ਔਨਲਾਈਨ ਡੈਸਕ/ਲਿਵਿੰਗ ਇੰਡੀਆ ਨਿਊਜ਼:- ਲਾਂਡਰਾ ‘ਚ ਸਸਤੇ ਫਲੈਟ ਮਿਲਣ ਦੇ ਨਾਮ ‘ਤੇ ਇਕ ਡਾਕਟਰ ਸਣੇ 5 ਲੋਕਾਂ ਤੋਂ 66 ਲੱਖ 60 ਹਜ਼ਾਰ ਰੁਪਏ ਦੀ ਧੋਖਾਧੜੀ ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇੱਕ ਔਰਤ ਵੀ ਧੋਖਾਧੜੀ ਪੀੜਤਾਂ ਵਿੱਚ ਸ਼ਾਮਲ ਹੈ। ਪੁਲਿਸ ਨੇ ਇਮਰਜਿੰਗ ਵੈਲੀ ਪ੍ਰਾਈਵੇਟ ਲਿਮਟਿਡ ਕੰਪਨੀ ਦੇ ਐਮਡੀ ਸਣੇ ਤਿੰਨ ਲੋਕਾਂ ਖਿਲਾਫ ਧੋਖਾਧੜੀ ਦਾ ਕੇਸ ਦਰਜ ਕੀਤਾ ਹੈ।
ਭਵਾਨੀਗੜ੍ਹ ਸ਼ਹਿਰ ਦੇ ਵਸਨੀਕ ਡਾ: ਸਤਪਾਲ ਗਰਗ, ਜਗਜੀਵਨ ਕੁਮਾਰ, ਰਛਪਾਲ ਸਿੰਘ, ਹਰਬੀਰ ਸਿੰਘ ਅਤੇ ਪਰਮਜੀਤ ਕੌਰ ਨੇ ਪੁਲਿਸ ਨੂੰ ਸ਼ਿਕਾਇਤ ਕੀਤੀ ਕਿ, ਉਹ ਮੁਹਾਲੀ ਨੇੜੇ ਜਾਇਦਾਦ ਖਰੀਦਣਾ ਚਾਹੁੰਦੇ ਸਨ। ਇਸ ਲਈ ਉਨ੍ਹਾਂ ਨੇ ਪ੍ਰਾਪਰਟੀ ਡੀਲਰ ਰਾਜ ਸਿੰਘ ਨਿਵਾਸੀ ਸੰਗਤਪੁਰਾ ਅਤੇ ਬਲਜੀਤ ਸਿੰਘ ਨਿਵਾਸੀ ਬਾਲਿਆਲ ਰਾਹੀਂ ਇਮਰਜਿੰਗ ਵੈਲੀ ਪ੍ਰਾਈਵੇਟ ਲਿਮਟਿਡ ਦੇ ਐਮਡੀ ਗੁਰਪ੍ਰੀਤ ਸਿੰਘ ਨਿਵਾਸੀ ਚੰਡੀਗੜ ਨੂੰ ਲਾਂਡਰਾ ਤੋਂ ਬਨੂੜ ਰੋਡ ‘ਤੇ ਫਲੈਟ ਬੁੱਕ ਕੀਤੇ ਸੀ।
ਇਸ ਤੋਂ ਬਾਅਦ ਬਾਕੀ ਰਾਸ਼ੀ ਚੈੱਕ ਰਾਹੀਂ ਕਿਸ਼ਤਾਂ ਵਿੱਚ ਅਦਾ ਕੀਤੀ ਗਈ ਸੀ। ਦੋਸ਼ੀ ਨੇ ਢਾਈ ਸਾਲਾਂ ਵਿੱਚ ਫਲੈਟ ਤਿਆਰ ਹੋਣ ਦਾ ਭਰੋਸਾ ਦਿਵਾਇਆ ਸੀ ਪਰ ਜਦੋਂ ਦੱਸੇ ਸਮੇਂ ‘ਚ ਉਨ੍ਹਾਂ ਨੂੰ ਫਲੈਟ ਨਹੀਂ ਦਿੱਤਾ ਗਿਆ ਤਾਂ ਮੁਲਜ਼ਮ ਚਿੜਕਣ ਲੱਗ ਪਏ। ਪੁਲਿਸ ਨੇ ਗੁਰਪ੍ਰੀਤ ਸਿੰਘ, ਰਾਜ ਸਿੰਘ ਅਤੇ ਬਲਜੀਤ ਸਿੰਘ ਖਿਲਾਫ ਥਾਣਾ ਭਵਾਨੀਗੜ ਵਿਖੇ ਕੇਸ ਦਰਜ ਕਰ ਲਿਆ ਹੈ।
