ਨਵੀਂ ਦਿੱਲੀ- ਤਮਿਲ ਅਭਿਨੇਤਾ, ਗੀਤਕਾਰ ਅਤੇ ਸੰਵਾਦ ਲੇਖਕ ਕੋ ਸੇਸ਼ਾ ਸਵਿਗੀ ‘ਤੇ ਖਾਣੇ ਦਾ ਆਰਡਰ ਕੀਤਾ ਸੀ, ਜਦੋਂ ਉਨ੍ਹਾਂ ਦਾ ਖਾਣਾ ਉਨ੍ਹਾਂ ਤੱਕ ਪਹੁੰਚਿਆ ਤੇ ਜਦੋਂ ਉਹ ਖਾਣ ਲੱਗੇ ਤਾਂ ਵਿਚੋਂ ਜੋ ਨਿਕਲਿਆ ਉਹ ਦੇਖ ਕੇ ਹੈਰਾਨ ਰਹਿ ਗਏ। ਇਸ ਸ਼ਾਕਾਹਾਰੀ ਭੋਜਨ ‘ਚ ਚਿਕਨ ਦੇ ਟੁਕੜੇ ਨਿਕਲੇ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਟਵੀਟ ਕਰਕੇ ਲਿਖਿਆ ਕਿ ਉਨ੍ਹਾਂ ਦੀਆਂ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪੁੱਜੀ ਹੈ। ਸ਼ੇਸ਼ਾ ਇਸ ਗੱਲ ਤੋਂ ਕਾਫੀ ਨਾਰਾਜ਼ ਸੀ ਕਿ ਕੰਪਨੀ ਨੇ ਇਸ ਐਕਟ ਲਈ ਸਿਰਫ 70 ਰੁਪਏ ਦਾ ਮੁਆਵਜ਼ਾ ਦੇਣ ਲਈ ਕਿਹਾ ਸੀ। ਇਸ ਦੇ ਨਾਲ ਹੀ ਇਸ ਵਾਇਰਲ ਪੋਸਟ ‘ਤੇ ਯੂਜ਼ਰਸ ਨੇ ਵੱਖ-ਵੱਖ ਤਰ੍ਹਾਂ ਦੇ ਕੁਮੈਂਟਸ ਵੀ ਕੀਤੇ ਹਨ।
Found pieces of chicken meat in the “Gobi Manchurian with Corn Fried Rice” that i ordered on @Swiggy from the @tbc_india. What’s worse was Swiggy customer care offered me a compensation of Rs. 70 (!!!) for “offending my religious sentiments”. 1/2 pic.twitter.com/4slmyooYWq
— Ko Sesha (@KoSesha) August 17, 2022
