ਮੁੰਬਈ (ਇੰਟ.)- 56 ਸਾਲਾ ਫ਼ਿਲਮ ਨਿਰਦੇਸ਼ਕ ਅਤੇ ਕੋਰੀਓਗ੍ਰਾਫਰ ਫਰਹਾ ਖਾਨ ਅੱਜ ਬੁੱਧਵਾਰ ਕੋਰੋਨਾ ਪਾਜ਼ੀਟਿਵ ਪਾਈ ਗਈ। ਉਸ ਨੇ ਕਿਹਾ ਕਿ ਕੋਰੋਨਾ ਵੈਕਸੀਨ ਲਗਵਾਉਣ ਦੇ ਬਾਵਜੂਦ ਉਹ ਕੋਰੋਨਾ ਪਾਜ਼ੀਟਿਵ ਹੋ ਗਈ ਹੈ। ਇਸ ਲਈ ਕੁਝ ਸਮੇਂ ਲਈ ਫਰਾਹ ਖਆਨ ਨੇ ਕਾਮੇਡੀ ਸ਼ੋਅ ਤੋਂ ਬ੍ਰੇਕ ਲਿਆ ਹੈ। ਫਰਾਹ ਦੀ ਥਾਂ ਹੁਣ ਸ਼ੋਅ ਵਿਚ ਮੀਕਾ ਸਿੰਘ ਨਜ਼ਰ ਆਉਣਗੇ। ਫਰਾਹ ਨੇ ਇੰਸਟਾ ਸਟੋਰੀ ‘ਤੇ ਕੋਰੋਨਾ ਹੋਣ ਦੀ ਜਾਣਕਾਰੀ ਦਿੱਤੀ ਹੈ। ਉਨ੍ਹਾਂ ਨੇ ਪੋਸਟ ਵਿਚ ਲਿਖਿਆ- ਮੈਂ ਹੈਰਾਨ ਹਾਂ ਕਿ ਇਹ ਇਸ ਲਈ ਹੋਇਆ ਕਿਉਂਕਿ ਮੈਂ ਕਾਲਾ ਟੀਕਾ ਨਹੀਂ ਲਗਾਇਆ ਸੀ।
Read more- ਬਾਲੀਵੁੱਡ ਅਭਿਨੇਤਰੀ ਸਾਇਰਾ ਬਾਨੋ ਦੀ ਵਿਗੜੀ ਸਿਹਤ, ਹਸਪਤਾਲ ਦਾਖਲ
सम्बंधित ख़बरें
ਜਦੋਂ ਕਿ ਮੈਂ ਵੈਕਸੀਨ ਦੀਆਂ ਦੋ ਡੋਜ਼ ਲੈ ਚੁੱਕੀ ਹਾਂ। ਡਬਲ ਵੈਕਸੀਨ ਲੱਗੇ ਹੋਏ ਲੋਕਾਂ ਦੇ ਨਾਲ ਹੀ ਮੈਂ ਜ਼ਿਆਦਾਤਰ ਕੰਮ ਵੀ ਕੀਤਾ ਹੈ। ਫਿਰ ਵੀ ਮੈਂ ਕੋਰੋਨਾ ਪਾਜ਼ੇਟਿਵ ਪਾਈ ਗਈ ਹਾਂ। ਜਿਸ ਕਿਸੇ ਦੇ ਵੀ ਸੰਪਰਕ ਵਿਚ ਮੈਂ ਆਈ ਹਾਂ ਮੈਂ ਸਾਰਿਆਂ ਨੂੰ ਜਾਣਕਾਰੀ ਦੇ ਦਿੱਤੀ ਹੈ। ਫਿਰ ਵੀ ਕਿਸੇ ਨੂੰ ਦੱਸਣਾ ਜੇਕਰ ਮੈਂ ਭੁੱਲ ਗਈ ਹਾਂ ਤਾਂ ਆਪਣਾ ਟੇਸਟ ਕਰਵਾ ਲਵਾਂ. ਉਮੀਦ ਹੈ ਛੇਤੀ ਰਿਕਵਰ ਕਰਾਂਗੀ। ਫਰਾਹ ਖਾਨ ਨੇ ਹਾਲ ਹੀ ਵਿਚ ਕਈ ਰਿਐਲਿਟੀ ਸ਼ੋਅ ਲਈ ਸ਼ੂਟ ਕੀਤਾ ਸੀ। ਫਰਾਹ ਨੇ ਸੁਪਰ ਡਾਂਸਰ 4 ਵਿਚ ਸ਼ਿਲਪਾ ਸ਼ੈੱਟੀ ਦੇ ਨਾਲ ਸ਼ੂਟ ਕੀਤਾ ਸੀ। 30 ਅਗਸਤ ਨੂੰ ਫਰਾਹ ਸ਼ੋਅ ਦੇ ਸੈੱਟ ‘ਤੇ ਗਈ ਸੀ। ਫਰਾਹ ਨੇ ਕੌਣ ਬਣੇਗਾ ਕਰੋੜਪਤੀ 13 ਲਈ ਇਕ ਸਪੈਸ਼ਲ ਐਪੀਸੋਡ ਵੀ ਸ਼ੂਟ ਕੀਤਾ ਹੈ।