ਫੋਨ ਰਾਹੀਂ ਕੀਤੀ ਠੱਗੀ
ਇਸ ਬਾਰ ਪੀੜਿਤ ਡਾਕਟਰ ਨੇ ਕਿਹਾ ਕਿ, ਉਸ ਨਾਲ ਫੋਨ ਰਾਹੀ ਇਹ ਠੱਗੀ ਹੋਈ ਹੈ। ਉਨ੍ਹਾਂ ਦੱਸਿਆ ਕਿ, ਕਾਲ ਕਰਨ ਵਾਲਿਆਂ ਨੇ ਕਿਹਾ ਕਿ, ਜੇ ਤੁਸੀਂ ਆਪਣੀ ਮੈਟ ਲਾਈਫ ਪਾਲਿਸੀ ਦੀ ਰਕਮ ਆਪਣੀ ਕੰਪਨੀ ਡਾਇਮੰਡ ਸਿਟੀ ਰੀਅਲ ਅਸਟੇਟ ਡਿਵੈਲਪਰਾਂ ਵਿੱਚ ਲਾਉਂਦੇ ਹੋ, ਤਾਂ ਤੁਸੀਂ ਵਧੇਰੇ ਲਾਭ ਦੇਵੋਗੇ। ਕੁਝ ਦਿਨਾਂ ਬਾਅਦ, ਮੈਨੂੰ ਇੱਕ ਹੋਰ ਫੋਨ ਆਇਆ ਤੇ ਮੈਂ 20 ਲੱਖ ਜਮ੍ਹਾ ਕਰਵਾ ਦਿੱਤੇ।ਦੋਸ਼ੀਆਂ ਨੇ ਭਰੋਸਾ ਦਿੱਤਾ ਕਿ, ਉਹ ਰੀਅਲ ਅਸਟੇਟ ਵਿੱਚ ਨਿਵੇਸ਼ ਦੇ ਕਾਗਜ਼ਾਤ ਭੇਜਣਗੇ ਪਰ ਅਜਿਹਾ ਕੁਝ ਨਹੀਂ ਹੋਇਆ।
ਪੈਸੇ ਵਾਪਸ ਮੰਗਣ ‘ਤੇ ਕਿਹਾ- ਇਕ ਲੱਖ ਹੋਰ ਜਮਾਂ ਕਰੋ ਤੇ ਆਪਣੇ ਪੈਸੇ ਵਾਪਸ ਲੈ ਲਿਓ
ਕਾਫ਼ੀ ਦੇਰ ਇੰਤਜ਼ਾਰ ਕਰਨ ਤੋਂ ਬਾਅਦ, ਕਾਗਜ਼ ਨਾ ਮਿਲਣ ‘ਤੇ ਜਦੋਂ ਫੋਨ ਕੀਤਾ ਗਿਆ ਤਾਂ ਦੋਸ਼ੀ ਨੇ ਕਿਹਾ ਕਿ ਉਹ ਛੇਤੀ ਹੀ ਕਾਗਜ਼ਾਤ ਭੇਜ ਦੇਣਗੇ। ਕੁਝ ਸਮੇਂ ਬਾਅਦ ਕਾਗਜ਼ ਨਾ ਮਿਲਣ ‘ਤੇ ਉਨ੍ਹਾਂ ਨੇ ਪੁਲਿਸ ਨੂੰ ਸ਼ਿਕਾਇਤ ਦਰਜ ਕਰਾਈ, ਫਿਰ ਉਨ੍ਹਾਂ ਨੂੰ ਇੱਕ ਫੋਨ ਆਇਆ ਕਿ, 1 ਲੱਖ ਹੋਰ ਜਮ੍ਹਾ ਕਰੋ ਅਤੇ ਸਾਰਾ ਪੈਸਾ ਵਾਪਸ ਲੈ ਲਿਓ। ਇਸ ਨਾਲ ਉਨ੍ਹਾਂ ਨੂੰ ਯਕੀਨ ਹੋ ਗਿਆ ਕਿ ਦੋਸ਼ੀ ਦੁਬਾਰਾ ਵਿਸ਼ਵਾਸ ਵਿੱਚ ਲੈ ਕੇ ਉਨ੍ਹਾਂ ਨਾਲ ਧੋਖਾ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ।