ਸ਼ੇਸ਼ਾ ਨੇ ਟਵੀਟ ਕਰਕੇ ਪੂਰੇ ਮਾਮਲੇ ਦੀ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਆਪਣੇ ਟਵੀਟ ‘ਚ ਲਿਖਿਆ ਕਿ ‘ਗੋਬੀ ਮੰਚੂਰੀਅਨ ਵਿਦ ਕੌਰਨ ਫਰਾਈਡ ਰਾਈਸ’ ‘ਚ ਚਿਕਨ ਦੇ ਟੁਕੜੇ ਨਿਕਲੇ ਹਨ। ਮੈਂ ਸਵਿਗੀ ਦੁਆਰਾ ਬਾਊਲ ਕੰਪਨੀ ਤੋਂ ਭੋਜਨ ਦਾ ਆਰਡਰ ਕੀਤਾ। ਹੁਣ Swiggy ਦੀ ਕਸਟਮਰ ਕੇਅਰ ਇਸ ਦੀ ਬਜਾਏ 70 ਰੁਪਏ ਮੁਆਵਜ਼ੇ ਵਜੋਂ ਦੇਣਾ ਚਾਹੁੰਦੀ ਹੈ। ਮੇਰੀਆਂ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਵੱਜੀ ਹੈ।
ਆਪਣੇ ਟਵੀਟ ਵਿੱਚ ਉਸਨੇ ਅੱਗੇ ਲਿਖਿਆ ਕਿ ਮੈਂ ਸਾਰੀ ਉਮਰ ਸ਼ਾਕਾਹਾਰੀ ਰਿਹਾ ਹਾਂ। ਇਹ ਬਹੁਤ ਹੀ ਅਪਮਾਨਜਨਕ ਹੈ ਕਿ ਕਿਸੇ ਨੇ ਮੇਰੇ ਨੈਤਿਕ ਕਦਰਾਂ ਕੀਮਤਾਂ ਨੂੰ ਖਰੀਦਣ ਦੀ ਕੋਸ਼ਿਸ਼ ਕੀਤੀ। ਮੈਂ ਮੰਗ ਕਰਦਾ ਹਾਂ ਕਿ Swiggy ਦੇ ਸਟੇਟ ਹੈੱਡ ਲੈਵਲ ਅਧਿਕਾਰੀ ਮੈਨੂੰ ਫ਼ੋਨ ਕਰਕੇ ਮੁਆਫ਼ੀ ਮੰਗਣ।
ਆਪਣੇ ਟਵੀਟ ਵਿੱਚ, ਸ਼ੇਸ਼ਾ ਨੇ Swiggy’s @SwiggyCares, @Swiggy ਅਤੇ The Bowl Company ਦੇ @tbc_india ਹੈਂਡਲਰ ਨੂੰ ਵੀ ਟੈਗ ਕੀਤਾ।
ਮੈਂ ਨਾਨ-ਵੈਜ ਰੈਸਟੋਰੈਂਟ ਤੋਂ ਸ਼ਾਕਾਹਾਰੀ ਭੋਜਨ ਕਿਉਂ ਮੰਗਵਾਇਆ?
ਸ਼ੇਸ਼ਾ ਦੇ ਇਸ ਟਵੀਟ ਦੇ ਸਾਹਮਣੇ ਆਉਣ ਤੋਂ ਬਾਅਦ ਕਈ ਲੋਕਾਂ ਦੀਆਂ ਪ੍ਰਤੀਕਿਰਿਆਵਾਂ ਸਾਹਮਣੇ ਆਉਣੀਆਂ ਸ਼ੁਰੂ ਹੋ ਗਈਆਂ। ਕਈ ਲੋਕਾਂ ਨੇ ਸ਼ੇਸ਼ਾ ਦੀ ਆਲੋਚਨਾ ਕੀਤੀ ਅਤੇ ਕਈ ਲੋਕ ਉਸ ਦਾ ਸਮਰਥਨ ਕਰਦੇ ਵੀ ਨਜ਼ਰ ਆਏ। ਕੁਝ ਯੂਜ਼ਰਸ ਨੇ ਲਿਖਿਆ ਕਿ ਇਸ ਮਾਮਲੇ ‘ਚ ਤੁਹਾਨੂੰ ਧਰਮ ਨੂੰ ਵਿਚਕਾਰ ਨਹੀਂ ਖਿੱਚਣਾ ਚਾਹੀਦਾ। ਇਸ ਦੇ ਨਾਲ ਹੀ ਇਕ ਵਿਅਕਤੀ ਨੇ ਲਿਖਿਆ ਕਿ ਜੇਕਰ ਤੁਸੀਂ ਨਾਨ-ਵੈਜ ਰੈਸਟੋਰੈਂਟ ਤੋਂ ਸ਼ਾਕਾਹਾਰੀ ਭੋਜਨ ਦਾ ਆਰਡਰ ਦਿੱਤਾ ਹੈ ਤਾਂ ਤੁਹਾਨੂੰ ਕਿਸ ਗੱਲ ਦੀ ਸ਼ਿਕਾਇਤ ਹੈ।