ਹੈਦਰਾਬਾਦ: ਤੇਲਗੂ ਸਿਨੇਮਾ ਦੇ ਚਹੇਤੇ ਸਿਤਾਰੇ ਵਿਜੇ ਦੇਵਰਕੋਂਡਾ ਨੇ ਅੱਜ ਆਪਣਾ 37ਵਾਂ ਜਨਮਦਿਨ ਬੇਹੱਦ ਉਤਸ਼ਾਹ ਨਾਲ ਮਨਾਇਆ। ਇਸ ਖਾਸ ਮੌਕੇ ‘ਤੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਤੋਂ ਲੈ ਕੇ ਫਿਲਮੀ ਹਸਤੀਆਂ ਤੱਕ, ਹਰ ਕੋਈ ਉਨ੍ਹਾਂ ਨੂੰ ਵਧਾਈਆਂ ਦੇ ਰਿਹਾ ਹੈ। ਵਿਜੇ ਦੇ ਹੈਦਰਾਬਾਦ ਸਥਿਤ ਘਰ ਦੇ ਬਾਹਰ ਸਵੇਰ ਤੋਂ ਹੀ ਪ੍ਰਸ਼ੰਸਕਾਂ ਦੀ ਭਾਰੀ ਭੀੜ ਜਮ੍ਹਾਂ ਹੋ ਗਈ ਸੀ, ਜਿਨ੍ਹਾਂ ਦਾ ਸ਼ੁਕਰੀਆ ਅਦਾ ਕਰਨ ਲਈ ਵਿਜੇ ਖੁਦ ਘਰੋਂ ਬਾਹਰ ਆਏ ਅਤੇ ਸਾਰਿਆਂ ਨਾਲ ਮੁਲਾਕਾਤ ਕੀਤੀ।
ਵਿਆਹ ਤੋਂ ਬਾਅਦ ਪਹਿਲਾ ਜਨਮਦਿਨ
View this post on Instagram
ਅਦਾਕਾਰਾ ਰਸ਼ਮਿਕਾ ਮੰਦਾਨਾ ਲਈ ਇਹ ਜਨਮਦਿਨ ਬੇਹੱਦ ਖਾਸ ਹੈ, ਕਿਉਂਕਿ ਵਿਆਹ ਤੋਂ ਬਾਅਦ ਵਿਜੇ ਦਾ ਇਹ ਪਹਿਲਾ ਜਨਮਦਿਨ ਸੀ। ਰਸ਼ਮਿਕਾ ਨੇ ਸੋਸ਼ਲ ਮੀਡੀਆ ‘ਤੇ ਇੱਕ ਬੇਹੱਦ ਪਿਆਰੀ ਪੋਸਟ ਸਾਂਝੀ ਕਰਦਿਆਂ ਆਪਣੇ ‘ਪਤੀ’ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ। ਰਸ਼ਮਿਕਾ ਨੇ ਦੱਸਿਆ ਕਿ ਉਨ੍ਹਾਂ ਦਾ ਪੂਰਾ ਦਿਨ ਕਿਵੇਂ ਬੀਤਿਆ। ਉਨ੍ਹਾਂ ਲਿਖਿਆ, “ਅੱਜ ਮੇਰੇ ਪਤੀ ਦਾ ਜਨਮਦਿਨ ਹੈ ਅਤੇ ਸਾਡਾ ਦਿਨ ਬਹੁਤ ਵਧੀਆ ਰਿਹਾ। ਅਸੀਂ ਇਕੱਠੇ ਜਿਮ ਗਏ, ਵਰਕਆਊਟ ਕੀਤਾ ਅਤੇ ਫਿਰ ਉਨ੍ਹਾਂ ਪ੍ਰਸ਼ੰਸਕਾਂ ਨੂੰ ਮਿਲੇ ਜੋ ਵਿਜੇ ਨੂੰ ਪਿਆਰ ਦੇਣ ਘਰ ਆਏ ਸਨ।” ਰਸ਼ਮਿਕਾ ਨੇ ਪੋਸਟ ਦੇ ਅਖੀਰ ਵਿੱਚ ਪਿਆਰ ਨਾਲ ਵਿਜੇ ਨੂੰ ‘ਮੇਰੇ ਪਿਆਰੇ ਵਿੱਜੂ’ ਕਹਿ ਕੇ ਸੰਬੋਧਿਤ ਕੀਤਾ।
सम्बंधित ख़बरें
ਵਿਜੇ ਨੇ ਪ੍ਰਸ਼ੰਸਕਾਂ ਨੂੰ ਕਿਹਾ – ‘ਤੁਸੀਂ ਰੱਬ ਦਾ ਆਸ਼ੀਰਵਾਦ ਹੋ’
To all of you,
each and everyone,