ਸਾਬਕਾ ਸੈਨਿਕ ਤੋਂ 14.85 ਲੱਖ ਦੀ ਠੱਗੀ ਮਾਰ ਕੇ, ਅਚੱਲ ਸੰਪਤੀ ਵਿੱਚ ਪੈਸਾ ਲਗਾਉਣ ਲਈ ਉਤਸ਼ਾਹਤ ਕੀਤਾ
ਤਿੰਨ ਵਿਅਕਤੀਆਂ ਨੇ ਇਕ ਸਾਬਕਾ ਸੈਨਿਕ ਦੇ ਨਾਲ ਮਿਲ ਕੇ ਉਸ ਨੂੰ ਜਾਇਦਾਦ ਵਿੱਚ ਪੈਸਾ ਲਗਾ ਕੇ ਵਧੇਰੇ ਵਿਆਜ ਅਦਾ ਕਰਨ ਦਾ ਝਾਂਸਾ ਦੇ ਕੇ ਉਸ ਨਾਲ 14 ਲੱਖ 85 ਹਜ਼ਾਰ ਰੁਪਏ ਦੀ ਠੱਗੀ ਮਾਰੀ। ਥਾਣਾ ਸਦਰ ਦੀ ਪੁਲਿਸ ਨੇ ਜਾਂਚ ਤੋਂ ਬਾਅਦ ਮੁਲਜ਼ਮ ਖਿਲਾਫ ਧੋਖਾਧੜੀ ਦਾ ਕੇਸ ਦਰਜ ਕਰ ਲਿਆ ਹੈ। ਬਹਿਰਹਾਲ ਕਿਸੇ ਵੀ ਦੋਸ਼ੀ ਨੂੰ ਗ੍ਰਿਫਤਾਰ ਨਹੀਂ ਕੀਤਾ ਗਿਆ ਹੈ।
ਸਾਬਕਾ ਸੈਨਿਕ ਜਗਤ ਨਾਰਾਇਣ ਪੁੱਤਰ ਹੇਮਰਾਜ ਨਿਵਾਸੀ ਬੇਰੀਆ ਮੁਹੱਲਾ ਨੇ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ ਕਿ, ਉਹ ਇਲਾਕੇ ‘ਚ ਕਰੀਆਣਾ ਦੀ ਦੁਕਾਨ ਚਲਾਉਂਦਾ ਹੈ। ਉਸਦੇ ਫੋਨ ਤੇ ਕਿਸੇ ਨੇ ਫੋਨ ਕਰਕੇ ਦੱਸਿਆ ਕਿ, ਉਹ ਡਾਇਮੰਡ ਸਿਟੀ ਰੀਅਲ ਅਸਟੇਟ ਡਿਵੈਲਪਰਜ਼ ਕੰਪਨੀ ਨਾਲ ਗੱਲ ਕਰ ਰਿਹਾ ਹੈ। ਪੁਲਿਸ ਨੇ ਮੁਲਜ਼ਮ ਸਦਨ ਰਾਏ ਚੌਧਰੀ ਨਿਵਾਸੀ ਦਸ਼ਰਤਪੁਰੀ ਨਵੀਂ ਦਿੱਲੀ, ਉਮੇਸ਼ ਕੁਮਾਰ ਨਿਵਾਸੀ ਨੋਇਡਾ ਅਤੇ ਅਜ਼ੀਜ਼ੁਲ ਅਲੀ ਨਿਵਾਸੀ ਪੱਛਮੀ ਬੰਗਾਲ ਖ਼ਿਲਾਫ਼ ਧੋਖਾਧੜੀ ਦਾ ਕੇਸ ਦਰਜ ਕੀਤਾ ਹੈ।