ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:– ਦੇਸ਼ ਜਿੱਥੇ ਹੈਦਰਾਬਾਦ ’ਚ ਚਾਰਾਂ ਆਰੋਪੀਆਂ ਦੇ ਐਨਕਾਉਂਟਰ ਕੀਤੇ ਜਾਣ ਦੀ ਖੁਸੀ ਮਨ੍ਹਾਂ ਰਿਹਾ ਸੀ ਉੱਥੇ ਇਕ ਹੋਰ ਧੀ ਇਸ ਦਰਦ ਤੋਂ ਗੁਜਰ ਰਹੀ ਸੀ। ਜੀ ਹਾਂ ਉਨਾਵ ਗੈਂਗਰੇਪ ਪੀੜਤਾ ਨੇ ਬੀਤੀ ਰਾਤ ਸਫਦਰਗੰਦ ਹਸਪਤਾਲ ਚ ਜਖਮਾਂ ਦੇ ਦਰਦ ਨੂੰ ਨਾ ਸਹਿਣ ਕਰਦੇ ਹੋਏ ਆਪਣਾ ਦਮ ਤੋੜ ਦਿੱਤਾ। ਦਸ ਦਈਏ ਕਿ ਪੀੜਤਾਂ ਨੂੰ ਲਖਨਊ ਤੋਂ ਦਿੱਲੀ ਲਿਆਂਦਾ ਗਿਆ ਸੀ। ਪੀੜਤਾਂ ਦੇ ਸਰੀਰ ਨੂੰ ਦੋਸ਼ੀਆਂ ਨੇ 90 ਫੀਸਦ ਤੱਕ ਸਾੜ ਦਿੱਤਾ ਸੀ।
ਜਿਸ ਕਾਰਨ ਹਸਪਤਾਲ ਚ ਇਲਾਜ ਦੌਰਾਨ ਉਸਦੀ ਮੌਤ ਹੋ ਗਈ। ਕਾਬਿਲੇਗੌਰ ਹੈ ਕਿ ਪੀੜਤਾਂ ਨੇ ਇਸੇ ਸਾਲ ਬਲਾਤਕਾਰ ਕੀਤੇ ਜਾਣ ਦਾ ਮਾਮਲਾ ਦਰਜ ਕਰਵਾਇਆ ਸੀ ਇਸ ਮਾਮਲੇ ਦਾ ਲੋਕਲ ਕੋਰਟ ਚ ਟ੍ਰਾਇਲ ਚੱਲ ਰਿਹਾ ਸੀ। ਉੱਥੇ ਹੀ ਇਸ ਮਾਮਲੇ ਦੇ ਚਾਰ ਦੋਸ਼ੀਆ ਦੀ ਪਛਾਣ ਪੁਲਿਸ ਵੱਲੋਂ ਕਰ ਦਿੱਤੀ ਗਈ ਹੈ।
ਉੱਥੇ ਹੀ ਪੀੜਤਾਂ ਦੇ ਭਰਾ ਦਾ ਕਹਿਣਾ ਹੈ ਕਿ ਉਹਨਾਂ ਦੀ ਭੈਣ ਨੇ ਆਖਿਰ ਸਮੇਂ ਜੀਉਣ ਦੀ ਗੱਲ ਆਖੀ ਨਾਲ ਹੀ ਉਹ ਦੋਸ਼ੀਆ ਨੂੰ ਸਜ਼ਾ ਮਿਲਦੇ ਹੋਏ ਦੇਖਣਾ ਚਾਹੁੰਦੀ ਸੀ। ਨਾਲ ਹੀ ਭਰਾ ਦਾ ਕਹਿਣਾ ਹੈ ਕਿ ਉਹਨਾਂ ਦੀ ਭੈਣ ਦਾ ਸਰੀਰ 95 ਫੀਸਦ ਸੜ ਚੁੱਕਿਆ ਹੈ ਜਿਸ ਕਾਰਨ ਅੰਤਿਮ ਸਸਕਾਰ ਕਰਨ ਲਈ ਸਾੜਨ ਲਈ ਕੁਝ ਹੈ ਨਹੀਂ ਜਿਸ ਕਾਰਨ ਉਹ ਪੀੜਤਾਂ ਨੂੰ ਦਫਨਾਉਣਗੇ। ਇਸ ਮਾਮਲੇ ਨੂੰ ਗੰਭੀਰਤਾ ਨਾਲ ਦੇਖਦੇ ਹੋਏ ਮੁੱਖ ਮੰਤਰੀ ਯੋਗੀ ਅਦਿੱਤਿਯਨਾਥ ਨੇ ਨੋਟਿਸ ਲੈਂਦੇ ਹੋਏ ਆਰੋਪੀਆ ਦੇ ਖਿਲਾਫ ਸਖਤ ਕਾਰਵਾਈ ਕਰਨ ਦੇ ਆਦੇਸ਼ ਦਿੱਤੇ ਹਨ।