ਹੈ ਕਿ ਉਹ ਆਪਣੇ ਗੰਨਮੈਨ ਨੂੰ ਕਿੱਥੇ ਰੱਖਣਗੇ।
ਦੱਸਿਆ ਜਾ ਰਿਹਾ ਹੈ ਕਿ ਬਰਗਰ ਬਾਬਾ ਨੇ ਆਪਣੇ ਗੰਨਮੈਨ ਦੇ ਲਈ ਇਕ ਕਿਰਾਏ ਦਾ ਕਮਰਾ ਲਿਆ ਹੈ ਨਾਲ ਹੀ ਬਰਗਰ ਬਾਬਾ ਕੋਲ ਇਕ ਹੀ ਸਕੂਟਰ ਹੋਣ ਦੇ ਕਾਰਨ ਉਹ ਆਪਣੇ ਨਾਲ ਇਕ ਹੀ ਗੰਨਮੈਨ ਨੂੰ ਲੈ ਕੇ ਰੇਹੜੀ ਤੱਕ ਜਾਂਦੇ ਹਨ ਤੇ ਦੂਜੇ ਨੂੰ ਘਰ ਛੱਡ ਦੰਦੇ ਹਨ। ਦੱਸਣਯੋਗ ਗੱਲ ਹੈ ਕਿ ਬਰਗਰ ਬਾਬਾ ਦੋ ਗੰਨਮੈਨਾਂ ਨੂੰ ਨਾਲ ਲੈਕੇ ਜਾਣ ਚ ਕਾਫੀ ਦਿੱਕਤਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।