ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:- ਪੰਜਾਬ ਵਿਚ ਅੱਤਵਾਦੀ ਸਮੂਹਾਂ ਦੇ ਵਿਦੇਸ਼ੀ ਅੱਤਵਾਦੀ ਫੰਡਿੰਗ ਨੂੰ ਰੋਕਣ ਲਈ ਕੇਂਦਰੀ ਅਤੇ ਪੰਜਾਬ ਦੀਆਂ ਖੁਫੀਆ ਏਜੰਸੀਆਂ ਨੇ ਹੁਣ ਆਪਸ ਵਿੱਚ ਗੱਠਜੋੜ ਕਰ ਲਿਆ ਹੈ। ਕੇਂਦਰੀ ਵਿੱਤ ਮੰਤਰਾਲੇ ਦੀ ਵਿੱਤੀ ਇੰਟੈਲੀਜੈਂਸ ਯੂਨਿਟ, ਹੁਣ ਪੰਜਾਬ ਪੁਲਿਸ ਨੂੰ ਅੱਤਵਾਦੀਆਂ ਨੂੰ ਵਿਦੇਸ਼ੀ ਖਾਤਿਆਂ ਰਾਹੀਂ ਪੈਸੇ ਪਹੁੰਚਾਉਂਣ ਦੇ ਮਾਮਲਿਆਂ ਨੂੰ ਸੁਲਝਾਉਣ ‘ਚ ਮਦਦ ਕਰੇਗੀ।
ਬੁੱਧਵਾਰ ਨੂੰ ਮੁਹਾਲੀ ਵਿਖੇ ਪੰਜਾਬ ਪੁਲਿਸ ਦੇ ਇੰਟੈਲੀਜੈਂਸ ਹੈੱਡਕੁਆਰਟਰ ‘ਤੇ ਵਿੱਤੀ ਇੰਟੈਲੀਜੈਂਸ ਯੂਨਿਟ ਵੱਲੋਂ ਆਯੋਜਿਤ ਖੇਤਰੀ ਕਾਨਫਰੰਸ ਦੌਰਾਨ ਐਂਟੀ ਮਨੀ ਲਾਂਡਰਿੰਗ ਅਤੇ ਅੱਤਵਾਦ ਦੇ ਕਾਉਂਟਰ ਫਾਈਨੈਂਸਿੰਗ ਦੇ ਮੁੱਦੇ ‘ਤੇ ਖੁੱਲੇ ਵਿਚਾਰ ਵਟਾਂਦਰੇ ਕੀਤੇ ਹਨ। ਏਆਈਯੂ-ਆਈ ਐਨ ਡੀ ਅਤੇ ਪੰਜਾਬ ਪੁਲਿਸ ਅਪਰਾਧ ਅਤੇ ਅੱਤਵਾਦ ਨੂੰ ਅੰਜਾਮ ਦੇਣ ਵਾਲੇ, ਇਨ੍ਹਾਂ ਦੀ ਖੁਫੀਆ ਜਾਣਕਾਰੀ ਤੋਂ ਇਲਾਵਾ ਅਪਰਾਧ ਅਤੇ ਅੱਤਵਾਦ ਦੇ ਤਕਨਾਲੋਜੀ ਦੀ ਚੁਣੌਤੀ ਨਾਲ ਨਜਿੱਠਣ ਦੇ ਨਾਲ-ਨਾਲ ਅੰਤਰਰਾਸ਼ਟਰੀ ਸਰੋਤਾਂ ਤੋਂ ਦਹਿਸ਼ਤ ਫਾਈਨਾਂਸ ‘ਚ ਵਿੱਤੀ ਸਹਾਇਕਾ ਦੀ ਮਦਦ ਕਰਨ ਵਾਲਿਆਂ ਦੀ ਛਾਣ-ਬੀਣ ਕਰੇਗੀ।
