ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:- ਪਾਕਿਸਤਾਨ ਸਰਕਾਰ ਨੇ ਕਰਤਾਰਪੁਰ ਸਾਹਿਬ ਦਾ ਲਾਂਘਾ ਖੋਲ੍ਹ ਕੇ ਸਿੱਖ ਭਾਈਚਾਰੇ ਨੂੰ ਇੱਕ ਵੱਡਾ ਤੋਹਫਾ ਦਿੱਤਾ ਹੈ। ਦੋਵਾਂ ਦੇਸ਼ਾਂ ਦੇ ਲੋਕਾਂ ਦਾ ਇਕ ਦੂਜੇ ਦੁਆਰਾ ਸਤਿਕਾਰ ਕੀਤਾ ਜਾ ਰਿਹਾ ਹੈ ਪਰ ਇਸ ਵਿਚ, ਹੁਣ ਇੱਕ ਮੰਗ ਹੈ ਕਿ ਦੋਵਾਂ ਦੇਸ਼ਾਂ ਦੀਆਂ ਲੜਕੀਆਂ ਜਦੋਂ ਇੱਕ- ਦੂਜੇ ਦੇਸ਼ ਵਿੱਚ ਵਿਆਹ ਕਰਵਾ ਕੇ ਆਪਣੇ ਪਰਿਵਾਰਾਂ ਨੂੰ ਮਿਲਣ ਆਉਂਦੀਆਂ ਹਨ ਤਾਂ ਉਨ੍ਹਾਂ ਨੂੰ ਬਹੁਤ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਕਿਉਂਕਿ ਪਾਕਿਸਤਾਨ ਵਲੋਂ ਭਾਰਤ ਦਾ ਵੀਜ਼ਾ ਲਵਾਉਂਣ ਲਈ ਵੀਜ਼ਾ ਪ੍ਰਣਾਲੀ ਬਹੁਤ ਮੁਸ਼ਕਲ ਹੈ।
ਤੁਹਾਨੂੰ ਅਸੀਂ ਇੱਕ ਅਜਿਹੀ ਹੀ ਮਲੇਰਕੋਟਲਾ ਦੀ ਬੇਟੀ ਵਾਰੇ ਦੱਸਣ ਜਾ ਰਹੇ ਹਾਂ, ਜੋ ਅੱਜ ਤੋਂ 20 ਸਾਲ ਪਹਿਲਾਂ ਵਿਆਹ ਕਰਵਾ ਕੇ ਪਾਕਿਸਤਾਨ ਚਲੀ ਗਈ ਸੀ ਅਤੇ ਹੁਣ ਆਪਣੀਆਂ ਧੀਆਂ ਨਾਲ ਆਪਣੇ ਪਿਤਾ ਦੇ ਘਰ ਆਪਣੇ ਨਾਨਕੇ ਘਰ ਪਹੁੰਚੀ ਹੈ। ਅਫ਼ਸੋਸ ਦੀ ਗੱਲ ਇਹ ਹੈ ਕਿ ਉਸ ਦੀਆਂ ਸਾਰੀਆਂ ਧੀਆਂ ਨੇ ਵੀਜ਼ਾ ਲਈ ਅਪਲਾਈ ਕੀਤਾ ਸੀ ਪਰ ਇਕ ਬੇਟੀ ਦਾ ਵੀਜ਼ਾ ਨਹੀਂ ਲੱਗਿਆ ਜੋ ਰੋਜ਼ਾਨਾ ਫੋਨ ਕਾਲ ਕਰਕੇ ਆਪਣੇ ਨਾਨਕਿਆਂ ਨੂੰ ਮਿਲਣ ਲਈ ਤਰਸਦੀ ਸੀ। ਭਾਰਤ ਵਿੱਚ ਬੈਠੀ ਮਾਂ, ਧੀ ਨੂੰ ਚੇਤੇ ਕਰ ਕੇ ਰੋ ਰਹੀ ਹੈ ਅਤੇ ਦੁਬਾਰਾ ਮਾਂ ਵੀ ਪਾਕਿਸਤਾਨ ਪਰਤਣ ਦੀ ਤਿਆਰੀ ਕਰ ਰਹੀ ਹੈ। ਇਸ ਕਾਰਨ ਲੰਮੇ ਸਮੇਂ ਲਈ ਆਪਣੇ ਮਾਂ-ਪਿਓ ਤੋਂ ਮਿਲਣ ਦੀ ਉਡੀਕ ਕਰਨ ਵਾਲੀ ਧੀ ਹੁਣ ਵਾਪਸ ਜਾ ਰਹੀ ਹੈ।
ਮਲੇਰਕੋਟਲਾ ਆਪਣੇ ਨਾਨਕੇ ਘਰ ਪਹੁੰਚੀ ਇਸ ਔਰਤ ਨੇ ਦੋਵਾਂ ਦੇਸ਼ਾਂ ਦੀ ਸਰਕਾਰਾਂ ਨੂੰ ਅਪੀਲ ਕੀਤੀ ਹੈ ਕਿ ਵੀਜ਼ਾ ਪ੍ਰਣਾਲੀ ਨਰਮ ਕੀਤੀ ਜਾਵੇ ਤਾਂ ਜੋ ਸਰਹੰਦ ਪਾਰ ਬੈਠੇ ਰਿਸ਼ਤੇਦਾਰ ਖੁਸ਼ੀ ਅਤੇ ਉਦਾਸੀ ਵਿੱਚ ਇਕ ਦੂਜੇ ਨੂੰ ਆਸਾਨੀ ਨਾਲ ਮਿਲ ਸਕਣ। ਉਨ੍ਹਾਂ ਕਿਹਾ ਜਿਵੇਂ ਸਿੱਖ ਭਾਈਚਾਰੇ ਨੂੰ ਕਰਤਾਰਪੁਰ ਲਾਘਾਂ ਖੋਲ੍ਹ ਕਕੇ ਇੱਕ ਵੱਡਾਤੋਹਫਾ ਦਿੱਤਾ ਗਿਆ ਹੈ। ਇਸੇ ਤਰ੍ਹਾਂ ਮੁਸਲਿਮ ਭਾਈਚਾਰੇ ਲਈ ਵੀ ਵੀਜ਼ਾ ਪ੍ਰਣਾਲੀ ਨੂੰ ਆਸਾਨ ਬਣਾਇਆ ਜਾਣਾ ਚਾਹੀਦਾ ਹੈ।
ਇਸ ਮੌਕੇ ਮਲੇਰਕੋਟਲਾ ਵਿਖੇ ਜਦੋਂ ਔਰਤ ਦੇ ਪਿਤਾ ਤੇ ਰਿਸ਼ਤੇਦਾਰਾਂ ਨਾਲ਼ ਗੱਲ ਕੀਤੀ ਤਾਂ ਉਨ੍ਹਾਂ ਕਿਹਾ ਕਿ, ਉਨ੍ਹਾਂ ਨੂੰ ਇਕ ਲੜਕੀ ਲਈ ਵੀਜ਼ਾ ਨਹੀਂ ਮਿਲਿਆ, ਜਿਸ ਕਾਰਨ ਉਹ ਬਹੁਤ ਦੁਖੀ ਹਨ। ਉਨ੍ਹਾਂ ਸਰਕਾਰ ਨੂੰ ਅਪੀਲ ਕੀਤੀ ਹੈ ਕਿ ਉਹ ਵੀਜ਼ਾ ਪ੍ਰਣਾਲੀ ਨੂੰ ਆਸਾਨ ਬਨਾਉਂਣ ਤਾਂ ਜੋ ਕੋਈ ਵੀ ਧੀ ਆਪਣੇ ਘਰ ਦੀਆਂ ਨੂੰ ਮਿਲਣ ਲਈ ਨਾ ਤਰਸੇ। ਇਸ ਲਈ ਵੀਜ਼ਾ ਪ੍ਰਣਾਲੀ ਨੂੰ ਸੌਖਾ ਬਣਾਇਆ ਜਾਣਾ ਚਾਹੀਦਾ ਹੈ ਤਾਂ ਜੋ ਰਿਸ਼ਤੇਦਾਰ ਵੀ ਦੁੱਖ-ਸੁੱਖ ਦੀ ਘੜੀ ਵਿੱਚ ਇੱਕ ਦੂਜੇ ਨੂੰ ਮਿਲ ਸਕਣ। ਉਨ੍ਹਾਂ ਕਿਹਾ ਸਰਕਾਰ ਘੱਟੋ -ਘੱਟ ਸਾਲ ਵਿੱਚ ਇੱਕ ਵਾਰ ਵੀਜ਼ਾ ਜਰੂਰ ਦੇਵੇ।
ਹੁਣ ਦੇਖਿਆ ਜਾਵੇਗਾ ਕਿ ਸਰਕਾਰਾਂ ਵੀਜ਼ਾ ਪ੍ਰਣਾਲੀ ਨੂੰ ਕਦੋਂ ਆਸਾਨ ਬਣਾਉਂਦੀਆਂ ਅਤੇ ਇੱਕ- ਦੂਜੇ ਨੂੰ ਆਸਾਨੀ ਨਾਲ ਰਿਸ਼ਤੇਦਾਰ ਮਿਲ ਸੱਕਣਗੇ ਜਾਂ ਨਹੀਂ, ਇਹ ਤਾਂ ਸਮਾਂ ਹੀ ਦੱਸੇਗਾ।