my dearest rowdy boys and girls,
my dear older brothers and sisters,
all who are like my parents,
all of you always showering me with your love..I cannot tell you how much i love you ❤️ your love makes me emotional.. your love makes me…
— Vijay Deverakonda (@TheDeverakonda) May 9, 2026
ਵਿਜੇ ਦੇਵਰਕੋਂਡਾ ਨੇ ਵੀ ਆਪਣੇ ਸੋਸ਼ਲ ਮੀਡੀਆ ਰਾਹੀਂ ਸਾਰਿਆਂ ਦਾ ਧੰਨਵਾਦ ਕੀਤਾ। ਉਨ੍ਹਾਂ ਨੇ ਇੱਕ ਭਾਵੁਕ ਸੰਦੇਸ਼ ਲਿਖਦਿਆਂ ਕਿਹਾ ਕਿ ਪ੍ਰਸ਼ੰਸਕਾਂ ਦਾ ਪਿਆਰ ਉਨ੍ਹਾਂ ਨੂੰ ਹਮੇਸ਼ਾ ਹੋਰ ਬਿਹਤਰ ਕਰਨ ਲਈ ਪ੍ਰੇਰਿਤ ਕਰਦਾ ਹੈ। ਵਿਜੇ ਨੇ ਲਿਖਿਆ, “ਤੁਹਾਡਾ ਪਿਆਰ ਮੈਨੂੰ ਭਾਵੁਕ ਕਰ ਦਿੰਦਾ ਹੈ। ਮੈਨੂੰ ਲੱਗਦਾ ਹੈ ਕਿ ਮੈਨੂੰ ਤੁਹਾਡੇ ਲਈ ਅਜੇ ਹੋਰ ਬਹੁਤ ਕੁਝ ਕਰਨਾ ਹੈ। ਤੁਸੀਂ ਮੇਰੇ ਲਈ ਰੱਬ ਦਾ ਆਸ਼ੀਰਵਾਦ ਹੋ।” ਉਨ੍ਹਾਂ ਨੇ ਆਪਣੇ ‘ਸ਼ਰਾਰਤੀ ਮੁੰਡੇ-ਕੁੜੀਆਂ’ ਤੇ ਪਰਿਵਾਰਕ ਮੈਂਬਰਾਂ ਦਾ ਤਹਿ ਦਿਲੋਂ ਸ਼ੁਕਰੀਆ ਅਦਾ ਕੀਤਾ।
ਸ਼ੂਟਿੰਗ ਰੱਦ ਹੋਣ ਨਾਲ ਮਿਲਿਆ ਜਸ਼ਨ ਦਾ ਮੌਕਾ
ਰਸ਼ਮਿਕਾ ਨੇ ਆਪਣੀ ਪੋਸਟ ਵਿੱਚ ਇਸ ਗੱਲ ਦਾ ਵੀ ਜ਼ਿਕਰ ਕੀਤਾ ਕਿ ਕਿਸੇ ਕਾਰਨ ਸ਼ੂਟਿੰਗ ਰੱਦ ਹੋ ਗਈ ਸੀ, ਜਿਸ ਕਾਰਨ ਉਨ੍ਹਾਂ ਨੂੰ ਜਨਮਦਿਨ ਦਾ ਜਸ਼ਨ ਮਨਾਉਣ ਲਈ ਵਾਧੂ ਸਮਾਂ ਮਿਲ ਗਿਆ। ਰਸ਼ਮਿਕਾ ਦੇ ਪਿਤਾ ਅਤੇ ਪਰਿਵਾਰਕ ਮੈਂਬਰ ਵੀ ਇਸ ਖਾਸ ਮੌਕੇ ‘ਤੇ ਵਿਜੇ ਦੇ ਨਾਲ ਮੌਜੂਦ ਸਨ। ਫਿਲਹਾਲ ਇਹ ਜੋੜਾ ਆਪਣੇ ਦੋਸਤ ਦੇ ਘਰ ਜਨਮਦਿਨ ਦੀ ਪਾਰਟੀ ਲਈ ਰਵਾਨਾ ਹੋ ਗਿਆ ਹੈ, ਜਿਸ ਦੀਆਂ ਤਸਵੀਰਾਂ ਦਾ ਪ੍ਰਸ਼ੰਸਕ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।