ਕਾਨਫਰੰਸ ‘ਚ ਵੱਖ ਵੱਖ ਸੂਬਿਆਂ ਅਤੇ ਖੇਤਰਾਂ ਵਿਚਾਲੇ ਸੰਬੰਧ ਬਣਾਉਂਣ ‘ਤੇ ਵਿਚਾਰ –ਵਟਾਂਦਰਾ ਕੀਤਾ ਗਿਆ ਤਾਂ ਜੋ ਦਹਿਸ਼ਤ ਅਤੇ ਨਵੇਂ – ਪੁਰਾਣੇ ਜ਼ੁਲਮ ਤੋਂ ਨਜਿੱਠਿਆ ਜਾ ਸਕੇ। ਇਸ ਗੱਲ ਵੱਲ ਧਿਆਨ ਖਿੱਚਣ ਲਈ ਉੱਭਰ ਰਹੇ ਅੱਤਵਾਦੀ ਖਤਰੇ ਅਤੇ ਅੱਤਵਾਦੀ ਫੰਡਾਂ ਨੂੰ ਧਿਆਨ ਵਿੱਚ ਰੱਖਦਿਆਂ ਪ੍ਰਤੀਕ੍ਰਿਆ ਵਿਧੀ ਨੂੰ ਮਜ਼ਬੂਤ ਕੀਤੇ ਜਾਣ ਬਾਰੇ ਚਰਚਾ ਕੀਤੀ ਗਈ। ਕਾਨਫਰੰਸ ਦਾ ਉਦੇਸ਼ ਹਿੱਸਾ ਲੈਣ ਵਾਲੀਆਂ ਏਜੰਸੀਆਂ ਵਿਚਾਲੇ ਬਿਹਤਰ ਸਹਿਯੋਗ ਲਈ ਸਰਬੋਤਮ ਅਭਿਆਸਾਂ ਅਤੇ ਖੇਤਰਾਂ ਨੂੰ ਸਾਂਝਾ ਕਰਨ ਦੇ ਮੌਕਿਆਂ ਦੀ ਖੋਜ ਕਰਨਾ ਹੈ।
ਕਾਨਫ਼ਰੰਸ ਵਿੱਚ ਖੇਤਰੀ ਅਤੇ ਕੇਂਦਰੀ ਕਾਨੂੰਨ ਲਾਗੂ ਕਰਨ ਵਾਲੀਆਂ ਏਜੰਸੀਆਂ ਦੇ ਵੱਖ-ਵੱਖ ਪੁਲਿਸ ਸੰਗਠਨਾਂ ਦੇ 65 ਤੋਂ ਵੱਧ ਡੈਲੀਗੇਟ ਸ਼ਾਮਲ ਹੋਏ ਸਨ। ਕਾਨਫਰੰਸ ਦਾ ਮੁੱਖ ਮੰਤਵ ਵਿੱਤੀ ਅੱਤਵਾਦ, ਮਨੀ ਲਾਂਡਰਿੰਗ ਅਤੇ ਸੰਗਠਿਤ ਅਪਰਾਧ ਦੇ ਖਤਰਿਆਂ ਨਾਲ ਨਜਿੱਠਣ ਅਤੇ ਉਨ੍ਹਾਂ ਦੀ ਭਾਈਵਾਲੀ ਨੂੰ ਮਜ਼ਬੂਤ ਕਰਨ ਲਈ ਐਲਈਓ ਏਜੰਸੀਆਂ ਅਤੇ ਏਆਈਯੂ-ਆਈਐਨਡੀ ਦੁਆਰਾ ਇੱਕ ਵਿਆਪਕ ਪਹੁੰਚ ਪੈਦਾ ਕਰਨਾ ਸੀ।
ਕਾਨਫ਼ਰੰਸ ਵਿੱਚ ਪੰਜਾਬ ਦੇ ਡੀਜੀਪੀ ਇੰਟੈਲੀਜੈਂਸ ਵੀਕੇ ਭਵਰਾ ਨੇ ਅੱਤਵਾਦ ਵਿਰੁੱਧ ਲੜਨ ਲਈ ਰਾਜ ਦੀ ਵਚਨਬੱਧਤਾ ਜ਼ਾਹਰ ਕਰਦਿਆਂ ਲੋਕਾਂ ਨਾਲ ਕੀਤੇ ਵਾਅਦੇ ਪੂਰੇ ਕਰਨ ਦਾ ਦਾਅਵਾ ਕੀਤਾ। ਉਨ੍ਹਾਂ ਕਿਹਾ ਕਿ, ਸੂਚਨਾ ਤਕਨਾਲੋਜੀ ਦੇ ਆਉਂਣ ਨਾਲ, ਜਾਂਚ ਪ੍ਰਕਿਰਿਆ ਹੋਰ ਗੁੰਝਲਦਾਰ ਹੋ ਗਈ ਹੈ, ਜਿਸ ਕਾਰਨ ਰਾਜ ਦੀ ਪੁਲਿਸ ਅਤੇ ਕੇਂਦਰੀ ਏਜੰਸੀਆਂ ਦਰਮਿਆਨ ਸਹਿਯੋਗ ਅਤੇ ਤਾਲਮੇਲ ਨੂੰ ਉਤਸ਼ਾਹ ਕਰਨਾ ਜਰੂਰੀ ਹੈ।
ਮੁੱਖ ਅੱਤਵਾਦੀ ਹਮਲਿਆਂ ‘ਤੇ ਅੱਤਵਾਦੀਆਂ ਦੀ ਫੰਡਿੰਗ ਅਤੇ ਕੁਝ ਹੋਰ ਆਰਥਿਕ ਅਪਰਾਧਾਂ ਨੂੰ ਹੱਲ ਕਰਨ ਲਈ ਟਾਰਗੇਟਿਡ ਇੰਟੈਲੀਜੈਂਸ ਮੁਹੱਈਆ ਕਰਾਉਣ ਵਿੱਚ ਐਫਆਈਯੂ-ਆਈਐਨਡੀ ਦੀ ਭੂਮਿਕਾ ਦਾ ਜ਼ਿਕਰ ਕਰਦਿਆਂ, ਡੀਜੀਪੀ ਇੰਟੈਲੀਜੈਂਸ ਵੀਕੇ ਭਵਰਾ ਨੇ ਐਨਆਈਏ ਅਤੇ ਐਫਆਈਯੂ-ਆਈਐਨਡੀ ਨੂੰ ਮਨੀ ਲਾਂਡਰਿੰਗ ਅਤੇ ਵਿੱਤੀ ਅੱਤਵਾਦ ਦੇ ਮਾਮਲਿਆਂ ਨੂੰ ਰੋਕਣ ਅਤੇ ਜਾਂਚ ਕਰਨ ਦੀ ਮੰਗ ਕੀਤੀ ਹੈ ਤਾਂ ਜੋ ਇੱਕ ਮਜਬੂਤ ਪ੍ਰਣਾਲੀ ਸਥਾਪਤ ਕਰਨ ‘ਤੇ ਜ਼ੋਰ ਦਿੱਤਾ ਜਾ ਸਕੇ।
ਉਨ੍ਹਾਂ ਐਫਆਈਯੂ ਦੇ ਉਸ ਉਪਰਾਲੇ ਦੀ ਵਡਿਆਈ ਵੀ ਕੀਤੀ, ਜਿਸ ਨੇ 2009 ਤੋਂ ਅੱਤਵਾਦੀ ਸੰਗਠਨਾਂ ਦਾ ਪਤਾ ਲਗਾਉਣ ਵਿੱਚ ਮੁੱਖ ਭੂਮਿਕਾ ਨਿਭਾਈ ਹੈ ਅਤੇ ਐਫਆਈਯੂ-ਆਈਐਨਡੀ ਨਾਲ ਇਸ ਦੇ ਸ਼ਾਨਦਾਰ ਗੱਟਜੋੜ ਦੀ ਸ਼ਲਾਘਾ ਕੀਤੀ। ਇਸ ਮੌਕੇ ਐਫਆਈਯੂ-ਆਈਐਂਡ ਅਧਿਕਾਰੀਆਂ ਨੇ ਵੱਖ-ਵੱਖ ਸੈਸ਼ਨਾਂ ਦੌਰਾਨ ਦਹਿਸ਼ਤ ਫੰਡਿੰਗ ਦੇ ਕਈ ਪਹਿਲੂਆਂ ‘ਤੇ ਆਪਣੇ ਵਿਚਾਰ ਪੇਸ਼ ਕੀਤੇ।